حبيت ضابط (قصه جريئة)

البارت الخامس

ميار : بابا شنوو بس فهمنيي
ميار ؛ بابا نزل عليه ضرب ويغلط ويشتم بيه
ابو ميار : لججججج فهميييينييي شسسويييت وياجج علموددد هيج تنزلييين راسيي ولجج ماكوووو بنيييه ماتتمنى دلالججج والعيشه العاييششتها ولج اطلعين ويه ولد؟ وتحظظنييي؟ يا ام مييار اليوم اطم عاريي اليييوم ادفنها وهيييه عايششه

نرجع بالاحداث :
تقى ؛ اخذتلهم صور وكوه دبرت رقم ابوها ودزيتله الصور واني واثقه راح يموتها لانو هو عنه كلشي ولا هاي السوالف وحب وكذا

نكمل :
ام ميار : ابوو ميار فدوه رحتلك ابوس ايدك اكييد اكو شي غلط بنتي تربايتي ماتسوي هيج بس اسمعني
ابو ميار ؛ جاب المسدس واجه
ام ميار : يييييمممه بتتتييي ابووو مييارررر العن الشيطان اموت اذا موتتها تموتني يلا تموتها
ميار ؛ شفت ابوي رفع السلاح عليه وامي ادافعلي وتحاول توخر السلاح واني دموعي اصب من صدمتي اباوع بعيونه والحقد مالي عينه ابوي يريد يموتني شفت ابوي مايتراجع عن كلامه من ماما تحاجي اشاهدت
ام ميار ؛ شفتته صبعه يريد يطلق وانيي بعدت ايده
ابو ميار ؛ خلص عاري راح اطمه
فجاة
اجتي الطلقه ببطن ميار
ميار ؛ اشاهدت وصوت الطلقه اجه باذني قبل لا يدخل جسمي حسيت شي اخترق جسمي والدنيا غوشت بعيني
ام ميار : مييييااررررررر ييييمه بنييييتييي ولج يمه بعد حيلي كوميي حبيبتي انتي
ابو ميار : شفتها وكعت والدم مله الكاع مادري منو صحاني وكلي ولك هاي بتك المدلله مالتك الماتعيش اذا ماشوف ضحكتها لعنت الشيطان ومادري شسويت كعددت وضليت اوهوس
ابو ميار : لا اني ماكتلتها بتي راح تعيش اموت اذا ماتت لا اكتل روحي اذا ماتت ماماتت بتي ام ميار كوليلي ماماتت
ام ميار : ولك خلي نلحكلها ونوديها للمستشفى
ابو ميار : شلتها والدم عبه الكاع بكل مكان صار الدم وديتها وماعرف شلون اختصرت الطريق وضليت امشي سرعه ١٨٠ بس اريد اوصل وصلت للمستشفى
ابو ميار : ولكم لحكولي بنيتي راح تموت
خذوها بالسديه وركضو بيها لغرفه العمليات

نرجع يم محمد :
محمد ؛ جتي لحضه احس كلبي نخطف بيها احس احد كلي روح لبيت ميار طلعت من شغلي واني اذكر الصار ويانه بالطريق وابتسم واذكرت من كالتلي احبك ومن حضنتها لحد ماوصلت لباب بيتهم واشوف دم واخوها واكف بالباب يبجي اسودنت

محمد : شبييك شصاير هنا
احمد : عمو مادري جنت يم اصدقائي ورجعت بابا شايل ميار وهيه ميته
محمد ؛ سمعت هيج وشفت الدم وحسيت الدنيا وكفت بعيني لا لا ميار مابيها شي ماصارلها شي كلبي يحس بيها بعدها عايشه دموعي ضلت توكع وحدها
محمد : تعرف يا مستشفى راحو
احمد : لا ماعرف (وهوه يبجي)
محمد : ردت اروح وهوه لزمني من ايدي
احمد : عمو اختي ماماتت مو صح
محمد : شفته مالزمت دموعي ماكدرت بعد البنيه حبيتها من كلبي ماحبيت بنيه قبلها ولا بعدها

