بدأ يتكون احساس بداخلي بمرور الوقت رغم اني ماعرفة زين وعمري كله ما عجبني شخص بهالطريقَة وصعب لوكلت أعجاب وبس هيج بكل بساطة جان أنجذاب، مودة، شعور غريب بحيث كلما شفته يمر من كدامي احس شي حلو ينتضرني وجان الشخص الوحيد الي ممكن اطلب منه شي لو احتاجيت لأني ما اختلطت بأحد من الشعبة أساساً ومنها في يوم من الايام كالو اكو كروب خاص بالشعبة والدراسة ف رحت كتله بدون مقدمات هلاو ممكن تضيفني للكروب مال شعبَة؟!
طلبت هالشي منه لأني ماعرف تفاصيل الموضوع او أسم الكروب فكرت اختصر كلشي بهالشكل جاوبني : تمام اضيفج ع الفيس لعد! وأخذ حسابي قاطعونا شلة شباب وبنات طبو للشعبة كعدو قريب ومن ضمنهم واحد مو راحه كال أسمج غريب كلت اي بصوت ناصي ف سألني هو ليش شسمج أنتي التفتت كتله "ناي" ضل صافن بوجهي وكال بهدوء عاشت الاسامي رجع للبيت وضافني على الفيس وعلى الكروب وهناك عرفت اسمه مراد، هذاك اليوم الي انفتحت بي هواي أبواب بحياتي بقى مطبوع ببالي لحد هاليوم بديت استعين بمراد وأطلب مساعدته بكل شي أحتاجه حسيته سندي بنص الغرب والهوسة العايشة بيها كأنما رب العالمين دزه الي ساعدني بالدراسة بس بدون مايزيد بالكلام جان حذر من السوالف الزايدة خارج مواضيع الدراسة هدوئة وشخصيته شي ماشفتة عند طلاب شعبتنا الكل جان همهم يضحكون وي البنات ويكونون علاقات وهو!، اشوفه كاعد وحده بحديقة القسم مو شايل هم احد قليل الكلام بيده كتابه او تلفونه غالباً بمرور الوقت طبعة وياي بالاخص بدأ يتغير صار يراسلني ويطمن عني واسلوبه يقربني منه أكثر صرنا أصدقاء بالسر الصداقة اللي ميعرف بيها غير رب العالمين جانت أحلا صداقة بعمري وماتمر ساعة اذا ما نفتقد بعض ونسال ع بعض جان اهتمام مثالي من الطرفين
حتى اثناء المحاضرات نتبادل افكارنا وسوالفنا وكأن الوقت ممكفينا جان يترك كل أشغالة لخاطر يسألني : ناي محتاجة شي؟، لو أحتاجيتي لتترددين تطلبين حجايتة هذي خلتني أطمئن كأنما هو نخلق حتى يطيب خاطري على طوول وانا بعد جنت اتخلى عن نومتي بعز النعاس لو اتصل وانسى النوم مرت أشهر على هالحال
