حبيت ضابط (قصه جريئة)

البارت السابع

ابو ميار : عندي موضوع وياكم
محمد : عمي اذا شي ياذي ..(قاطعني)
ابو ميار : لا لا موضوع لصالحكم
محمد : تفضل
ابو ميار : اني شفت خوفك على بنتي وشفت حرصك حيل اطمئنيت رغم اني انسان يرفض فكره الحب بس اني حيل راح اامن لو راح تكون بنتي ميار من حلالك
محمد ؛ كالي هيج واني جمدت اكييد عايش بحلم لا محمد اكيدد داتتخيل اصحه
محمد : عمي تشاقه وياي؟
ابو ميار : بكيفك ابني يعني ماتريدها؟ (بضحك)
محمد : حته لو جنت مختل ومخبل وماعندي عقل هم راح اكلك طبعا اريدهاااا ارريييدها ييييي عممييي (طفرت عليه وحضنته مثل المخبل مادري شجاني لا ضل ثكل ولا هم يحزنون)
ابو ميار ؛ شفته طفر وحضني مامانعت ومن شفت فرحته ارتاحيت اكثر باوعت لميار ولكيتها تبجي وتضحك ومن شافتني دنكت راسها رحت باتجاها
ابو ميار : بنيتي الغاليه والله مادري بيا عين داحاجيج بس عذريني ساعه غضب ومستعد اجيبلج الدنيا علمود تعذريني
ميار : يابه مستحيل فديوم ازعل عليك حته لو الله ماجان كاتبلي عمر وهسه ميته هم راح اسامحك والكلام الكلته هسه خلاني انسه كل الي صار صدك شكرا بابا

ابو ميار : يلا لعدد هاهيه اطيب ميار ومحمد دز اهلك واخطب
محمد : من بعد ماشكرته وضلت يسولف وياي ويعرف شنو وضع اهلي وعشيرتي وشغلي وطلعت سديت باب الغرفه وطكييتها ركضه بثوانييي وصلتت يم مهندد
مهند : ها ها ها شبيك خويه شجاك خوماكو شي البنيه بخير؟
محمد : ولككك طلعتتتت من العملييات ونجحتتت وابوووها قبل بيييه بسسس اطيب اخطبببهاااا ولكككك مهننننددد الدنيا ماواسعتني من الفرحه
مهند : هاي انته نفسك محمد الثكيل؟
محمد ؛ هنا صحيت على نفسي وعدلت وكفتي وملابسي
محمد : احم يعني يعني شسمه خلي نروح 🙄
مهند ؛ ضحكت وجريته من ركبته ورحنا

بعد مرور فتره من الزمن :

ميار : اممم ماما هاي الصينيه حلوه شتكولين؟
ام ميار : حلوه بس لو نجيب وحده هيه تصمم مو احسن وهيه تعرف اكثر
ميار : تمام لعد خلي نشوف البدله هسه
ام ميار : بالبدايه شوفي البرقع مال العقد لا تنسي
ميار : صدك ذكرتيني حاجيت بنيه هيه راح تسوي
وره ٣ ايام :

ميار : مامااا تاخرررت على الصالون يلا
ام ميار : يلا امشينا
ميار ؛ من بعد ماخطبني محمد وشفت عائلته حبوني وحبيتهم وخاصه اخته اليوم يوم عقدي راح ينعقد بين كلبي وكلب انسان عرفت الحب وياه ويه انسان صار سندي وقوتي صح صارلتي حادثه اذتني وتعبتني بس لو ما هيه جان ماصرت مرته بهيج وقت قصير رحت للصالون وسوتلي مكياج ردته خفيف بس هيه سوته ثكيل بس طلع حلو عليه واختاريت بدله ذهبي وفستان ثاني لون ابيض بعقد الشيخ وصيت مصممه علمود الصاله وطلعتها تخبل الكوشه والمقاعد كلشي على بعضه جان حلو وحتى .. حتى محمد!

خلصت مكياج الصالون ولبست البدله واجه محمد
محمد : فهميني شنو هذا الجمال اريد افهم يابه وين اكو هيج ملكه شو بله افتري (لزمت ايدها وفريتها) يابه كلبي مايتحمل دورووو وجهتكم
بستها من حلكها كدام الكل ماتحملت 😂
ميار : لك عيييب دباع شلون يباوعلنا
محمد : ولج يا عيب يا ناس يا يباعون مرتي وبكيفي

صارت حفله تخبل والكل موجود واجه وقت العقد
الشيخ : هل تقبلين الزواج ب محمد .... فأن قبلتي قولي نعم انت وكيلي
ميار : نعم انت وكيلي
بهاي اللحضات اجتي على بالي الايام الي شفته بيهن واني جنت ماحبه خلص العقد وصوت الهلاهل والجكليت والهوسات عبه الصاله
صار هو فرحتي وصار رجلي كدام الله ورسوله صار شي يخصني هواي حبيته
محمد ؛ صارت العقد وصارت مرتي كدام الله البنيه الحبها كلبي الخلت كلبي يفز ماملت لوحده ولا كلبي دك لوحده دك بس الها صرت احبها اكثر من نفسي غيرتي للاحسن فقررت:
دخلت علمود البسها الحلقه نطوني الحلقه علمود البسها
محمد : اريد الكل يسمعني هذا وعد كدامكم وكدام ربي وكدام مرتي
ميار ؛ سمعته هيج وكلبي فز شنو يريد يكول
محمد : دخلو
ميار ؛ دخلو ٤ بنات لابسات نفس الزي ولازمات بايدهن كوشات حمر وبيهن شي بس ماشفته شنو بالضبط لحد ماتقربن وفتحن البوكس الجان على الكوشه نصدمت..
محمد : وعد راح تكونين انتي الاربعه الحللهن ربي ويحرم عليه مره من بعدج ولا راح كلبي يحب وحده غيرج ولا عيوني راح تشوف غيرج

محمد : (وهوه ياشر على الحلقات) انتي زوجتي الاولى والثانيه والثالثه والرابعه وبست ايدها
ميار ؛ بهاي اللحضه حسيت الدنيا ماواسعتني من فرحتي الله نطاني بشر ماعرف شلون اوصفه ولا اعرف شلون اوصفلكم هاي اللحضه ولا عرفت شنو ارد عليه بس حضنته حيل وشاورته وكتله ..
محمد ؛ حضنتني وكالتلي راح تبقى انته الوحيد العيوني تشوفه راح تبقى احلا شي صار بحياتي بستها من راسها وخلصنا الحفله

وره شهر :
تقى : لازم اخذ حيفيي من هذوله فوك مارفضنيي ودخل لبيتيي وضربنيي راح ازوووج هذييج

توقعاتكم :
شنو راح تسوي تقى؟

وراح تنجح؟

اسفه اذا البارت قصير بس امتحانات وكلت لازم انزل بارت اليوم نشالله اكمللكم القصه ..