راوية عشقت متمرده

البارت الثاني

محمد :حقها يا كنان سيبها ... اجاوبك انا ... ده يبقي يوم المنا اني اناسب كنان ... هيبقي اسعد يوم في حياتي لو ده حصل .. هاه قولت ايه يا كيان ؟؟ خلي بالك جوازكم هيكون علي الورق بس فتره ولو فعلا ما استجابتش تطلقها وامشي ويبقي عملت كل اللي اقدر عليه ...
كنان : اديني يومين وارد عليك
محمد : خلي بالك سفرها بعد اسبوع بالظبط
كنان : بإذن الله خير

محمد مشي وساب كنان هيتجنن من التفكير ومش عارف ياخد قرار نهائي .. حتي والدته مش عارفه تفكر .. متحمسه وخايفه في نفس الوقت ومش راضيه تاخد اي قرار مع ابنها لانها مش ضامنه النتيجه وخايفه يلومها ؟؟؟
اخيرا كنان قرر يساعد شريكه اللي بيعتبره ابوه..
سافرله القاهره واتقابلوا وكتبوا الكتاب وطلب من والدته تجهز البيت بتاعهم علشان لين وتشيل كل هدومه تبعتها القاهره وتكتر هدومه الصعيدي زي الجلاليب وكل لبس الصعايده حتي العمه..
وتفهم الكل باللي هيحصل علشان محدش من الخدم يغلط بأي حاجه ...
كتبوا الكتاب وكنان متخوف من الخطوه دي ...اخيرا طلعت القسايم وكنان استلمها وبدأ اجراءات منع لين من السفر
محمد طول الوقت بيحاول يقنع بنته تفضل معاه بس هيا مصره تسافر ومش بتسمع لاي كلمه من ابوها
محمد : يا بنتي اسمعيني بس
لين : بابي انا بسمعك طول الاجازه وانت نفس الكلام .. It's over dad
راحوا علي المطار الاتنين وهو بيحاول محاولاته الاخيره
لين : بابي انا هروح bathroom
سابته ومشيت وسابت حاجتها جنبه
محمد : سامحيني يا لين بس انتي مسبتيليش اي طريقه تانيه
رجعت لين ودخلت وبدأت تتحرك لحد ما وصلت لختم الجواز هنا الظابط بصلها
الظابط:اسف يا افندم بس حضرتك ممنوعه من السفر
لين : what ?? Are you crazy?
الظابط: افندم سيادتك ؟؟
لين : يعني ايه ممنوعه ؟؟
الظابط: يعني حضرتك لازم موافقه الزوج وزوج حضرتك مش موافق تسافري
لين : ok ok their must be something wrong..I'm not ....انا مش متجوزه
الظابط بص لشاشته تاني : اسف قدامي متزوجه اتفضلي .. اللي بعده
لين : انا امريكيه وما ينفعش تعاملني كده .. انا لازم اكلم السفاره فين المسؤل هنا ؟؟

راحت لين للمسؤل ودخلت تتكلم معاه كان كنان مستنيها بجلابيه وعمه ودقن خفيفه واول ما شافها بلهجه صعيديه تماما
كنان : مرتي كييف تسافري من غير موافجتي ؟؟ كييف ... هتسيبي جوزك وتسافرييي ؟؟؟
لين : ايه ده مين ده ؟؟؟مين الفلاح ده ؟؟
كنان : شوف عاد الكلام ... اتجولي علي جوزك مين ده كيييف ؟؟ انا جوزك يا حلوه
لين : جوز مين ؟؟ مجنون ده ولا ايه ؟؟ انا مش متجوزه وبعدين انا يوم ما اتجوز اتجوز ده ؟؟؟
كنان : شوف عاد الكلام اللي يضايق .... معلهش ابراحتك .. يالا بينا علي البيت وهناك نتصافوا
يدوب هيقرب يمسك ايدها يخرجها الي انها بعدت وزقت ايده
لين : مجنون ده ولا ايه !؟ حضرت الظابط انا معرفش الراجل ده ودي اول مره اشوفه ...
