- اسمعنى يا اسلام احنا يا حبيبي مينفعش نعيش على الصدقات ولا ينفع نقعد كده احنا لازم نشتغل
=حاضر يا رضا انت معاك حق بس احنا صغيرين هنشتغل ايه
- انتا ناسي الصنعه الى علمهالنا بابا الله يرحمو احنا لازم نفتح الورشه ونشتغل
= ايوه فعلا لازم نشتغل
"دا الكلام الى اتقالى من رضا اختى بعد وفاه بابا وماما فى حدثه عربيه انا ساعتها كان عندى 10 سنين ورضا كان عندها 14 سنه فتحنا ورشه بابا الله يرحمه وقررنا نشتغل ونصرف على نفسنا فى الاول الناس كانت بتجيلنا شفقه بس انا ورضا حسنا من نفسنا وقدرنا نبقا مشهورين والى بيجى مره بيجي مره واتنين وتلاته واتشهرنا واتعرفنا رضا كانت فى المدرسه بس سابتها وقررت تكمل قى شغلانه الميكانيكي علشان تصرف عليا وقالتلى عايزاك تكبر وتبقا مهندس قد الدنيا وكبرنا واتعرف الاسطى رضا والاسطى اسلام والحال اتعدل الحمد لله رضا اختى صرفت عليا ومقصرتش كبرتنى وعلمتنى كان يجي قبل الامتحنات بشهرين تروح طاردانى من الورشه وتقولى ذاكر عايزاك تبقى حاجه كبيره.. اختى رضا شالت مسؤليتى وانا مكسفتهاش مكسفتهاش علشان الى شافتو مش قليل من صغرها كونها تبقى بنت تتخلى عن انوثتها وتلبس سلوبته الميكانيكي دا انجاز الورشه كبرت وانا كبرت بقا عندنا ناس بتشتغل معانا وجت يوم نتيجه الثانويه العامه كلنا قاعدين على اعصابنا
رضا بتنادى عليا بصوت عالى وبتقول مبرووووك مبروووك يا اسلام جبت 97.5 مبروووك يا حبيبي.. ومن الفرحه اختى خدتنى فكينا كرب 4 غارمات وفرحناهم هما كمان... دخلت الجامعه دخلت كليه هندسه وكنت بطلع الاول على الدفعه كل سنه.... وخلصت كليه على خير. واتعينت معيد فى الجامعه كمان.. فى وقت ما كنت بدى احد السكاشن فى بنت دخلت متاخر كنت بدى سكشن لسنه رابعه
_ممكن ادخل يا دكتور
=ايه الى اخرك كده
- اسفه يا دكتور والله بس كنت قاعده جمب شجره فى الجنينه بذاكر ونمت
" الطلاب كلهم بدأو يضحكو عليها قومت خابط ب ايدى ومزعق بصوت عالى انا اول مره اسمعو من نفسي او اول مره اتحمق علشان حد اساسا للدرجادى "
= انا نفسي افهم ايه الى بيضحك يعنى ايه يعنى ما نامت فيها ايه؟؟؟؟؟ ادخلى يا انسه ولو حد ضايقك تعالى قوليلى
- حاضر يا دكتور
"وكملت المحاضر بس الغريب انى مكنتش عارف ايه الى جرالى ساعتها وكمان عينى جت فى عيون الطالبه دى كذا مره وكل مره اسرح فى عنيها لوهله وارجع اكمل شرح تانى لدرجه ان الطلاب خدو بالهم بس هيا جذبتنى بعنيها ازاى معرفش...وانا بشرح خدت بالى انها واخده ركن وقاعده لوحدها كانها ملهاش صحاب الصراحه استغربت..بعد ما خلصت الشرح والطلاب كلهم خرجو خدت بالى ان الطالبه دى لسه قاعده ايه ده مالها دى وحاطه ايدها على راسها كده ليه قومت وروحت عليها مكانش فى غيري انا وهيا ولحسن الحظ كان اخر سيكشن ليا"
= ايه يا انسه لسه قاعده ليه مطلعتيش ليه " قولتها بجمود "
- "مفيش رد"
= انسه انا بكلمك ردى عليا هو انا واحد بلعب معاكى
" بصتلى بصه بعيون مليانه دموع عمرى ما هنساها وقالت......
- انا اسفه يا دكتور بس والله كان غصب عنى انى اتاخرت
=خلاص يا أنسه حصل خير المهم انتى زعلانه ليه دلوقتى وبعدين انا واخد بالى ان انتى قاعده لوحدك هو انتى معندكيش صحاب؟؟
-لا انا معنديش صحاب صحبتى الوحيده ماتت من الكورونا وانا كنت متعلقه بيها جدا كانت البيست اكتر من اختى بس ربنا كان عايزها معاه ف خدها ومن يومها وانا قررت مصاحبش بعدها قررت معلقش نفسي بحد من يومها وانا عايشه لوحدي
= ياااه دا كلو اصل انا مكنش ليا صحاب برضو من صغري صحبتى الوحيده هيا اختى بس
"معرفش كان جرالى ايه من كلامها بس انا قولت كلام مكنتش اتوقع انى اقولو وطلبت منها طلب اغرب "
=هو احنا ممكن نبقا صحاب وكمان شايفك مجتهده ماشاء الله ممكن اساعدك فى المذاكره
-على فكرا انا بقالى سنتين الاولى على دفعتى هيا اولى بس الى لعبت فيها وجبت جيد بس شديت فى تانيه وتالته
= ماشاء الله عليكي طب هاتى رقمك بقا
" وخدت رقمها وصاحبتها وحبيتها ايوه حبيتها حبيتها بكل تفاصيلها بنكدها وضحكها حبيتها بعياطها حبيتها بصوت طاسه القليه وانا بكلمها الفجر وهيا بتقلى بطاطس حبيت طريقه اكلها حبيت كل الاكل الى كانت بتحبو مع انى كان معظمو مكنتش باكلو حبيت القهوه علشان هيا بتحبها حبيتها بكل تفاصيلها بس يا تري هيا حبيتنى ولا لاء...اه هيا حبيتنى انا قلبى حاسس انها بتحبنى بجد عدا على صداقتنا شهر واتنين وتلاته فاضل دلوقتى اقل من اسبوعين على امتحان الفاينال بتاعها بعد قرار التقديم بتاع الوزير...حسيت انها مش عارفه تلم حاجه من المنهج خالص...لقيتها فى مره منزله ستورى وتس بتقول انا كرهت الجامعه..انا كنت زمان لما بشوف الناس فرحانه بالتخرج بقول مين الحمار الى فرحان انو خلص جامته دى اجمل ايام حياتى انا عرفت دلوقتى مين الحمار...دخلتلها وكلمتها وتس "
الشات
(ايه ده فى ايه مالك ليه كل ده بس)
أنت تقرأ
اسكريبتات مي حلمى_Screpts mai helmy ❀
Roman d'amourتجميعه سكريبتات من كتاباتى ❀ Wr:- M A I H E L M Y ❀
