حبيت ضابط (قصه جريئة)

البارت الثالث

ميار : هاي انته! شدسوي هنا
محمد : اوصلج غير
ميار : وبصفتك منو توصلني؟
محمد : تره باعي لا يكبر راسج ماتهميني بس انقهر عليج
ميار : وشبيه يمه تنقهر عليه؟
محمد : شنو رئيج اوصلج لاان عندي شغل ممكن تفضيني؟
ميار : والله يا الله حروح وياك بس لان عندي امتحان ولازم اروح من وكت يعني مو علمودك خوش؟
محمد : يابه خوش بس خلصينا
ميار ؛ صعدت واني اباوعله بنضره حقد بس شفته ضحك من قبلت الطريق كله واني عيني بالكتاب مارفعتها لحد ما هوه حجه
محمد : ميار
ميار : منين تعرف اسمي
محمد : مو مهم
ميار : كول
محمد : شلون صارت رجلج
ميار : الحمدالله زينه شكرا لاان ساعدتني هذاك اليوم جان متت لو ماجيت
محمد : واجبي هذا والولد الي حاول يكتلج بالخفر اوصلج واروح للشغل وحظه اطيحه
ميار : ماعرفت شنو اسمك
محمد : جبار ابو اللبن
ميار : هو صوجي امشي وياك عدل

محمد ؛ ضحكت وسكتت صار هدوء هيه تقره واني افكر بيها وكلساع ادور وجهي عليها اسوي روحي اباع على المرايه قربت نوصل :
محمد : محمد
ميار : ماشي تشرفت بيك جبار
محمد : الشرف الي جاسميه
ميار ؛ باوعتله بنضره حقد ودرت وجهي ونزلت للدوام وهنا جانت واكفه هند وصديقتها الي ماطيقها خلي اعرفكم عليها
تقى : اسمي تقى عمري ١٨ سمره بس ملامحي حلوه طويله وجسمي شوي بي سمن اهم شي تعلمته بالحياة ماكو شي اسمه صديق واخو اكو مصلحه وبس وعلى هل اساس اتعامل ويه الناس

هند : ولججج ميياررر هذا الصاااك جيتي وياه
ميار : دولي بحالج علساس اني
تقى: (بينها وبين نفسها ) الولد حلو ومبينه سيارته غاليه يعني حالته الماديه حلوه من بعيد وطلع يخبل لو شفته من قريب شلون لازم يصير الي .
ميار ؛ اني امشي وادرس وهند كلساع تسالني على محمد كرهته من وراها خلصت امتحاني وما مجاوبه عدل وحيل جنت ضايجه ردت اطلع ولزمتني تقى خرب وكتج!!
تقى : اكلج عفيه السايق مالي مايريد يجي عادي اروح وياج
ميار : اني اروح مشي
تقى : ها ماشي
طلعت ولكيت محمد يسوالف ويه الحارس بس شافني كالي يلا خل اوصلج بت العم اني استغربت اني مو بت عمه ولا اعرفه
محمد ؛ من بعد ماجيت وضليت منتظرها وخلصت دوامي بسرعه علمود اجيلها ضليت طابك السياره يم مدرستها وكلساع اباع على الباب هاي يمته تطلع لحد ما اجه الحارس
الحارس : شدسوي هنا ماشوف مدرسه بنات يلا حرك منا
محمد : ها بت عمي هنا واهلها ماموجودين ولازم اني اوصلها
الحارس : ها ماشي بس بعدهم يتاخرون تعال جوه يمي بين مايطلعون
محمد : جايك
خلصناها سوالف لحد ماطلعت شفتها ضايجه
تقى ؛ كال بت العم يعني هذا يصير ابن عمها جذبت عليه تكلي اروح مشي
ميار : شدتحجي اني مو..
محمد؛ كلت بسرعه يله ولج تاخرت وجريت ايدها
ميار ؛ ردت اصعد واجتي تقى هم رادت تفتح الباب باوعتلها بنضره استغراب
تقى : ها
ميار : ها؟
تقى : غير اروح وياج
ميار : بس ماكدر السياره مو سيارتي لو واحد من اهلي
تقى : بس ماعندي احد يوصلني
محمد؛ اني بالف يا علي اريد بس نروح اني وياها انوب تجي وحده والله زمن اشتغل سايق
ميار : شوفي هبه راح يجي اخوها وروحي وياها
محمد : عوفيها ميخالف اوصلها
ميار؛ حيل اضايقت منها كل الطريق واشوفها تباوع على محمد وكل الطريق هدوء محد حجه بس اسمع محمد كلساع يدور وجهه ويكول استغفرالله
محمد ؛ كلما اباع بالمرايه الكاها تباوعلي وتغمز وماكدر احجي بقيت كلساع اكول استغفرالله بلكي تحس وادور خلقتها ردت اخلص فـ كلت:
محمد : بيتكم وين صاير علمود اوصلج
تقى : لا وصل ميار اول انوب اني لان اني بعيده شوي
محمد : لا اوصلج اول عادي
تقى : لا ماريد كلت من توصل ميار يلا عود
محمد؛ اليوم بوجهمن مصبح خرب
ميار : خلص وصلني لان احمد وحده بالبيت
محمد : بس..
ميار : خلص وصلني
محمد؛ ووصلتها على اعصابي
ميار : يلا مع السلامه
محمد : الله وياج ديربالج على روحج وقفلي البيبان
ميار : نشالله
تقى؛ يوصيها وكذا هم جمال وهم جسم وهم طول وهم فلوس وفوكاها اهتمام ! لازم يصير الي ضل منتظرها لحد ماسدت الباب اني فتحت الباب وكعدت بالصدر
محمد : وين جايه
تقى : شنو
محمد : عادي ترجعين لمكانج
تقى : بس العالم اذا شافتني كاعده وره شيكولون عليك
محمد : يابه درجعي ليوره احسن مانزلج هنا
محمد ؛ شو هاي بجت
محمد : خلص ابقي
تقى ؛ يسسس اول خطه نجحت ضليت كلساع اتقرب عليه بس هوه شو يبتعد
محمد ؛ كلساع تتقرب واحاول ادنه على الباب حيل ضوجتني
محمد : خلصيني بيتج وين
تقى : يووو تيهت
محمد : شنو! وتالي وين اوديج
تقى : انطيني فونك اخابر على اهلي واندل
محمد : اللهم طولج ياروح اخذي
تقى ؛ كتبت رقمي واتصلت بي علمود ينحفظ بتلفوني
تقى : لا اذكرت اذكرت بهذا الفرع
محمد : جيبي التلفون
محمد ؛ وصلتها وافتكيت منها غصه احسها بكلبي صارت من وراها ساعتين انتضر بباب مدرستهم علمود ميار جان تجيلي هاي خرب حظي

رجعت للبيت ولكيت ...