وانت حلمك تبقا ايه
_حلمى انى ابقا ظابط
-وليد انا بحبك
_ملك انتى لسه صغيره على الكلام ده
دا الكلام الى كان بيقولهولى واحنا صغيرين هو كان حلمو يبقا ظابط وانا كان حلمي ابقا مراتو
كبرنا وكبر حلمى فى قلبى حلمى الى مخبياه جوا قلبى و وليد حقق حلمو وبقى ظابط
- اتفضل دى سندوتشات لنشون وجبنه رومى
-ايه ده انتى عاملالى سندوتشات فى لانش بوكس هو انا عيل فى ابتدائي
- علشان لو حوعت هناك فى اول يوم شغل ليك هتقضي اليوم من غير اكل
-متشغليش بالك انتى انا هتصرف سلام
-سلام
مشي وسابنى وخالتو واقفه من بعيد وعارفه الى فى قلبى عارفه انى بحبو جدا
هحكيلكم حكايتى وانا صغيره بيتنا وقع وعيلتى كلها ماتت وانا خالتو خدتنى وربتنى مع وليد ابنها مكانتش بتفرق بينا خالص كانت ام ليا وهيا اكتر واحده فاهمانى
-مرضيش ياخد الاكل
- اه يلا بقا علشان اعملو كل الاكل الى بيحبو هو بيحب الفراخ صح وبيحب شوربه لسان العصفور وبيحب محشي ورق العنب جدا صح يا خالتو...بس مبيحبنيش
قولتها والدمعه بتفر من عينى
- عارفه انك بتحبيه جدا بس والله يابنتى مش عارفه اعمل ايه معاه
- طول عمرو شايفنى صغيره عمرو ما شافنى انى كبيره هو علشان اكبر منى ب 4سنين يشوفنى عيله
- عدى انتى بس السنه دى على خير واقلعى المريله وهو يشوفك
- كلو بيقول السنه دى السنه دى بطول بالعرض هتعدى وهو برضو مش شايفنى
سبتها ودخلت المطبخ
رجع باليل سمعت صوت العربيه وانا فى اوضتى نزلت حرى وقلبى بيرقص بيقول وليد رجع وليد رجع
اول ما دخل قابلتوب ابتسامه لقيتو فى حضن خالتو
- حمد لله على السلامه ياوليد قولتها ب ابتسامه
- الله يسلمك يا كتكوته
برضو لسه شايفنى عيله برضو...
- الاكل طعمو متغير كده ليه يا ماما
- ملك اصرت انى ما امدش ايدي فيه وعملتو كلو بنفسها
عارفه ان خالتو قالت كده علشان تلفت نظرو انا بصتلو ب ابتسامه وقولت
- عجبك؟؟
- تسلم ايديكي يا كتكوته
" الابتسامه راحت من على وشي يوووه كتكوته تانى انا كبرت والله "
مرت الايام والمأموريات بدأت تذيد وهو مصر برضو انى اختو
وفى يوم كنت قاعده فى الحنينه سمعت صوت شب ورايا
- ملك!
لفيت لقيت شب طويل ولابس لبس الظباط
- مين حضرتك وتعرفنى منين
- انا سعد زميل وليد ممكن تساعدينى وتجيبيلى شنطه هدوم ل وليد بس من غير ما والدتو تعرف
- ليه وليد مالو؟! جرالو ايه؟!
- هو بخير متقلقيش كنا فى مأموريه واتصاب ب طلقه فى دراعو
- انا لازم اشوف لازم اجي معاك
بعد ثوانى لقيت خالتو جايه من ورايا
- مين ده؟
- دا صاحب وليد يا خالتو جاى ياخد شنطه هدوم ل وليد علشان هو مشغول جدا
وطلعت غيرت هدومى بسرعه ولبست شنطتى وروحت على اوضه وليد وجمعتلو شنطه هدومو ونزلت واديت سعد الشنطه
- ممكن توصلنى معاك الدرس
خالتو- عيب ميصحش كده
- وفيها ايه يا خالتو خليه يوصلنى معاه انا نفسي اركب عربيه الشرطه دى اوى
وفعلا خدنى معاه طول الطريق بعيط وبتنهد بيني وبين نفسي علشان ياخدش بالو
فجاه لقيت ايدو بتتمدلى بمنديل
- خدى امسحى دموعك هو بخير متقلقيش
بصتلو من غير ما اتكلم بمعنى شكرا ولما وصلنا المستشفى
دخلت على وليد جرى واترميت فى حضنو قولتلو بشوق ولهفه
- انت بخير؟
- اااااه بتوجعينى
- اوه اسفه مخدتش بالى.ورجعت ورا ومسكت ايدو
