راوية عشقت متمرده

البارت الثامن عشر

اهلا بكل متابعين روايه عشقت متمرده.
كنت قررت اني معتش هنزل هنا حاجه بسبب التفاعل الضعيف بس فيه البعض كان عاوز يعرف نهايه الروايه.

هنعمل شروط جديده لتكمله الروايه عشان اعرف انكم حبينها .
اول شرط: 10 🌟 لكل بارت ينزل
ثاني شرط : 10 كومنت
👍👍👍👍👍👍👍👍👍👍👍👍👍👍
اول ما تحققوا الشروط البارت ينزل وهيكون اطول من العاده هيكون حوالي 3500 كلمه .
وطبعا الشروط دي فضلا وليس أمرا أحبكم ❤️

البارت ده قصير وبعدين انشاء الله هيكون طويل وبس .
يلااااا استمتعوا ❤️❤️

ادم: تسعدني؟ وانتي تعرفي ايه اللي يسعدني؟

كريمه: ايوه، واحده تريحك وتشيل همومك وتسمع كلامك وتفضل وراك طول الوقت وما تعارضكش ولا كانت عجباك الا بتعاندك حتي في النفس، ادم حبيبي حكم عقلك وخد وقتك تصبح على خير
ادم: وانتي من اهل الخير.

سابته وهو سهر مع افكاره وذكرياته وندي اللي فعلا كانت بتعانده في كل همسه وابتسم لانه فعلا ده اللي كان عايزو، مش عايز واحده يقولها يمين تقوله تمام ويقولها شمال تقوله امرك، عايز واحده تجننه ويجننها، عايزل واحده تعانده وتعارضه وهو يجبرها تنفذ كلامه، عايز واحده تحسسه برجولته وقوته وبضعفه وقله حيلته، عايز واحده تطير النوم من عنيه والواحده دي كانت ندي، للاسف كانت ندي...

الايام بتعدي وكريمه بتحاول تقرب فاتن من ادم في كل لحظه ومناسبه وكل حاجه بتعملها بتخليهم يتقابلوا علشان ادم يشوفها بس للاسف قلبه وعنيه مقفولين تماما على ماضيه، كل يوم خناقه مع امه على موقف بتحطه فيه او حاجه بتفرضها عليه مع فاتن.

كل يوم بيعدي ادم بيتزق على فاتن اكتر واكتر وكل يوم بيعدي ندي بتحسن من نفسها وتتعلم اكتر واكتر علشان الاول ترضي عن نفسها وبعدها تليق بحبيبها ادم، علشان يوم ما ترجع تقدر تقف قصاده، وتقوله انا اهو حبيبتك ندي
في يوم كريمه قاعده مع ام عبدالله وبيتكلموا
ام عبدالله: هو عيصدق ان ابوها موافج؟
كريمه: اه عيصدج ما يصدجش ليه ما تشغليش بالك انتي
ام عبدالله: بس خايفه ابوها يعرف ويبهدلني، يا لهوووي لو عرف.

كريمه: يعرف منين بس! هبجي اجول لادم ينزلها في اول البلد وما يدخلش بيها اهنيه وانتي ابعتيلها حد ياخدها وبس كده
ام عبدالله: انا مش عارفه انا كييف وافجتك على الجنون ده والله لو ابوها عرف ليطلجني فيها
كريمه: طلاج اييه بعد الشر بس اهي فرصه وجاتلنا لحد عندينا الطريج هيخليهم يجربوا من بعض ويتحددوا وبعدين هايفه من ايه؟ ادم ولدي انا مربياه صوح وبنتك بامان وياه ما تجلجيش
ام عبدالله: ربنا يسترها.

ابتسمت فاتن اللي كانت واقفه بره وسامعه كل الحوار وفرحت ان امها بتخطط تقربها من ادم
تاني يوم ادم كان في القاهره في شغله وجاله اتصال من امه
ادم: ايوه يا امي خير!؟
كريمه: ايه هو ما ينفعش اكلمك الا لو عايزه حاجه؟
ادم: لا طبعا بس الفتره الاخيره ده اللي اتعودت عليه منك
كريمه: ماشي مش هعترض لاني فعلا عايزه منك حاجه
ادم: اتفضلي يا ست الكل اؤمريني
كريمه: الامر لله حبيبي بس خدمه بسيطه
ادم: اتفضلي قولي.

كريمه: انت هترجع امتي هنا الاول؟
ادم: اخر النهارعلي العصر كده ان شاءالله
كريمه: طيب تمام فاتن
ادم قاطعها: يووووووه يا امي ارحميني بقي شويه
كريمه: اللي يسمعك يقول اني بعذبك، البنت عندك في القاهره وكل اللي هطلبه انك تجيبها معاك بس
ادم: بصفتي ايه اجيبها معايا في عربيتي طريق بياخد حوالي 6 ساعات هاه!؟ في ايه يا امي؟
كريمه: وفيها ايه؟

ادم: فيها انك بتكيلي الامور بمكيالين اللي يعجبك عادي اوكي واللي ما يعجبكيش لا غلط ما يصحش
كريمه: لا طبعا كل الحكايه ان ابوها قصدني لان المفروض اخوها كان هيروح ويجيبها بس حصلتله مشكله هنا وما عرفش يسافر فأنا عرضت عليه انك انت تجيبها والراجل ما صدق
ادم: الراجل ما صدق هاه؟ ما صدق راجل غريب يجيبله بنته؟ شيخ البلد عايزني انا اجيب بنته؟ مش راكبه يا امي.

كريمه: مش راكبه ليه؟ اولا انت مش غريب ثانيا انت لك سمعتك ووزنك في البلد ما انتاش اي راجل وخلاص، الراجل تحت اقوله ايه؟
ادم: هتقوليله ايه؟ انت اصلا خلاص قولتي ولا ايه؟
كريمه: تليفون البنت بعتهولك واتس كلمها وشوفها
يتبع.
.
.
.
.
.
.
.
.
.
.
.
جانا ❤️❤️
البارت القادم ينزل 8 🌟 و10 تعليق

660 كلمه

وطبعا الشروط دي فضلاوليس امراا وشكرا ❤️