This is madness
الظابط: الورق اللي قدامي يثبت ان اللي انتي بتقولي عليه مجنون ده يبقي جوزك وقدامي القسيمه موثقه من المحكمه والورق قانوني ومن حقه يمنعك من السفر
لين : انا هكلم بابي يشوفله حل
اتصلت بأبوها وطلبت منه يدخل والظابط بعت اللي يدخل ابوها واول ما دخل سلم علي كنان فالظابط بص للين باستغراب
لين : انت تعرف المجنون ده ؟؟؟
محمد : ده جوزك يا بنتي
لين : جوزي ازاي يعني ؟؟ اتجوزته امتي ؟؟ وانا نايمه ؟؟ انا اتجوز ده ؟؟ طيب ازاي ؟؟ انا هتصل بالسفاره .. اذا سمحت اتصلي بالسفاره الامريكيه
الظابط : وماله ممكن جوازك
ندي عطتله جوازها
الظابط : حضرتك بتهزري ؟ ده مصري انا بتلكم عن الامريكي اللي مكتوب فيه انك معاكي جنسيه امريكيه
لين : اه لحظه
طلعت شنطتها وقلبت فيها كتير لدرجه انها قلبتها علي المكتب
لين : جوازي مش موجود .. اكيد اتسرق .. في حاجه غلط
الظابط : طيب لحد ما تلاقي جوازك الامريكي او تجيبلي حاجه رسميه تثبت انك امريكيه اتفضلي من هنا انتي ضيعتي وقتي ...
لين : انا لازم اكلم السفاره
الظابط : طيب اتفضلي كلميها و حلو مشاكلكم بره اتفضلوا ومن هنا لحد ما جوزك يوافق انتي ممنوعه من السفر
لين : اوكي listen to me بابا عايز يمنعني من السفر واكيد هو مأجراي البني ادم ده وهو عمل كده لكن انا معرفوش ولا شفته قبل كده.. ده اتفاق عليا انت لازم تساعدني
الظابط : ده شيء ميخصنيش دي مشاكل عائليه بينكم حلوها
لين : بقولك ده مش جوزي
الظابط : القسيمه دي بتقول غير كده
ندي : طيب انا اعمل ايه دلوقتي واتصرف ازاي ؟ ايه الحل علشان اعرف اسافر ؟؟
الظابط : حل من الاتنين ... يا موافقه الراجل ده يا ورقه طلاقك يا جوازك الامريكي غير كده اسف روحي ارفعي قضيه خلع وبجوازك الامريكي هتكسبيها بسهوله .. ده اللي عندي ... اتفضلوا بقي من هنا لاني مش فاضيلكم ... انت يا ابني معاهم لحد بره اتفضلوا
كنان : متشكرين يا ساعده البيه
لين بتريقه : بيييه !!!
فضلت ترغي كتير بالانجليزي وهيا ماشيه وتكلم نفسها وابوها وكنان ساكتين تماما لحد ما وصلوا لعربيه ووقفوا قدامها كانت جيب 4*4
لين : احنا وقفنا ليه ؟؟
كنان فتح الباب اللي جنب السواق
كنان : اتفضلي يا عروسه عربيتييي
لين : اوعي تفكر نفسك جوزي انت فاهم ؟
زقته وركبت من وري
كنان شاور للعمال يدخلو شنطها العربيه لحد ما خلصوا ركب هو وباباها من قدام وساق كنان لحد بيت ابوها
سالم : هتريح الليله هنا اتفقنا لين خدي جوزك اوضتك
لين : افندم ؟ جوزي ؟؟ انت متخيل اني هقبل التمثيليه دي ؟؟ الجواز ده نصب ...انت اكيد استغليت التوكيل اللي عملاهولك دي الطريقه الوحيده ... انت اكيد اخدت جوازي وخبيته ..دلوقتي عرفت ليه ماما ما استحملتش تعيش معاك .. انت اناني بتاخد قرارات ما تخصكش . مش من حقك ابدا تاخد قرار زي ده ومش هسامحك ابد .. انا كنت ناويه اسافر وارجع كل شويه اقضي معاك فتره لكن دلوقتي اول ما اسافر مش هرجع البلد دي تاني ابدا .. انت خسرتني تماما وقطعت كل الروابط ما بينا ...
