قبل ما تقرا اعمل ڤوت الاول يا جميل ❤
إسراء: الوو ايوه يا يوسف عامل ايه
يوسف: الوو ايه يا اسراء فى حد يكلم حد الساعه 10باليل وفى عز التلج ده
اسراء: زهقانه اوى يا يوسف والنبى تعال ننزل نتمشي بالعربيه
يوسف: اسراء انتى بتهزرى صح انا متلج وقاعد تحت البطانيه
اسراء: يا يوسف بئا وحياتى عندك
يوسف: حاضر ياست اسراء عنيا
اسراء: هقوم اغير واقول ل ماما ولما تيجي رنلى انزلك
يوسف: حاضر ياست ايسو اما نشوف اخرتها معاكى
بعد ما لبس يوسف وطلع فى عز البرد ركب عربيتو وراح تحت عماره اسراء بنت خالتو
يوسف: الوو انزلى يا ست اسراء يلا مستنيكي
اسراء: فوريره هههههه
ونزلت اسراء بعد ما قالت لمامتها انها نازله مع يوسف علشان يوسف دا ابن خالتها ومامتها بتأتمنو عليها جدا.. والصراحه هيا مبهدلاه بمشاويرها
يوسف: اهلا اهلا بالست ايسو الى مبهدلانى
اسراء : براحتى على فكرا
ملحوظه "يوسف بيعتبر اسراء اختو. يوسف عندو 25 واسراء عندها 22 اخر سنه جامعه"
يوسف: بهدلى بهدلى هو انا ورايا غيرك
اسراء: يوسف عايزه ايسكريم
يوسف:كمان ايسكريم فى التلج ده
اسراء: اه مليش دعوه اه فينك ياقره عيني لو...
يوسف: خلاااص خلااااص هجيب حاضر ربنا يصبرنى
قوليلى بقا عامله ايه
اسراء: ماشيه
يوسف: دا الى هو ايه يعنى ما تتكلمى عدل يابت
اسراء بتلميح: تعرف ان صحبتى سيلين هتتجوز يوم الخميس
يوسف: سيلين مين المعصعصه دى
اسراء بضحك:ههههههه ااه هيا
يوسف: طب وانتى مش ناويه ولا ايه
اسراء: لما يجيلى قره عينى بقا " وعبثت بوجهها"
يوسف: ايدا فى ايه مالك مكشره كده ليه
اسراء: روحنى
يوسف: طب قولى في ايه
اسراء: مفيش روحنى
يوسف: طب هو احنا لحقنا امال بتنزلينى ليه دلوقتى
اسراء: يووووه " ونزلت من عينيها دمعه "
يوسف: ايدا ايدا ايدا انتى بتعيطى
اسراء: لا دا من السقعه بس والهوا الساقع
يوسف: اسراء انا مبهزرش انتى عارفه انى بعتبرك اختى يعنى الى فى دماغك دا تنسيه
اسراء: هو ايه الى فى دماغى معلش انت زى اخويا على فكرا ممكن تروحنى
يوسف: حاضر
" عدا اسبوع كامل مسمعتش فيه صوت اسراء وبعدين لقيت خالتو بترن عليا "
يوسف:الووو ازيك يا خالتو...إيه بتقولى ايه...دا حصل امتا ده......
طب هو ينفع يعنى تتخطب من غير ما اعرف
منال ام اسراء: دى كانه رغبه اسراء مخرجتش من اوضتها من بعد ما طلعو معاك اخر مره والغريبه انى لما قولتلها جايلك عريس قالت موافقه حتى من غير ما تفكر
يوسف: طيب يا خالتو تمام انا هكلمها
"قفلت مع خالتو ولسه هرن على اسراء لقيتها بترن"
اسراء: الووو ازيك يا يوسف مفيش مبروك ل اختك
يوسف: مبروك ياست سوسو فرحتلك جدا
اسراء: تعال بقا علشان نروح سوا نشترى فستان الخطوبه
يوسف: ليه وخطيبك فين
اسراء: لا انا عايزاك انتا
يوسف: حاضر هلبس وجايلك
" يوسف خد اسراء وراحو مول علشان يشترو الفستان
يوسف بيكلم نفسو
" ولاول مره حاسس ان فى حاجه كاتمه على صدري حاسس ان فى حاجه غلط انا ليه قلبى بيوجعنى كده هو صحيح اسراء هتتخطب يعنى معدتش هتخرج معايا وتقرفنى..يعنى معنتش هسمع صوتها البشع وهيا بتغنى يعنى معدش مسموح ليا انى اخرج معاها
"فاق يوسف على صوت اسراء بتقول"
اسراء: ايه رايك يا يوسف نقى معايا
"اسراء كانت بتعمل كل ده علشان بجد تغيظو علشان يحس لكن هو كان بيبديلها العكس"
يوسف بشرود: الى تشوفيه
اسراء: امال انا جايباك ليه يلا نقي
يوسف: ايه رايك فى ده
اسراء: الله جميل هقيسو
" دخلت تقيس وانا شارد مش قادر اتخيل حياتى من غيرها بس ساعه ما لبست الفستان وخرجت ولاول مره اشوفها ب فستان زى ده قلبى فضل يدق جامد لدرجه انى حسيتو هيخرج من صدرى ومن لاوعى مشيت عليها ومسكت ايديها "
يوسف: ايه القمر ده ايه القمر والجمال ده يخربيت حلاوتك
" قربت منها وبوستها من قورتها وكانها هتلبسلى انا الفستان وكانها هتبقا فعلا خطيبتى ولاول مره احس انى بحبها بجد "
" اسراء وشها قلب احمر من الكسوف ودخلت البروڤا "
بعد ما خرجت
يوسف: انا اسف
اسراء: اسف على ايه يا بروووو دا انت برضو اخويا
" وصلتها البيت وروحت خطوبتها بعد اسبوعين مش هقدر اروح مش هقدر اشوفها لحد غيري ..
عدا الاسبوع و تلت ايام عليا وكإنو سنه...اسراء مكلمتنيش ولا مره وبرن عليها مبتردش كلمت خالتو قالتلى ان اسراء رفضت العريس من بعد ما جابت الفستان وحابسه نفسها مبتكلمش حد تعال يمكن تكون انت الى هتخرجها " لبست وطلعت جرى عليها
وصلت وطلعت وخبطت على باب اوضتها
يوسف: اسراء يا ايسو حبيبتى افتحيلى انا يوسف فى موضوع مهم
اسراء بنبره حاده: عايز ايه
يوسف: افتحيلى بس
فتحت اسراء الباب وتحت انظار الجميع
يوسف: بحبك تقبلى تتجوزينى
"بينى وبينك حاجه محدش لسه عرفها وانا معرفش دى ايه تعريفها حتى الحاجه الى اسرح فيها انتا بتعرفها"
بقلم مي حلمى
Wr:- M A I H E L M Y ❀
أنت تقرأ
اسكريبتات مي حلمى_Screpts mai helmy ❀
Romanceتجميعه سكريبتات من كتاباتى ❀ Wr:- M A I H E L M Y ❀
