الجامعة! المكان اللي يجتمعون بي الطلاب من مختلف المحافظات، البؤرة الخداعة الي تخيللكم انها اجمل مكان وبنفس الوقت اسوء مكان ممكن تعيش ذكرياتك بي...الطلاب يجون هنا من أماكن مختلفة ولأسباب مختلفة، البعض يجي للدراسة والبعض يتونس
وهواي منهم حتى يكونون صداقات وعلاقات
_ أني "ناي أحمد" الطالبة الي جان همها ما تتقرب من اي شخص وتتعمق بي وجان عندي مبدأ واحد (الدراسة) اللي تركت اهلي وديرتي علمودها، جان كل همي أسعد والدتي واجازي تعبها بمحصول دراسي زين ع الأقل فـ ﭼـــانت علاقتي وي كل طلاب قسمي على كد السلام ومنعزلة الى اكبر حد عنهم الى أن اجــة اليوم الي غير تفكيري ومصيري بشخص تمثلت بي كل طرق الفرح الي ممكن اعيشها! جنت كاعدة وحدي كالعادة علساس اكو محاضرة بوكتها ف هدوء قاتل وحدي بالشعبة وبقية الطلاب مجاميع يضحكون ومتونسين قطع افكاري صوته وهو يكول : رح ناخذ محاضرة؟!، التفتت شفته ولأول مرة أنتبه لملامح شخص بهالشكل! بعدها حسيت ع روحي وكلتله : ها لا ما اعتقد لان الوقت فات هز راسه وابتسم وطلع بعدها بشوية طلعت وشفته يم مدخل القسم ولأني ماعرف شخص غيره بكل الاحوال جانت نهاية دوام ف سألته يولد؟، تعرف قسم المحاسبة وين؟ اندار وابتسم كال تعالي وياي رحت مشينا واشرلي ذاك قسم المحاسبة اني اترخص عدة هذاك اليوم بس الشعور ونبرة صوته وحركاته ماعدت من بالي جنت اشوفه الصبح كليوم مو مهتم لأحد منعزل عن الناس حسيته يشبهني، للحظة حسيته هيج! ، وماعرف أوصفه غير أنه مختلف جدا وثكيل .
