رواية جاهلة ( الجزء الاول والثاني )

البارت السابع (الجزء الثاني)

#جاهله_الجزء_الثاني
#البارت_السابع
#بقلم_زوزه (Thę Quëëŋ).

في مصر .

وصل عدي ووالدته الي منزل محمد .

نظر عدي إلي والدته ثم تحدث وقال : ده العنوان اللي مليته ليك يا عم طه .

نظر له طه السائق وقال : ايوه يابني ده العنوان بالظبط وده البيت المفروض يكون في العنوان .

نظر عدي إلي والدته وقال : ده البيت يا ماما والا ايه .

هزت راسها وقالت : ايوه هو البيت مع أنه اتغير شويه بس انا عارفه المكان .

نظر عدي إلي السائق وقال : شكر يا عم طه هننزل احنا نشوف حد موجود والا لا وانت استنانا هنا .

هز طه رأسه وقال : اللي تؤمر بيه يا بيه .

نزل عدي ووالدته من السياره وذهبوا باتجاه المنزل الذي كان عباره عن دورين ولكن لونه اختلف عن السابق ذهبوا باتجاه باب المنزل الكبير ولكن وجدوه مقفل من الخارج بقفل .

نظر عدي إلي والدته بخيبة أمل وقال : باين مفيش حد هنا وسابوا البيت يا ماما .

نظرت له بحزن وقالت : تعال نسال حد من جيرانهم والا اقولك تعال نسال في السوبر ماركت اللي هنا .

تحدث عدي وقال : وده هيكون عارف منين يا ماما .

تحدثت ببصيص امل صغير وقالت : المصريين بيبقوا عارفين كل حاجه عن بعض يعني الجار قبل ما يمشي في حته بيكون قايل لجاره تعال نسال بقي يا عدي .

تحدث عدي وقال : تعالي نسال وان شاء الله هنلاقيهم .

قالت بأمل : يااااااارب .

ذهب عدي ووالدته باتجاه السوبر ماركت الذي كان بجوار المنزل .

دخل عدي ووالدته السوبر ماركت ووجدوا به شاب ثلاثيني .

رمي السلام عدي وقال : السلام عليكم كنا عايزين نسأل علي عم محمد صاحب البيت الأبيض اللي جمبك هو راح فين .

نظر الشاب لهم وقال : قصدك عم محمد الله يرحمه ده توفي بقاله اكتر من الخمس سنين اهو .

نظرت له بصدمه وقالت : انت بتهزر صح محمد اخويا مماتش محمد اخويا عايش انت بتضحك صح هو نقل من هنا بس .

نظر لها الشاب بحزن وقال : ولله عم محمد موتة قطعت فينا كلنا ويعيني ماات هو ومراته وسابوا بنتهم في الدنيا لوحدها الله يكون في عونها..

نظرت له بدموع وقالت : يعني محمد مات طيب ازاي ايه اللي حصل ده انا مودعتهوش يعني اخويا مات وظلت تبكي ولم تستطيع أن تقف فمالت قليلا علي عدي الذي مسكها وسندها واجلسها علي كرسي ثم تحدث بحزن علي والدته التي تبكي وتقول : ياحبيبي يا محمد يا حبيبي ياخويا بقا موت وانت صغير كده ياعيني عليك يا خويا ومات هو ومراته ازاي .