محمد ؛ عفته ورحت افتريت كل المستشفيات وحيل مابقه بيه شسوي شلون بيه اريد ولو نص خبر عنها وشبيها وليش هيج صار وياها وجان يجيني تلفون
رقم مجهول : حلوه الهديه مو
محمد : انتي منو 
تقى : اني الرفضتني اكثر من مره صار وقت الحساب
محمد : تقى!
تقى : كلي ماتت لو بعدهي حبيبتك
محمد : انتي شسويتي فهمييييني لا هسسه اجيج واخذ روحج
تقى : تذكر من حظنتها شوي اخذتلكم صور رومانسيه وطبعا لازم يشوفهن ابوها
محمد : ولج اليوم اطلع بروحج اريد اشووفج هسسسه
تقى : ههههههه ماراح تشوفني بعد
محمد : الووووو الوووو
دميي احترك اريد اطلع بروحهااا عندي صديق بالاستخبارات من الرقم يكدر يطلع العنوان
محمد : الو
مهند : هلا بضلعي
محمد : مهند ماعندي غيرك ساعدني
مهند : شبيك خويه نشالله خير
محمد : راح اجيك هسه لازم اشوفك انته بالشغل
مهند : اي تعال انتضرك
محمد ؛ رحتله وكلبي مشلوع وبس ادعي ربي واكول ربي اذا ردت تعاقبني بشي لا تعاقبني بيها وصلت لشغل مهند ودخلتله ركض
مهند ؛ شفته متعوب حاله وعيونه حمر مبين باجي كمتله بسرعه
مهند : خووييه شصاير فهمني شبيك
مهند ؛ خله راسه على جتفي وبجه بصوت شكد صارلي اعرف محمد ولا مره شفته بهل درجه ولا مره شفته يبجي اكيد شغله جبيره
محمد : خويه تعبت الحكلي
مهند : فهمني لو ردت السمه انزلها الك بس فهمني خويه
محمد ؛ حجيتله الوضع واني مخنوك صوتي صار مبحوح
مهند : نطيني الرقم
محمد : هذا
مهند : لحضه بس نشالله الكاه
محمد ؛ طول هل وقت اندعي وافكر بحالها وكلساع تجي ببالي فكره الموت وادنك وابجي
مهند : لكيييته
محمد ؛ كبل وكفت
محمد : كليييي
مهند : بفلان مكان شارع (.....)
محمد ؛ عفت وركضت علمود اروح لهل عنوان
مهند ؛ كلت ماعوفه وحده عفت شغلي ورحت وياه
محمد ؛ وصلت للسياره شفت مهند وراي
محمد : خويه ارجع ماريد اتعبك
مهند : ماعندي غيرك اخو تريد اعوفك بهيج موقف اني اسوق تعال انته اصعد
محمد : لا اريد اوصل بسرعه
مهند : ميخالف امشيلك ٢٠٠ بس ماتسوق انته وضعك مايسمح
محمد صعد بالصدر ومهند ضل يسوق وحفظو العنوان
مهند : هذا البيت
محمد ؛ نزلت بسرعه وفشلت الباب لحد ماطلع رجال جبير
محمد : تقى وييين
ابو تقى : منين تعرف تقى ومنو انته
محمد : فهمني انته شصير منها
ابو تقى : ابوها
محمد : لككك بتتك سوتلييي مصييبه بنيييه بالمستشفى وحالتها خطره من وراها اليوم ادفنعها بالكاع
تقى ؛ سمعت صوت صياح خفت بس لا محمد والله اموت اذا كال لاهلي منيين جاب عنواني طلعت بالحديقه وشفت هذا محمد ووجه صاير يخوف من العصبيه
محمد ؛ جاي احاجي الرجال وشفته دفعت الباب برجلي ورحتلها واعرف هل شي غلط بس ماكدر اتمالك نفسي بعد لزمتها من ايدها من فوك وطبكتها على الحايط
محمد : لججججج انتتتتييييي منووووو علمووود هيييج اسوييين وياي (وضربتها راجدي ووكعت بالكاع)
ابو تقى : اطلعع برررره بصفتك منوو تدخل لبيت وتستغل حرمته بنتيي سوت شي غلط واني اموتها
محمد : اليوم اطلع روحج بايدي وضليت اضربها وطلعت دمها وطلعت ادري عيب اضرب مره وحرام ومو من شيمي ولا من طبعي بس ماكدر السوته بيه مو قليل

مهند : محمد السويته غلط شلون تضرب مره
محمد : اصعد بسرعه
مهند ؛ صعدت وسكتت محمد مو بوعيه ماناقشته بعد كل الطريق هدوء لحد ما محمد ضرب الستيرن
محمد : لييييششش هييييج يصيررر بيه يااا ذنب الجبير السويته علمود هييييج يصيير
مهند : العن الشيطان خويه
محمد : ولك راح تروح من ايدي واني مابيدي شي
مهند : هسه نفتر المستشفيات
محمد : ولك فريتهن راح اتخبببل
مهند : اهدئ مدام عصبي وعقلك مو براسك مراح تلكاها
مهند ؛ فرينا المستشفيات لحد ماوصلنا للمستشفى الصح
محمد : احس روحي ردتلي من كالو موجوده هنا بس كالولي بغرفه العمليات رحت ركض للطابق الموجوده هيه بي مثل المسودن
مهند : رحت وره محمد وكلبي مقبوض عليه اول مره اشوفه هيج

نرجع لعائله ميار :
ابو ميار : شلون بيه كل الوقت واني اروح وارجع وادعي ربي ينطيها روح جديده كلما اباوع لوجه ام ميار احسها تعاتبني بس ماتكدر تحجي لحد ما اجه ولد ماعرف اوصف حاله وسالني

محمد : غرفه عمليات رقم (...) ويينها
ابو ميار : انتته منوو
محمد : مادددخلك كووول وينهااا
ابو ميار : هاي غررفه عمليات بنتي
محمد : بنتك؟!!

يتبع .....