- طب كده بتوجعك
- اه بوجعنى
- بعدت خالص وقولتلو اهوه بعدت خالص
وكل ده تحت انظار سعد الى واقف عند الباب
نام وليد وانا فضلت قاعده باصه عليه طول ما هو نايم لما صحي لقانى
- انتى لسه هنا انتى كده هتتاخرى
- لا انا قايله ل خالتو انى هتاخر
- هو فى حصه درس بتقعد دا كلو
- لا دى حصه اضافيه
- اممم قولتيلى حصه اضافيه ومن امتا بقا بتستخدمى المصطلح ده
- فى حاىات الطوارئي
- يعنى فى حلات طوارئي كتير
- لا اول مره..وبعدين انت صدقت نفسك انك ظابط وبتحقق معايا
- اه ظابط طبعا
- لا مش عليا
- صح معاكي حق هو فى حد ظابط على اختو حبيبتو
سكت وملامح وشي اتغيرت وقلبى اتحرق تانى تانى اختك سبتو ومشيت
سعد- استنى اوصلك
مردتش عليه ومشيت ولما نزلت ملقتش اى تاكسي ولا اى حاجه ولاقيت سعد جاى بالعرابيه
- اركبى
- ركبت وانا مهزوزه وقلبى بيوجعنى يعنى طول العمر ده وهو مش شايفنى ولا شايف حبى ليه وبرضو بيقول اختى برضو
طول الطريق سعد بيحاول يفتح معايا كلام وانا ساكته وبرد بتعابير وشي طول الطريق منطقتش ولما يئس سكت
عدا اليوم ده وفى اليوم التانى جهزت اكل وخدتو ورحت على المستشفى من غير ما خالتو تعرف مدخلتلوش لانى قررت انى ابعد واخد ركن بعيد عنو اديت سعد الاكل وقولتلو انا عملتلك اكل انت كمان علشان اكيد مكلتش
ومشيت قالى اوصلك قولتلو لا قالى خدى بالك من نفسك ومر اسبوع على الحال ده..مدخلتش ل وليد ولا مره ولا سالت عليه والغريب انو مسالش عليا خالص خالتو خدت بالها ان فيا حاجه متغيره بس متكلمتش
انهرده اليوم الى هيرجع فيه وليد
- نزلت على المطبخ بنشاط كبير وفضلت اجهز الاكل الى بيحبو
- ايه مالك ايه دا كلو
- اصل وليد طالع انهرده
- طالع منين
- اقصد راجع يا خالتو راجع
- وانتى عرفتى منين وهو متصلش اساسا
- لا سعد قالى
- هو انتى بتكلمى سعد
- اه بقينا صحاب
- صحاب ازاى طب وليد عارف
حاولت ادارى واتحجج معرفتش
- اكيد يا خلتو طالاما صاحب وليد يبقا كويس ما انتى عارفه وليد مبيتصاخبش على اي حد
- يووه الاكل هيتحرق منى
واتهربت بحجه الاكل الى انقذنى
وسمعت صوت عربيه وليد
وليد رجع نزلت جرى
- لقيتو بيسلم على خالتو
وانا مقابلتوش زى كل مره اكتفيت بس ب حمد لله على السلامه وانا طلعت فوق
دخلت اوضتى وقعدت على مكتبى افكر انا لازم افضل واخده جمب فجاه سمعت الباب بيخبط
- ياخالتو مش قادره اكل دلوقتى لو سمحتى
- انا وليد ممكن ادخل
عملت نفسي بذاكر وبصيت فى الكتاب بعد ما دخل وساب الباب مفتوح وقعد على الكنبه
- عامله ايه يا كتكوته
- انا كبرت على فكرا
- ايوه فعلا كبرتى
حسيت بفرحه وسبت الكتاب وروحت قعدت جمبو
- بجد حاسس انى معنتش صغيره
- ايوه بس هتفضلى كتكوته حتى لو اتقدملك 100 عريس
- عريس! عريس ايه
- سعد طالب ايدك
فكرت جوايا واللحظه مرت عليا وكانها سنين يعنى خلاص هو فعلا بيعتبرنى اختو
وحجات كتير جوايا عماله تسال نفسها اسئله كتير وهو كمل
- سعد صاحبى وهو اكتر واحد ممكن اأمنو عليكي يا ملك.
- بس انا لسه صغيره وعندى امتحنات وحجات كتير
- هتبقا قرايه فاتحه بس والخطوبه بعد شهرين بعد ما تخلصي
مردتش عليه وفضلت ساكته وقلبى من جوايا بيتقطع
- انا عارف انك مكسوفه خدى وقتك ولما تقرر...
