"وأجملُ الحُبِّ ما تلقاهُ مُختبئًا
خلفَ العيونِ حَيِيًّا يرسمُ الخجَلا
يؤجِّلُ الموعدَ المشتاقَ مرتبكًا
وقلبهُ خفقاتٌ تعشقُ العجَلا"
سمر. اني عايشه مابين الي يحن لهله وحضن حبيبه ومابين الخايفه ع ضناي الي صاركل
دنيتي واني بعد مامات ابوي الي ماتت ويا كل ذكره حلوه وكل بسمه ماراح اسامح كل واحد
حرمني من ابوي وحرمني اكون يمه باخر لحضاته غيرت كلبي بدلته وصرت مو سمر القديمه
الضحكه ماتت ابوجهي وصار كلبي قاسي ودائمن كئيبه حبيبي غيوثي كبر وصار عمره سنتين
ونص🔔
طبعا اني ابد مانسيته ابو دائمن اشوفه صورته واكله بابا امسافر لان لازم يعرف ابو
يجي يوم ويحتاجه بس اني حاولت وراح اضل احاول انساه وانسه كل الناس الي اعرفهم
واعيش وي ابني فقط اما العائله الي ساكنه وياهم يجزيهم الله خير ما مقصرين وياي
براء اتزوجت وساره مخطوبها ورنا ناشبتلي نشبه بس تتعارك وياي ع الصغيره والجبيره
امها ابد ماصارت يوم وياها ضدي واني عاذرا رنا لان هي من اتزوجن خواتها الاصغر منها
حست بغيره وضلت اطلع الحركه بيه الى ان يوم صار الاتي
سمر جان غيوثي حرارته مرتفعه شوي لبسته وكملته واخذته لدكتور وانطاني اله ادويه رحت ع
الصيدليه اجيبهن وانذتهن وكملت وبعدين رحت ع السوبر ماركت هو يم الصيدلي نشتري
بعض احتياجاتنه وبينما اني دا اخذ الشغلات التفتت ومالكيت غيث
قصور. نزلت لسوبر ماركت اجيب اشكم شغله محتاجينها بالبيت وبينما اني جاي اشتري
شغلات واذا طفل يصرخ
غيث بابا بابا وركض علي
قصور. شبكته وشلته بوسته ماعرف شلي خلاني اتذكر غيث الله لايسامحج ياسمر. شميته حيل كتله بابا وبن اهلك
غيث. ماما ماما اناك
سمر. ضليت ادور ع غيث مثل المجنونه بس الصدمه شفته بحضن ابوه ااخ اشلون منضر
نزلت ادموعي واني اباوع ع قصور يبوس بي ويكله وين اهلك وما يدري هو ابوه بس بسرعه
مسحت ادموعي وكلت انت الجبتها الروحك ورحت اخذت غيث بس ايديه جانت ترجف وخايفه
يعرفني وياخذه مني وماحجيت وي قصور اي شي بس ما انكر شعور الي صار عندي تمنيت
احضنه واكله مشتاقتلك ومحتاجتك اني وابنك واكله ليش حرمتني منك بس مستحيل اسويها
لان اني مو سمر شخص ثاني
قصور. اجت ام الولد اخذته مني بس كئن اخذت روحي مني وكلبي اتعلق بي وتصورته غيث
