#شايب_وانه_بنيه_وخذوني_فصليه
سمر. وفجئه اجتي ابالي فكره كمت مسحت ادموعي طلعت جنطة سفر ولميت بيها اشوي
ملابس الي والغيث وشكم غرض ولميت كل ذهبي ومجوهراتي وكل افلوس الي عندي وسديت
الجنطه ونزلتها خليتها جوه الدرج حياة. عند اهلها دخلت ع هند وهاجر لكيتهن ايدرساً
رحت الماما امينه لازم اشغلها ابشي
سمر. ماما اني جوعانه اتكدرين اتسويلي بيتزا مشتهيتها يمكن حامل هههه
امينه. ماما بالول انتي زينه وليش بجيتي
سمر. ماما سويلي بيتزا وناكل ونسولف خلي اجيب غيوثي خاف يبجي
امينه. تددللين حبيبتي رايحه اسوي البيتزا
سمر طلعت برا كلت الفاضل روح جيب حليب الغيوثي لان حليبته خلصت
فاضل. صا. شيخه
سمر. رحت طلعت الجنطه ع السريع بدون محد يشوفني اخذتها بالحديقه خليتها ابين
الحشيش وصعدت اخذت غيوثي واخذت عبايتي ونزلت اخذت الجنطه بيدي الثانيه وطلعت
ضليت امشي خطوات اشبه لركض وصلت الشارع الرئيسي اشرت لتكسي وصعدت
ابو. التكسي وين اخذج بابا
سمر. هسه امشي بعيد عن هاي المنطقه
ابو التكسي صار.
سمر. ياربي وين اروح اذا رحت الاهلي ماراح يستقبلوني ياربي ماعندي احد بس انت عندي
ساعدني وضليت ابجي
ابو. التكسي. بابا بيج شي احد مئذيج احسبيني مثل ابوج وكليلي
سمر. عمو فدوه اريد مكان اكعد بي يعني ايجار بس يكون رخيص لان اني حياتي بخط يردون
زوجي واهله ياخذون ابني من عندي وينطونه الضرتي ابو التكسي لا حول ولا قوة اله بالله
زين وين اهلج.
سمر. اهلي هم واكفين وي زوجي
ابو. التكسي. عمي. اكو ناس عندهم غرفه وحمام ومطبخ ازغيرون بس البيت تعبان وبيت
تجاوز بس سعره رخيص
سمر. اي هذا هو عمو اخذني الهم
سمر. جان لازم اجذب هاي الجذبه حتى ايساعدني هذا الرجال حتى يتئثر ابقصتي خفت
اكله الحقيقه وما يساعدني ويطلعني بيها سين وجيم بس جزا الله الف خير لكالي مكان ابتعد
بي اني وابني عن انضار قصور على ما اثبت برائتي وبالفعل اخذني الرجال للبيت وجان
عباره عن خرابه وبيها طابقين قابلت صاحبة البيت حميده ام رنا مره ارمله هي بعمر امينه
