احفاد نعمان 3( مكتملة)

الفصل التاسع والعشرين

#أحفاد_نعمان3

الفصل التاسع والعشرين

👑سبحان الله وبحمده .. سبحان الله العظيم 👑

    روح ما زالت تعاند مع جاد وتصر علي أن لا تسمع كلمته تريد أن تعمل وهو خائف عليها  وعلي حملها

دنيا تحاول معاها ان تجعلها تفهم أن هذا لمصلحتها وأنها لابد أن تحترم كلمته ولكن هذا الحديث لا يقنع روح فهي شخصيه قويه و لا تحب أن يفرد  أحد كلامه عليها

ارتدت ملابسها  استعدادا للنزول الي العمل بعد رحيل جاد

دنيا نظرت لها بصدمه : روح رايحه فين
روح : يعني هكون رايحه فين . طبعا علي الشغل يا ماما
دنيا : يا بنتي اسمعي كلام جوزك . جاد بيحبك وخائف عليكي

روح : يا ماما انا زهقت بقالي شهر قاعده في البيت خلاص بقي . وقت الخطر عدي..

دنيا : حتي لو كده .  اتكلمي معاه الاول  و اتفقو

روح : هيرفض يا ماما

دنيا : مش هيرفض لو كلمتيه براحه . لكن تنزلي  غصب عنه معناها أنه ملوش كلمه عليكي ..

روح :  حتي لو زعل هعرف أصلحه
دنيا : بلاش تضغطي علي جاد   هو  شخصيته قويه زيك . بس بيسكت ويعدي عشان بيحبك . كتر الضغط هيولد انفجار

لم تستمع روح الي والدتها وقررت أن تفعل ما تريده ..  اتصلت دنيا بادم  لتحكي له عما  فعلته دنيا  

دنيا : شوفت اخر دلعك في بنتك ايه اللي حصل.  هتخرب بيتها بايديها

ادم : اهدي يا حبيبتي . انا هتكلم معاها . متزعليش نفسك

صرخت به : انت هتشلني . بقولك بنتك نزلت  ورايحه الشغل  وهي حامل وجوزها  قالها متنزلش

ادم  : يعني يا دنيا هي بنتك صغيره . هغصب عليها وله هضربها.  بنتك كبيره وفاهمه بتعمل ايه .

دنيا : وأما تخرب بيتها
ادم : مش هتوصل لكده . جاد عاقل وهيعرف يتعامل معاها

دنيا : والله هو لو عمل ايه ليه حق . عشان بنتك بتستهر بكلامه

ادم :  اهدي بس وانا هجيلك  واتكلم.معاها

دنيا.:  لازم تيجي لأن هيحصل مشكله
ادم : بلاش تفكير سلبي . ان شاء الله خير

.....

مع روح دخلت الشركه وذهبت الي المصنع دون أن تمر علي جاد فهي تعلم أنه سيغضب. لذلك قررت تأجيل المواجهه بينهم