حبيت ضابط (قصه جريئة)

البارت السادس

محمد ؛ كلي غرفه بنتي وعرفت هذا ابوها اني واكف كدام واحد حاول يقتل اغلى شي عندي وبنفس الوقت هل واحد بسببه اجتي على الدنيا بهت حيلي كدامه وطحت على ركبي هوه زلمني وضليت اعاتبه بخنكه

محمد : ليش هيج سويت ليش اني شسويتلك علمود تاذيني هيج
ابو ميار : ابني شكلك تعبان وجاي تخربط اني ماعرفك شلون ااذيك هسه راح اكوللهم ياخذوك لغرفه وتغده وارتاح
محمد : ابو ميار اني احب بنتك والله نيتي حلال
ابو ميار ؛ سمعت هيج كبل هديته وكمت
ابو ميار : لكككك انتتتتته بسسسبببك قتتلتت بنتيي لككك فهمنيي شلوون يضل عقل براسيي من تووصلنيي صور بنتيي حاظنه واحددد
محمد : والله حقك عليه والله ادري سويت شي غلط بس والله نيتيي وياها صافيه ورايدها مره لبيتي افهمني الله يخليك
ابو ميار : مااا الك مررره عدنا امششييي اطلع برره
محمد : ابوو ميارر جاي اكلمك باحترام وعدل مو من حقك تطرردني
ابو ميار : لك الك عين تحجيي تططلع لو ارتكب بيك جرريمه
محمد؛ كمت بحيلي وعيوني كوه فاتحهن من التعب وقربت راسي من اذنه وشاورته
محمد : اذا صار شي لميار امحي كلمن جان السبب وادفعه الثمن غالي واذا كامت بالسلامه راح اخذها من حلك السبع غصبا على اكبر راس
وهديته ورحت وهوه ضل يصيح ويشتم بس بهل اثناء نفتحت غرفه العمليات وطلع دكتور جريته وطبكته على الحايط
الدكتور محسن : ابني شبيك شنو هل تصرف وين كاعدين احنا
محمد : فهمني شنو وضعها
الدكتور محسن : صراحه خطر ٩ دكاتره واكفين على عمليتها وبعده الوضع فوق الخطر احتمال ٩٠٪؜ نخس..
محمد : اشششش اموتكم وافلش المستشفى فوك راسكم اذا ماكدرتو
الدكتور محسن : مقدر ضرفك نشالله اسوي الي اكدر عليه والعلم عند الله
محمد ؛ هديته ورحت اعرف همه مالهم دخل ولا الهم ذنب واعرف حاجيت ابوها بطريقه غلط بس من حركه كلبي اسمي ماعرفه اصعب يوم بحياتي مشيت ولاكيت مهند

مهند : ها خويه بشر
محمد : بالعمليات ويكولون وضعها خطر اموت وياها اذا صارلها شي
مهند : سمالله محمد الاقدار بيد الله محد يعرف يمته يموت ويمته يعيش هسه صار لازم نروح
محمد : انته روح اني ابقه هنا
مهند : خويه صدك جذب وين باقي هنا
محمد : مهند ماكدر اعوف مكان هيه وضعها خطر بي اني اعرف جسمها ضعيف وضربه عاديه ماتتحملها انوب طلقه! جعلها اخترقت كلبي ولا جسمها
مهند : سمالله على كلبك من كل شر

محمد ؛ ضليت كاعد لحد ماصار المغرب وفكري يودي ويجيب صرت ادور بحلوك الدكاتره كلمه تريحني لحد ما اجه دكتور محسن

دكتور محسن ؛ ابني؟
محمد؛ اني طفرت بسرعه عليه
محمد : دكتور الله يخليك طمني
دكتور محسن : الحمدالله رغم جانت صعبه بس نجحت العمليه
محمد ؛ هنا احس جبل كامل جان فوك ضهري وراح
محمد : دكتور وشلون اكدر اشوفها
دكتور محسن : مايصير تدخل تريد باوعلها من الشباك
محمد ؛ رحت للغرفه الي هيه كاعده بيها ابوها وامها جانو موجودين وابوها احسه بس يريد يشرب من دمي راد يجيني وشفت ام ميار لزمته وكالتله خلي

ابو ميار : شفت هذا الحقير اجه مره ثانيه بعين صلفه اجيت اسوي وصل وانطيهن للجلاب بس ام ميار لزمتني
ام ميار : ابو ميار شوف حالته شوف وضعه من خوفه عليها هوه هيج دايسوي كلبه محروك مبين من وجه الك اجر وثواب اذا ريحت كلب واحد متاذي خلي
ابو ميار ؛ قنعتني بكلامها وعفته بس شفته كعد يم الشباك ويبجي حسيت بذنب جبير اذيت روحين مو بس روح
محمد ؛ شفتها من الجام والروح رجعتلي شفت شعرها النازل على وجها المجرح جعل كل جرح بيه ولا بيج جعل ملك الموت يدنه لروحي ولا لروحج ماتحملت اشوفها بهل وضع اكثر الكل يعرف صعبه تشوف احد تحبه على فراش المستشفى واجهزه واوكسجين ودكاتره يمه حيلي راح واني شفتها هيج كعدت وعيوني وحدها ضلت تبجي ماحس اله احد لزمني من جتفي ..

ابو ميار ؛ مستحيل احد يلعب على بنيه هيج يصير بحاله حسيت هوه امها وابوها متاذي اكثر منا نقهرت حيل عليه ورحتله
ابو ميار : خلص بويه كوم ارتاح نشالله اطيب وترجعلنا باحسن حال
محمد : لو ماخذ روحي ومبقي روحها هيه شنو ذنبها
مسح دموعي وكالي
ابو ميار : لا تقهرني اكثر الشيطان جان راكب راسي
محمد ؛ عفته وردت اروح وجان سمعت صوت ميار تون كلبي نعصر
ميار : ماعرف شصار فتحت عيوني واني بمكان غريب بس جاني الم قوي ببطني ماتحملته
محمد ؛ ماتحملت اشوفها تون دخلت للغرفه كبل
الدكاتره : ويين جاي لو سمحت اطلع بره المريضه تحتاج راحه
اني ماسمعت كلامهم وكبل رحت الها رادت تجيني دكتوره اطلعني ودكتور محسن لزمها
دكتور محسن : دكاتره يلا خنروح
محمد ؛ الغرفه بقت بس اني وياها لزمت ايدها وبستها وشميت رحت عطرها واني احس روحي مثل الطفل المفارك امه سنين وشافها روحي رجعتلي همي راح واني يمها من هاي اللحضه واني عرفت اني مو بس احبها اني ميت بيها روحي صايره بيها اعيش وياها واموت وياها

ميار : شفت محمد يمي واحس الدنيا ماوسعتني اريد اشكيله شصار بيه من بعده تعبت شفته يمي واني نسيت حته الالم
ميار : محمد .. (وبجيت)
محمد : روح محمد وعمره ودنيته ماريد تبجين عيونج الاحبها ماريدها تبجي
ميار : رادو يموتوني محمد
محمد : بعيد الشر عنج مايموتوج واذا راد يصير هل شي اني انطيج روحي اني انطيج كل عمري البقه
ميار : ضل يسولفلي ويحاول يضحكني ونساني كل الالم
محمد ؛ احاول اضحكها واني روحي تعبانه احاول اردلها الروح واني روحي ميته احاول اجيبلها الحيل واني الحيل مايعرفني

فجاة دخل ابو ميار!
ابو ميار : عندي موضوع ضروري وياكم

يتبع....