" احببت الزين "
سكريبت بقلم الروائيه مى حلمى
الاول قبل ما تقرا دوس على الڤوت يا جميل
" للعلم بس انا قريت من كام شهر سكريبت فيه نفس الفكره بس السيناريو والاسم من تأليفى "
مى: ايه يا شيماء الهبل الى انتى بتعمليه ده
شيماء: شش اسكتى انتى ايش عرفك انتى
مى: انتى يبت مجنونه بتحبى حد ميعرفكيش؟ ولا شايفك اساسا
شيماء: يوووه بقا بقولك ايه انا قررت خلاص انو بيحبنى ولازم يجي يتقدملى
مى: لااا دا انتى اتجننتى رسمى بقا
شيماء: شايفاه قمر ازاى وهو قاعد بيشرب القهوه
مى: افهمى بقا دا مش شايفك
شيماء: هموت واروح اخنق الب الى قاعده على الترابيزه الى هناك دى شايفه بتبصلو ازاى متبصيش لخطيبي يبت
مى: دى بتبص عادى مش ممكن تكون عليه وبعدين خطيبك ايه انتى شكلك اتهبلتى
شيماء: لا لا الضحكه دى مش ضحكه بريئه شايفه بنت الجزمه بتسبلو انا هروح اموتها...
مى: اقعدى هنا يا بقره انتى واعيه للى انتى فيه دا ميعرفكيش اساسا دا احنا منعرفش اسمو
شيماء: مليش فيه احنا مرتبطين
مى: لا دا انتى اتجننتى رسمى من يوم ما شوفتيه هنا وعرفتى انو بيجي كل يوم اخر النهار يشرب قهوه ويقرا كتب وانتى اتجننتى وبقيتى ظابطه ساعتك على المعاد وهو مش شايفك دا احنا ختى منعرفش اسمو ايه
شيماء: هنعرف
مى: ودا ازاى بقا يا عسل
شيماء: انتى الى هتعرفى
مى: وحياه امك هو انتو مش وراكو غيرى بقا
شيماء: ودينى لو مسمعتى الكلام ل اقلبها عليكو نكد و ابهدلكو ستوريهات وتس حزينه وتقطيع شرايين
مى: خلااااااااص خلاااااص يخربيتك مبتصدقى تلاقى اى وسيله للنكد اووف هجبلك قرارو وهعرفلك لون شرباتو كمان
شيماء: بكرا تكونى جايبالى كل معلومات عنو
مى: هييح هشغل المخابرات بتاعه زمان ههههه
اليوم عدا وتانى يوم شبماء ومى اتقابلو فى نفس الكافيه
شيماء: هاااا عرفتى ايه
مي: طرطقيلى ودانك وركزي معايا
شيماء: يلا بسرعه مش قادره
مي: بصي ياستى...دا اسمو زين المالكى عايش فى التجمع الخامس عندو 25 سنه والدو متوفى وهو معاه كليه صديله وعندو شركه تصنيع ادويه فى العاشر تمام وعندو اخين توام عندهم 15 سنه وهو بيلعب رمايه فى نادى 6 اكتوبر...مامتو اسمها دليده واخواتو الولاد اسمهم يوسف وسيف العربيه بتاعتو تيوتا لاند كلوزر موديل 2021 وبصي من اغنياء مصر وعرفتلك اسم الفيسبوك بتاعو واسم الانستا واسم فيسبوك اخواتو وعندو صاحب بيست اسمو حازم وعرفت برضو اسم الفيس والانستا بتاعو هبقا ابعتهملك على الوتس
أنت تقرأ
اسكريبتات مي حلمى_Screpts mai helmy ❀
Romanceتجميعه سكريبتات من كتاباتى ❀ Wr:- M A I H E L M Y ❀