- انا موافقه
جيه عليا وباسنى من راسى وقالى الف مبروك يا كتكوته
خرجتو برا الاوضه واتراميت على السرير وقعدت اعيط وافتكر كل حبي ليه وزكرياتنا من واحنا صغيرين
نزلت تحت خالتو ندهت عليا
- انتى موافقه ازاى طب وحبك ل وليد
حاولت ادارى
- يا خالتو وليد كان حب طفوله انما سعد انا حاسه انى معجبه بيه وهدي نفسي فرصه واحبو
وقطعت كلامها بحجه ان فونى بيرن ولازم اشوف مين
- انا مش عارفه هيلاقى زيك فين حد فاهمو وعارف بيحب ايه وبيكره ايه حد عارف تفكيرو ودماغو حد بيحبو لدرجه انو عارف عدد شراباتو قد ايه وايه الوانهم
ومرو الشهرين وجيه معاد الخطوبه كان اول مره احط ميكب كان قلبى بيوجعى اهوه خلاص خلصت لبس
- ها يا ملك خلصتى
- رديت وقلبى بيوجعنى اه يا خالتو
جيه علينا وليد بصلى بصه عمرى ما هنساها طول حياتى
حط ايدي فى ايدو ونزل بيا
ولكن سلمنى ل سعد واختفى
طول ما انا بلبس الشبكه حاولت اركز مع سعد ولكن مش قادره مش قادره افكر غير فى وليد
سبتهم وروحت ادور على وليد
لقيتو فى البلكونه بيدخن
- ودى السيجاره الكام بقا
- ايه ده انتى سبتى المعازيم وخطيبك وجايه هنا ليه
- بصيت عليك ملقتكش طلعت ادور عليك
- طب يلا انزلى وانا هخلص السيجاره واجيلك
خدتها من ايدو وطفيتها
- مش هنزل من غيرك
وفجاه جيه علينا سعد
- بقا انتو سايبين كل حاجه وجايبن بتعملو ايه هنا
- انا كنت بشرب سيجاره وهيا جت تدور عليا
- طب يلا يلا ننزل
ومر اليوم ومرت ايام ووليد طريقتو اتغيرت معايا 180 درجه
- كنت بعدها فى المطبخ ك العاده لقيت وليد داخل عليا بس بصتو مش طبيعبه
- ايه يا وليد فى ايه
- فاكره حلمى الى كان نفسي احققو..ادينى حققتو اهوه طب وحلمك
سكت لوهله انت لسه فاكر حلمى يا وليد
وفجاه قرب منى قبل ما انطق فضلت ابعد لغايه ما لزقت فى الحيط و.............
#مي_حلمى
فضلت ابعد لغايه ما لزقت فى الحيط ولما شاف الدمعه نزلت من عينى سابنى طلعت جرى على اوضتى وقررت انهى خطوبتى مع سعد
و لانى مش قادره اظلم سعد معايا وانا قلبى مش معاه وكمان تصرفات وليد اتغيرت من ناحيتى جدا
اتكلمت مع سعد وخدتلو حجاتو وقررت انهى العلاقه دى
- انا اسفه يا سعد انا مش قادره اكمل
- بتحبيه للدرجادى؟
- تقصد مين
- وليد ابن خالتك
مقدرتش اكذب عليه اكتر من كده..اه بحبو بحبو قوى وهو مش شايفنى اساسا
- عايز اقولك انى انا حبيتك من قبل ما اشوفك انا حبيتك من كلام وليد عنك لدرجه انى اول ماشوفتك اول مره مقدرتش اخبى عليكي انو متصاب وعرفتك
على العموم ربنا يسعدكو مع بعض ودفع الحساب ومشي
وفضلت من بعد الى وليد عملو وانا مبخرجش من اوضتى طول الوقت قاعده فيها خالتو خدت بالها سالتنى قولتلها متخانقين انا ووليد
بعدها تانى يوم لقيتها بتخبط عليا وجايبه وليد فى ايدها
- انتو لازم تنهو الخلاف الى بينكو ده
وخرجت وقفلت الباب
قومت بسرعه فتحت الباب ووقغت عندو
- متخافيش انا مش هأذيكى ان اسف انى خوفتك منى انا كنت مفكر ان حبك ليا حب طفوله وانك بكرا اما تشوفى شباب اكيد هتحبي غيرهم بس انا طلعت غلطان انا اسف انى محسش بيكي انتى مش مدركه ايه الى حصلى لما شوفتك وانا بسلمك لراجل غيري الى هو انتى بتاعتى انتى من حقى انا بس بس مقدرتش اتكلم
- عيطت وبصيتلو بحب
مسك ايدي وباسها وسابنى وخرج
المرادى المهمه كانت طويله تقريبا اطول مهمه طلعها رجعلنا وهو مترقى
انا سمعت صوت العربيه حسيت فى قلبى بشوق ولهفه هو وحشنى وحشنى جدا وكمان نفسي اشوف النجوم الى على كتفو
نزلت جرى عليه ووقفت بعيد وهو بيسلم على مامتو.. وبعدين بصلى بعيون كلها حب متكلمتش وهو قرب منى
- حلمى اهوه حققتو
- لايق عليك تبقا لواء اوى
- طب وحلمك مش عايزه تحققيه؟
بصتلو بكسوف
- تتجوزينى؟
النــــــــــهـــــــايه
#مـي_حلـمي
#رأيكو
متنسوش لو عجبكو الاسكريبت ف انا عندى روايه هنا اسمها حب مجهول ابحثو عنها واقروها
أنت تقرأ
اسكريبتات مي حلمى_Screpts mai helmy ❀
Lãng mạnتجميعه سكريبتات من كتاباتى ❀ Wr:- M A I H E L M Y ❀
