#شايب_وانه_بنيه_وخذوني_فصليه
#البارت #٣
محمود. رجعت للبيت واني مهموم ومغموم ومقهور ع الي سويته وحياتي تغيرت ١٨٠درجه
ضليت ٢٤ساعه كئيب وصافن وخايف ومر شهر واني ع هل حال هواي سئلت ع الولد ودورت
عنه ما حصلت شي
قصور. قبل شهر جنت طالع من الاسواق شتريت مسواگ من البيت وبرجعتي لسياره اتفاجئت
بهذا الرجال الي دعمني بسيارته شمر عليه ومكدرت لا ارجع ولا اتقدم يعني تفاجئت بي كلش
دعمني نزلت ما اذكر شكله شلون جان لان حسيت بروحي داتطلع بس باوع ع ارقام السياره
وحقضتهن وشوي وركب سيارته ونهزم اجوي الناس شالوني للمستشفى اهنا فقدت الوعي
وضليت بالانعاش اسبوع سولي عمليه ع رجلي لان جان عندي كسر باعضم بس الكسر بسيط
لاكن احتاج عمليه ثانيه حتى ارجع امشي ع رجلي من جديد
وكال ادكتور احنه انقرر الموعد الثاني وطلعت من المستشفى بس صعب ع الشيخ قصور يكعد
ع كرسي وينكسر طوله الفارع وهيبته وقامته المعتاده فكلت لازم اعرف هذا الي سوا ابحالت
الشيخ هيج انطيت ارقام السياره لواحد من ارجالي وكتله اريد معلومات عن صاحب السياره
ورا يومين اجاني فاضل الرجال الي دزيته يعرف صاحب السياره
قصور. ها كول العندك
فاضل. شيخنه صاحب السياره رجال جبير وعنده ثلاث بنات وحالتهم تعبانه كلش وبيتهم تعبان
وعكد حالتهم وهذا عنوانهم
قصور. اها اوك يله انت روح خابرت ع صديقي وليد
قصور. وليد تعال اريدك بشغله
وليد. خير شيخنه شصاير
قصور. انت تعال واني اكلك
وليد. رحت لشيخ. ها قصور شبيك
قصور وليد. عرفت عنوان الرجال الي كعدني ع هذا الكرسي
وليد. بهمه. وشتاني. يله شيخ خل اندزلهم اكوامه
قصور. المشكله الرجال صاحب ثلاث بنات وحالته كلش فقيره
وليد. اها وشراح اتسوي
قصور. اريد اروح البيتهم بس بدل ما افصلهم راح اساعدهم خطيه
وليد. والله كفو منك يابو هاجر والله مو اول مره اتسويه انت معروف بيهه وعنوانك الكرم
قصور. يله اخذني الذا العنوان
وليد. يله واخذته بالكرسي المتحرك.
قصور. والله وكت اني الشيخ قصور وبكرسي يدفعوني بس الحمد الله
وليد. لا يا شيخ اتضل هيبتك المعتاده وقصور مايضره كرسي