مشيت خطوتين ورجعت تاني
لين : ده ؟تجوزني ليه ده ؟؟؟
محمد : انتي ما تعرفهوش
لين : شكله يغني عنه ... دي اكبر غلطه غلطتها في حياتك وهتدفع تمنها علاقتي بيك ... مش ده اللي انا اتجوزه
كنان : وبعدين معاكي ؟؟؟ هطولي لسانك اكتر من اكده علي ابوكي هجطعهولك اتلمي بجي يا حرمه واطلعي يالا علي اوضتك
لين : نعم !! اوعي تفتكر نفسك للحظه جوزي كلها يومين واصلح الوضع ده
كنان : ومن اهنيه لحد ما اليومين دول يخلصوا انتي مرتييي ومن اهنيه لحد ما تطلجي مني انتي مرتي مفهوم ولا افهمك بطريجه تانيه ؟؟؟
لين : اااااهههه
صرخت بعصبيه وسابتهم وطلعت اوضتها والاتنين واقفين قصاد بعض
كنان : قولتلك مش هتتقبل ده بسهوله
محمد : عارف
كنان : احنا لسه فيها نلغي اللعبه دي وتسيبها تسافر
محمد : لا انا عندي امل انك تنجح في اللي انا فشلت فيه
كنان : اوكي نكمل بس انا هاخدها البلد
محمد : ايه ده مش هتفضلوا هنا شويه ؟؟
كيان : لا طبعا اولا هنا انا معروف ومش هقدر اتحرك كتير بالجلابيه كده ثانيا عندي مشاكل في البلد لازم اهتم بيها ثالثا والاهم البلد وجوها هيساعدوني اكتر في التعامل معاها لكن هنا هتفضل تخرج وهيكون صعب السيطره عليها
محمد : بس
كنان : ما بسش انت هتلعب اللعبه بقوانيني
محمد : دي بنتي
كنان : واوعدك انها هتفضل جوه عنيا وهحافظ عليها
محمد : عارف بس في نقطه مهمه
كنان : اتفضل
محمز : لين مراتك علي الورق وقانونيا لكن مش شرعا
كنان : قصدك ايه؟؟
محمد : اقصد انك مالكش حقوق فيها وانك ...
كنان : ما تكملش اعتقد انك سبق وقولت انك بتثق فيا صح ولا ايه ؟؟ بنتك في امان معايا وعارف اني ماليش حقوق ؟ ما تخافش عليها مني
محمز : في امانه الله اطلعلها ومارس سيطرتك عليها ووريني همتك
كنان طلع للين ووقف قدام اوضتها واتردد يخبط ولا يدخل ولا هو اصلا بيعمل ايه هنا ؟؟ كان سامع صوتها بتتكلم في التليفون وتقريبا بتكلم امها تحكيلها اللي حصل وكل كلامها كان بالانجليزي
خبط خبطه ودخل وهيا بصتله باشمئزاز وتجاهلته وفضلت ترغي بالانجليزي وهو قعد علي اقرب كرسي مستنيها تخلص وطول المكالمه تقريبا بتشتم فيه وهو عايز يبتسم بس ماسك نفسه لحد ما خلصت وبصتله
كنان : خلصتي ؟؟ لعلمك الصبح بدري عنمشي من اهنيه
لين : ايه اهنيه دي ؟؟
كنان : اجولهالك كييف ... هنا حلوه اكده
لين : حلوه ولا زفت انت عايز ايه وجاي هنا ليه ؟؟
كنان : جاي لمرتي
لين : اخرس انا مش مراتك .. بكره الصبح هروح لمحامي واخلص من المهزله دي
كنان : وانا عجولك الصبح هنسافر
لين : انت اتجننت ؟؟ انا مش هروح معاك في اي مكان انا هروح لمحامي
كنان : خلاص يا جمر هسيبك تروحي مشوارك الصبح وبعد ما ترجعي يحلها المولي وهسيبك الليله تنامي براحتك يا جمر تصبحي علي خير
لين كانت عايزه تضربه باي حاجه وبعد ما قفل الباب رمت فاظه علي الباب كسرتها من غيظها
رجع تاني فتح الباب
كنان : عتجولي حاجه يا جمر
لين : بقول اياك ترجع
كنان : لا يا جمر انا نازل اتحدد مع ابوكي شويه وراجعلك ما تجلجيش
لين : ترجع فين ؟
كنان : عنام في حضن مرتي
لين : تنام ايه ؟؟ انت الظاهر اتجننت ... اتفضل اطلع بره
