مَساء الوَرد وَ اليَاسَمين ♥️♥️
تَحتَ أفياء الذاكِرةّ
سَما العُبَيدي
الذِكرى التَاسِعة عَشر
مابيه ..
گلب للشوگ مابيه
احن .. واتلهف .. واشتاگ .. مابيه
ولا بيه .. اصافح من جديد اجفوف
باعت واشترت بيه...
*********************
الماضي
رجف گلبي وضليت متصنمه بمكاني ماعرف شسوي يمشي خطوة و يوكف لحظات ويرجع يمشي اتجاهي دموعه تنزل همس و صوته يرجف
_سَفَري
حاول يلزم ايدي دفعته وغطيت وجهي وانداريت ابجي من كُل گلبي دارني عليه من كتفي صحت
_ديربالك تلزمني
_أسفار احجي وياج باعيلي حبابه
رفع وجهي وضل يتأمل ملامحي وحجه بقلق
_الي بالي مصار مووو الي دافكرررر بي مصاااار جااااوبي
دفعت ايدة وكتله
_شنوو يهمك يعنييي زوجي ماهتم انت علئ شنو تهتم
كعدت على السرير وسئلته
_شلون عرفت مكاني ليكون هو إلي جابك الي
رفعني بـقوه وصاح
_جاوووبي
صحت بضجر
_شجاااوب شنووو تريد تعرررف
لزم وجهي وكال
_محد لمسج مووو
بجيت وكتله
_ما خصك بـشيء
_احجي حبابه احجييي بردي گلبي رااااح امووووت انييييي راح اموووت
حجيت باستفزاز
_جيتك هنا وطلبك الي بالاسم شنو يُعتبر ؟؟ بنت ليل وعجبك تشوفني لـشنوو بلا ؟؟ فـ لا تسئل شيء معروف جوابه شنو مثل ما انت اجيت كَـ زبون غيرك هم اجه
لزم راسه وصاح
_كذب مووو كذذذذب كووولي كذذذب ماكو هيج شي ريحينيييي وكولي ماااكو هيج شي
دفعته من صدره وحجيت
_شنو الي يفرق يعني مو انت نفسك إلى اغتصبتني واليوم جاي لنفس الهدف اصلاً عادي تعودت ما تفرق وياي
_كلامج هذا بس حتى تأذين گلبي عليج ايي صحيح بس حتى تقهريني
رجعت كعدت وشغلت جكاره دخنتها باوع عليه وكال
_امشي وياي مابقيج هنا
سحبني من ايدي خليت ايدي فوك ايده ابعدها عني
_كل عقلك نكدر نطلع انت شايف الحرس الي بالباب كلهم مسلحين ماكدر نطلع منا ابد
_مابقيج هنااااا
_منو كلك محاولت اهرب قبل بس فشلت
باوعت عليه وكتله
_الله يلعنك ويلعن اخوك الله يلعنكم دمرتووو حياتيييي دمرتووووني الله ياخذني واخلص منكم اكرهكككك
أنت تقرأ
تَـحـتَ أفيّـاء الذَاكِـرةّ
ChickLitمن إنا لكي ينبض قلبي من إنا لكي آحب وأُحب فأنا التي خلقت من قوة وصلابة ونشأت بالظلام وكبرت نفسي ب نفسي جاهدت وتعبت للحصول ؏ سبل السلام التي لم أراها حاولت العيش لنفسي ولم أفلح حاولت إصلاح وضعي ولم أنجح لم أستطع إخراج نفسي من ظلامي وظلمتي تمن...
