رجعت للبيت تعبانه , كل حيل مابيه بدلت ونمت بدون ما أحس وكعدت ساعه ١٠ بليل نصدمت بالوقت الي نمت بي فتحت تلفوني شفت مراد دازلي "وينها الحلوة مختفية" رديت : ههه اي والله اليوم رديت كلش تعبانه ضحك وكال متشبعين نوم انتي شون جان يومج؟ جاوبته: كلش مو حلو ومن اسوء ايام عمري رد بشقة : اكيد حقج تضوجين بعد منو يصبح عليج ويضحكلج ومنو يشاقيج ويسولف وياج خلص حترجعين، هو كالها بشقة بس حسيت انا بالغصة وهو يحجي ف كلتله غير الموضوع، أساساً انت جنت منتضر اليوم الي اروح بي جاوب : ناي، سمعي خل اكلج فد سالفة انتي أحسن واطيب بنية عرفتها وماكو أنسانه مثلج ممكن تحبني او تتفقدني وتهتم بيه بهالطريقة وبالمقابل زعلتج هواي مرات وانتي مابينتي شي ولا مليتي..واني حيل احترم هالشي منج، وو... أعرف أنتي تحبيني بس مردت أشاركج بشي نهايته مو من صالحج! نهاريت بجي من حجايته وكتبت : بس أنا يا مراد حبقى آحبك بداخلي ومراح يتغير شي وبعدها ما فتحنا الموضوع وصرنا نحجي عادي يوميآ، واني بالبيت من ناحية ارتاحيت بالقرب من اهلي ومن ناحية بعد مراد حاركني
والي مصبرني الرسائل واهتمامه بيه ومكالماتنا للفجر بحيث يعفى واحنا نحجي واضل اضحك ع هالوضع كضت الأيام هو أرتبط بشغل وانا التهيت شوي بدراستي بس ما قل اهتمامي بي ولا شوية بس يوم واحد مراسلته لأن جان بشغل ف اول ما رجع من شغله دازلي : انتي ليش هاملتني غير تسألين عليه، تشوفيني رجعت لا ، تسألين شنو اسوي؟! رديت : ع بالي بس جنت مشغولة ومنها كلت يخلص شغله واحاجي ضل يسولف هو واخذتنا السوالف الي مينمل منها حسيت نفسي مرتبطة بي بكل تفصيل رغم احنا علاقتنا صداقة وبس
