حبيت ضابط (قصه جريئة)

البارت الاول

اسمي محمد عمري ٢٧ نكدر نكول مغرور! هواي بنات يحبن شكلي بس مالكيت التحب شخصيتي، امي من عمان وابوي عراقي
ولدت واني عندي عيون باللون الازرق على والدتي واشقر وطولي ١٨٥ اختي دوم تكلي عامود كهرباء 😂😂
بعيدا عن مهمتي احب اهتم بجسمي واحب الرياضه احس نفسيتي ترتاح كلما اهتم بجسمي وبشكلي عندي اخت وحده وماعندي اخوان
هدى : مررحباا، اني اسمي هدى اصير اخت محمد عمري ١٦ حيل مدلله لاهلي لان الختام والبنيه هم اكيد حتعرفون الدلال شلون حيصير 😂😂
ابوي تاجر وحالتنا الماديه زينه الحمدالله وامي ربه بيت حلمي من الطفوله اصير ضابط والحمدالله اجه اليوم الي حققت هل شي
يوم من الايام :
محمد : كعددت ساعه ٨ الصبح محد موجود بالبيت اضطريت اسوي الريوك وطبعا خربت الدنيا انوب كويت القميص وحركته بين قوسين هل يوم عصبني وضجت بي كلش صار ياهوه الي يطلع بوجهي اعيط بي جان جنت اريد اروح للشغل وبالطريق لاكيت طفل يرسم على الحايط ردت اطلع حركتي بي صيحت عليه وكتله وين بيتك وهوه من شاف لبسي يكلي عمو عفيه لا توديني للسجن دلاني على بيته نزلته وكتله صيحلي واحد من اهلك
الطفل : عمو محد موجود مسافرين
محمد : تريد تقنعني باقي واحدك بالبيت؟
الطفل : بس اختي موجوده
محمد : ميخالف صيحها
الطفل نقهرت عليه كلت اودي لاهله وافهمهم احسن
ميار : اسمي ميار عمري ١٨ سنه عندي اخو واحد صغير ومشيب كلبي ابوي تاجر شركته بمحافظه ثانيه لذلك يضطر نروح بين فتره وفتره موصفات شكلي بيضه وعيوني سود وكبار ناعسات وخشمي صغير وشفتي منفوخه وملمومه اني بنيه طويله طولي ١٧٠ مو محجبه هدفي الاول والاخير دراستي
يوم من الايام :
ابو ميار : بنتي حضري روحج باجر نروح
ميار : يابه ماكدر امتحاناتي باجر
ابو ميار : لعد ابقي يابه راح نروح اني وامج ونخلي حسن يمج (اخوي الصغير)
ميار : لا يابه اخذه وياكم شنو هذا الدوخه
ابو ميار : ميخالف بنتي خاف تحتاجين شي هوه يمج
ميار : افف ماشي بابا
يوم من الايام جنت ادرس ودخل عليه حسن يبجي ويركض
ميار : شبييك ليش تبجي
حسن : باعي والله اني ماعليه هوه لحكني
ميار : شنو منو فهمني
حسن : شررطييي
ميار : شفت بالكامرات شو دوريه واكفه بالباب لزمت كلبي لاان اعرف حسن مايجوز من المشاكل المهم طلعت ووكفت وره الباب
محمد ؛ جنت واكف بعيد عن الباب لان كلت بنيه وابحدها اكييد تخاف
محمد : السلام عليكم خويه
ميار : وعليكم السلام ممكن تشرحلي شمسوي اخوي
محمد : اختي ممكن بس توكفيلي بالباب لاان ماسمعج
ميار : طلعت شوي عن الباب واخوي جان واكف وراي
محمد ؛ جنت عاكد حواجبي بس شفتها فكيتهن وضليت بس اباوعلها حسنها يهز اكبر ثكل طولها يخبل شعرها اله شوي ويصير بطولها ونازل على جتافها وعلى خدها وهيه كلساع تبعده ماشايف هيج بنيه قبل ولا مره عجبتني بنيه بعمري العشته ولا هزت ثكلي بنيه بس هيه كلشي بيها جذبني
ميار : خويه ممكن تتكلم لاان مستعجله
محمد ؛ ها ي (بهاي الفتره ردت بس احاول اذكر الحجي نستني)
محمد : ابنكم جان يرسم على الحايط وهل شي ممنوع واني اجيتكم علمود انتو تلزمون الولد لاان لو طايح بايد غيري كبل يودي للمخفر
ميار ؛ حيل ضجت من حسن وخزرته هوه بجه ودخل جوه
محمد : اسف على الازعاج
ميار : لا عادي ومشكور لان نطيتنا خبر
محمد : واجبي هذا
دخلت وسدت الباب!! بنيه ثكيله مالاكيت هيج وحده شو ياهيه الاشوفها بس تباوع بوجهي وتضحك وتغمز حيل عجبتني حسيتها معدله وبت بيوت نسيت كل الصار وياي بهل يوم وكلما اذكر وجها ابتسم انوب اصحه على روحي واكول شبييك محمد من يمته صرت هيج خفيف هيه بنيه حالها حال اي بني.. ماكدرت اكمل وخالفت كلامي وكلت لا مو مثلهن مالها شبه اخذت كلبي
ميار :
