#شايب_وانه_بنيه_وخذوني_فصليه
حياة. شيخ اني. غلطت اي اعترف. اني بسبب حبي الك وغيرتي من سمر. ومن دريت بيها
حامل جنت مستعده كلشي اسوي حتى لاجيبالك الولد بس ماكن امفكره ابد ان اكتل طفل
ويصير ابذمتي دمه بس اسراء. جانت شيطان وغوتني وخلت الفكره ابراسي وكلتلي ع اسم
الحبوب والطريقه الي اخليها بيها وبالتالي جابت غلاف الحبوب وخلته بيد رهف وخلتكم تعرفون
اني سبب اجهاض سمر وطلعت هي منها مثل الشعره من العجين وخلتك تعتقد ان اني
صاحبت الفكره
قصور. ضليت مصدوم بكلام حياة. معقوله توصل ابسراء المواصيل ان تخرب بيتي بهذا الشكل
امينه. يله حياة. صار دورج.
حياة. رحت. الغرفتها
سمر. احنى تبعناها
اسراء،جنت اني والخدامه نتفق اشلون انخلي الحبوب السمر وجانت الحبوب بيدي لحد
مادخلت عليه حياة. فجئه حتى مادكت الباب ضميت الحبوب ورا ضهري ابسرعه
حياة. خليت الباب شويه مفتوح حتى الشيخ يشوف كلشي وشفت اسراء ضمت شي ورا
ضهرها اجيت صرت اكبالها وصار ضهر اسراء للباب بحيث ماتشوف الي واكف بالباب
قصور. شفت. اسراء. اتضم شي بيدها
سمر. باوعت الغلاف الحبوب الي بيد اسراء وهمست لشيخ كتله هاي نفس حبوب الاجهاض
الي بيد رهف يعني اسراء جاي تخطط اطيح ابني الثاني
قصور. هذا وحده كفيل بأن اذبح اسراء ولايرفلي جفن بس كلت خلي اكمل واسمع لنهايه
حياة. اسراء. اسمعيني اني تعبت من هذا الوضع انتي كدرتي تكسبين الشيخ الصالحج
وخليتي مايشوف غيرج وخلانه كل احنه بالقائمه المنسيه اسراء دخيلج صدك تعبت من هذا
الوضع ليش هيج سويتي
اسراء. واني شدخلني هاي عمايلكم انتم
حياة. ياعمايل تحجين عنها مو انتي الي خليتيني اطيح طفل سمر مو انتي الي كلتيلي ع
الخطه وانتي الي كلتيلي ع اسم ابحبوب وبالتالي خليتيهم ايضنون انواني الوحدي ورا هذا كله
اسراء. وانتي غبيه ونفذتي شسويلج والمطلوب هسه شنو تردين
حياة. المطلوب تخلين الشيخ يسامحني وارجع مثل قبل زوجته
اسراء. اممممم بشرط. حمل سمر. الثاني هم ما اريده يتم واقسملج هلمره ماراح اطيح براسج
بس اني ما اكدر اوصل السمر حتى اخليلها هذا الحبوب وطلعت الحبوب من وراي وبما ان
انتي تكدرين توصلين الغرفتها اريدج تخليلي هاي الحبوب بدولكت المي
