أحفاد نعمان 3
الخامس والثلاثين
👑 رضيت بالله ربا و بالاسلام دينا و بمحمد صلى الله عليه وسلم نبيا و رسولا 👑
كان يجلس في مكتبه بالشركه انتهي للتو من الاجتماع
وجد الباب يفتح بدون طرق فتح عينه بانزعاج
جاد : مش في باب تخبطي عليه قبل ما تتدخلي . مين اذنك تتدخلي وفين السكرتيره
جلست الفتاه ببرود : انا مش غريبه
جاد : قومي اقفي . مين قالك تقعدي.
نفخت ووقفت : في ايه يا جاد . انت بتعملني كده ليه.
جاد : اولا اسمي بشمهندس جاد . متشليش الألقاب بينا . ثانيا بقي في كتير اوي
الفتاه : جاد انا ليا حق في الشركه زي زيك .وبعد موت بابا انا بقيت شريكتك ، وله بتتقل عليا من وقت اما قولتلك اني بحبك
جاد : انتي مجنونه. فين جوزك
الفتاه : انت لسه فاكر انا أطلقت منه من اسبوع
جاد : اطلعي بره يا زينه متتدخليش مكتبي تاني
زينه : مش هطلع
جاد : لا هتطلعي ، ملكيش حق تدخلي هنا . ليكي مكتبك
زينه : لو قلقان من مراتك ، اللي بينا محدش هيعرف بيه
جاد : انتي مش طبيعيه.. انا بحب مراتي ومش شايف غيرها .. اطلعي بره .
زينه : انا مش عارفه بتحبها علي ايه . دي غيرك خالص
جاد : احسن منك . ومتتكلميش عليها . اطلعي بره
خرجت زينه بغضب من مكتب جاد لينفخ بانفعال ، منذ موت إبيها وهي تأتي باستمرار الي الشركه و تتدخل في كل شئ . وما كان ينقصه هو طلاقها لتظل تلاحقه ..
فرك جبينه وهو يفكر في روح لو علمت بما تفعله زينه لن يمر الأمر علي خير
*********
في اليونان
كانت ايمي مع ملوك يتحدثون
والاولاد يلعبون معا أمامهم في حديقه البيت
ملوك : ايمي بصراحه انتي مزوده الموضوع اوي . والله مش بتكلم علشان مالك اخويا. بس هو فعلا بيحبك ومش ممكن يفكر يخونك
ايمي : مش عارفه من وقت اما خلفت مراد وانا حاسه ان في فتور في علاقتنا . حاسه أنه بعيد عني.
ملوك : ليه حاسه بكده . انا شايفه مالك بيهتم بيكي وبالاولاد
ايمي: مش زي زيزو .
ابتسمت ملوك : كل واحد وليه طبع ، زيزو ممكن يعبر عن حبه بالكلام والهزار . لكن مالك بيعبر بالافعال اكتر .
اكملت ملوك : فاكره اما كنتي بتولدي مراد كان خايف عليكي ازاي . وهو صمم أنه يفضل معاكي في المستشفي وكان بيعمل كل حاجه بحب
أنت تقرأ
احفاد نعمان 3( مكتملة)
Narrativa generaleمهما ابتعدت القلوب سنبقى اوفياء الجزء الثالث من أحفاد نعمان .....