دخلت كملت دراستي لاان ثاني يوم عندي امتحان ولازم ادرس عدل طبعا من بعد ما رزلت حسن وعاقبته وسبحت ولبست تراك ومشطت شعري واجت فكره شيطانيه ببالي... اكصه! ماما هواي تحب شعري وهيه دوم تمشطه وترتبه لدرجه اذا ضايجه تجي تمشط بشعري وتكلي احب اشوف شعرج طوله جوه وركي انوب كلت لا خاف اضوج ماما عفت المكص ونمت وافكر بالامتحان لحد ماغفيت
محمد :
جاي ارجع من الشغل ومريت على بيتهم ومشيت على كيف واني اباوع بيتهم جبير ومرتب الواضح حالتهم زينه اباوع على بابهم واذكر شلون جانت واكفه وابتسم رجعت للبيت وشفت اهلي ورحت انام واني اذكر وجها حيل حلوه لحد ماغفيت
ميار :
كعددت الصبح علمود اقره الامتحان واراجعه و سويت شعري ذيل حصان ونزلت كذله ولبست السدريه وقميص اوف وايت واخذت كتبي ونزلت انتضر السايق ماجه تاخرت بعد نص ساعه على الامتحان لازم اروح خابرت السايق
السايق : هلا عمو
ميار : عمو صدك جذب الامتحان راح يروح عليه
السايق : عمو اليوم ماكدر اجي السياره عطلانه
ميار : (بكلبي : مو وكتك ابد ) هفف ماشي عمو حروح مشي
محمد:
كعددت الصبح وكلعاده مثل الروتين ينعاد نزلت تريكت وبدلت ورحت للشغل
ميار : جسمي مفاتنه مبينه وصاحبه خصر صغير اني امشي وخايفه من نضرات العالم ابوي مايخليني اروح لمكان وحدي اله سايق حته لو قريب وصلت للمدرسه وخلصت امتحاني الحمدالله مجاوبه رجعت للبيت ولازم ادرس الامتحان الثاني خابرت عليه هند
هند : اسميي هند عمري ١٨ اقرب صديقه الي ميار هواي احبها واحسها مثل اختي الوحيده لامي وابوي
ميار : الو
هند : ها ميوره
ميار : ها حبيبتي
هند : تعاي اليوم يمنا الماده مافاهمتها عفيه وماريد ارسب
ميار : ماشي اليل اجي يمج بلكي السايق مصلح سيارته
هند : ماشي حبيبتي انتضرج مو ماتجين
ميار : لا اجي يلا باي
هند : باي
كلتت لازم اروحلها خطيه مافاهمه خابرت السايق وهم كلي بعدهي عطلانه هم اضطريت اروح مشي لبست بنطرون وسويتر عريض وجوه الورك تقريبا وخليت حزام عريض اسود على خصري وضفرت شعري صفح واخذت الكتب وطلعت
محمد : خلصت الشغل ومادري بس صرت احب امر على بيتها كلت راح امر
ميار :
رحت مشي الشارع ضلمه وماكو احد جنت حيل خايفه سمعت خطوات وراي وخفت بالزايد دوم اخلي وياي سجين صغيره بالجنطه فتحت الجنطه وطلعت السجين خليتها بايدي ماحس اله احدد لزمني من وره وسد حلكي صرت اسمي ماعرفه من الخوف ضليت ابجي محد بالشارع عضيت ايده وهوه صاح واني ردت اشرد هوه ركض وراي ولزمني وضربني وطيحني بالكاع اريد بس اشيل روحي ماكدر بعد نزل عليه ضرب السجينه وكعت من ايدي جسمي ضعيف مايتحمل ضرب وهوه جان يضربني بكل قوته
محمد :
مريت على بيتهم وتحسرت ورحت شفت اسواق كلت اجيبلي حبشكلات نزلت وسمعت صوت بنيه اصيح جانت ضلمه مادري شصاير رحت باتجاه الصوت هذا واحد ديضرب بنيه عيوني صارن بكصتي من العصبيه جريته من ياخته واستلمته ضرب لحد ماشرد مني
ميار :
اجه احد يكتله بس صرت ماشوف الدنيا من الضرب وكفت على حيلي ردت اشرد اول ماوكفت بس ردت اشوف منو الي لحكني بس غوشت الدنيا بعيوني وتخربطت مادري شصار بعد
محمد :
شردت درت على البنيه وجانت الصدمه !!
محمد : انتيي؟
البنيه وكعت حاولت اكعدها ماكو اكييد تاذت من ضرب هذا الكلب شلتها واخذتهاا بالسياره للمستشفى وكلبي معصور وبس
محمد : ربي اوكف وياي دخيلك ساعدني
امشي بسرعه ١٨٠ بس اريد اوصل وصلت وشلتها ولاكوني دكاتره جابو السديه وركضو بيها البنت مدمايه الدم صار على ايدي
خابرني واحد من الشغل
امير : سيدي القينا القبض على الولد الي حاول يغتال احمد جان يحاول يشرد
محمد : جيبه الي اني بمستشفى (.....)
امير : حاضر جاي
محمد وكفت بباب المستشفى اتاني وبالي يم البنيه العرفته من اخوها اهلها مسافرين زين شلون شسوي هسه
فجاه اجه امير ووياه الصدمه .....

توقعاتكم :
منو الاجه ويه امير ؟
راح تصحه ميار ؟