كنان : راجعلك
خرج كنان وهيا جريت قفلت الباب بالمفتاح وهو بره ضحك منها ونزل لابوها وكملوا اتفاقتهم
تاني يوم الصبح صحيت وكأنها كانت في كابوس وفاقت منه قامت لبست ونزلت بفستان كت وفوق الرقبه في منتهي الشياكه ونزلت تفطر لقت ابوها ومعاه كنان بيتوشوشوا
لين : تصدق نسيت انك هنا وكنت فكراه كابوس ومشي
كنان : صباح الخير يا جمر اجعدي افطري خلي الوكل يحلو
محمد كان عايز يضحك بس مسك نفسه بالعافيه علشان ما يضحكش بس بنته لمحته
لين : بتضحك وماله اضحك علي بنتك المتخلفه اللي انت بتدمرها
محمد : مش يمكن اكون بنقذها من نفسها ومن غباءها ؟؟
لين : جوازي من البني ادم ده انقاذ .. انا حتي معرفش اسمه ايه ؟؟
كنان:انا اسمي كنان
لين : انا خارجه
كنان : علي وين ؟؟
لين : ده شيء ما يخصكش
كنان : كلك علي بعضك اتخصيني فخليكي حلوه اكده علشان انا ابجي حلو وياكي
لين : مش هرد عليك
يدوب لفت وشها لقت ايد من حديد ماسكه دراعها ولفت واتقابلت عنيهم في نظره تحدي بس اتفاجئت انها واقفه قصاد جبل زلزل كيانها واحساس بالضعف والخوف ملاها ودي اول مره تخاف من راجل
لين : انت بتوجعني سيب ايدي
كنان : يبجي تردي عدل رايحه علي وين ؟؟
لين : اوكي رايحه اشوف محامي يخلصني منك ارتحت ؟
كنان : السواج بتاع ابوكي عيوصلك مش هتمشي لوحدك ولعلمك لما اخدك واسافر مش عتلبسي اكده تاني
لين : احلم براحتك بعد اذنك
مشيت وهيا متلخبطه .. ليه خافت منه ؟؟ ليه قلبها دق بالشكل ده وليه اتوترت كده ؟؟ لازم تخلص من البني ادم ده بسرعه ......
كنان كمل فطاره هو وابوها
محمد : تفتكر هتعمل ايه ؟؟
كنان : هتروح تشوف محامي والموضوع هياخد وقت بس ان شاء الله الوقت ده نقدر نعمل فيه حاجه بس حكايه جوازها المختفي ده هيساعد كتير لانها لو حبت تطلع غيره هياخد شويه وقت ...هو صح جوازها فين ؟؟ انت ليك يد في الموضوع ده !
محمد سكت شويه وبعدها طلع الجواز وحطه علي السفره قدامه
كنان : انت سرقته منها ؟؟
محمد : ماهو لو كان معاها كان زمانها في امريكا دلوقتي
كنان : انت كده تخطيت كل الخطوط الحمرا فخلي بالك
محمز : عارف بس كان في ايديد ايه اعمله ... خليه معاك بقي الجواز
كنان : لا يا سيدي خليه هنا معاك انت
محمد : طيب المهم هيا ممكن تخلعك فعلا ؟؟
كنان : طبعا وبسهوله وخصوصا ان الجواز ما تمش فعليا وان ها امريكيه وانا بشكلي ده اول ما القاضي يشوفني هيرزعني طلاق تلاته
ضحكوا الاتنين
محمد : لا بس انت سابك الدور قوي انت اتعلمت اللهجه الصعيدي دي امتي ؟؟
كنان : انا متربي في الصعيد الجواني وامي صعيديه ميه ميه المهم انا هروح الشركه شويه قبل ما نسافر في حاجات عايز اخلصها
محمد : هتروح بشكلك ده ؟؟
كنان : هغير في الشركه
نزل كنان وراح شركته ودخل بجلبيته والكل بيوقف ليه مستغربين شكله جدا هما عارفين انه صعيدي بس اول مره يشوفوه كده
دخل مكتبه ووراه السكرتيره بتاعته
مريم : ايه اللي عمل فيك كده ؟؟
كنان : دي حكايه طويله المهم عقبال ما اغير جهزيلي المهم بس
مريم : تمام
خرج كنان وقعد هو ومريم يخلصوا المهم في الشغل