احفاد نعمان 3( مكتملة)

الاخير

صغيره ولكن

النهايه

👑 استغفر الله العظيم و اتوب اليه 👑

وقف ادهم امام والده بتأكيد علي كلامه
: هتجوزها .. انا بحب آيه .. كنت فاكر أن حبي ليها ده تعلق وحب لبنتي الصغيره اللي ربيتها بس بعد كده فهمت.. أنا بحبها بكل شكل واي طريقه .. بنتي واختي وصحبتي وحبيبتي .. ( ابتسم ليعيد النظر إلي والده ) انا مستغرب نفسي أن انا بقول الكلام ده . بس دي الحقيقه اللي فهمتها متأخر

سمعو صوت اصطدام شئ بالأرض لينظر الي اعلي الدرج

كان جسد آيه هو الملقي أعلي السلم

ادهم بخوف: ااايه

اسرع لها بينما حمزه كان يقف ما زال تحت تأثير الصدمه لقد تحرك الجبل اخيرا نطق الحائط ما زال لا يصدق هل هذا أدهم ام شخص آخر

وضعها علي الفراش وأحضر زجاجه العطر ليضعها علي انفها حتي تفيق

صفعها بخفه علي وجنتيها .. لتفتح عينها ببطئ

حضر جهاز قياس الضغط ليطمئن عليها ثم فحص نبضات القلب

وهي تنظر له بصدمه هل ما سمعته صحيح . اما هي تهلوس

ادهم بلهفه: آيه ...آيه اتكلمي .. حاسه بأيه ؟
آيه: انت

نظر لها لتكمل : انت كنت بتقول لبابا ايه

ادهم وضع يده علي وحنتها يتحسسها بلطف : كنت بقوله إن انا بحبك وهتجوزك

ايه شهقت : بالله عليك
ابتسم ورفعها لتجلس علي الفراش تقابلت عيونهم : ب ح ب ك

صرخت بسعاده لتندفع الي أحضانه وتعانقه بقوه وهي تبكي ولكن هذه المره كانت تبكي من الفرحه ، تشعر أنها سيغمي عليها مره أخري

ادهم ضحك علي رد فعلها وضمها إليه أكثر يشعر أن الهم ذهب .. ايه: هنتجوز أمتي
قهق علي كلامها .. لتبتعد بانزعاج : بتضحك عليا

ادهم : بضحك علي كلامك ..

ايه: احلف كده انك بتحبني وهنتجوز
ادهم: والله بحبك وعايز اتجوزك

ايه: طيب انت كويس مش بتخرف
نظر لها بغيظ : محدش بيخرف هنا الا انتي.

ضمته مره أخري وهي تضحك: قلبي هيقف من الفرحه انا مش مصدقه نفسي . لقد هرمت من أجل هذه اللحظه

لا يعلم كيف يجيب عليها يضحك علي كلامها المجنون

لكنه اخيرا شعر بالراحه ابتعد عنها قليلا وهو يضع يده علي وجنتيها وينظر الي ملامحها بهدوء وهي تبتسم ... كان يشعر أنه لا يستحقها ولا يستحق حبها كان عليها أن تحب شخص افضل منه ..