عنيده ملكت قلبي

الفصل السابع عشر

روايه عنيده ملكت قلبي
تأليف وكتابه اسماء صلاح عبد الرؤوف
رأيكم يهمني💫

*************************
في غرفه فارس ٠٠٠٠

حياه بخوف : انت هتعمل ايه!؟

فارس بشر : هربيكي من اؤل وجديد

نظرت له بحزن غير مستوعبه ما يتفوه به هذا العشق الذي لطالما حلمت بلقائه ولكن كان والدها السبب في بعدهم هل هو بنفسه ما يتقدم منها ليضربها

حياه بضعف :فااااارس

فارس محاولا عدم التأثر بعيونها: احم عايزه ايه!؟

حياه بحزن : هو انت هتضربني فعلا !

فارس بسخرية : انا مش هضربك بس هربيكي يا بنت اسر علي أصول بلدك اللي نسيتيها وسبتيها علشان تعليم وبتنجان

حياه بغضب : انت مالك ومال تعليمي و بعدين حضرتك كنت فين من كل ده انت اصلا عمرك ما فكرت تتصل بيا في الغربه ولا تعرف عني حاجه

فارس بجمود: واسأل عليكي ليه ولا اتصل ليه انتي اصلا متهمنيش في حاجه وهي فتره اجباري متجوزك فيها وهتروح لحالها وفيه شويه قواعد هقولهالك لو فكرتي تخلفيها تبقي بتعلني الحرب عليا

اقترب منها ليكمل بفحيح افعي: واللي يفكر يحاربني خسراااان

حياه وهي تبتلع ريقها بخوف : احم طب أبعد شويه لو سمحت

فارس بهدوء وكأنه لما يفعل شئ: لا انا مرتاح كده اؤلا خروج من البيت باذني ومفيش لبس مكشوف تاني مشوفش جنس راجل علي الاكونت بتاعك وكمان الفيزا اللي معاكي دي متستعمليهاش انتي دلوقتي بقيتي مراتي ومسؤله مني تمام!؟

حياه بحنق : ممكن لو سمحت طلب صغنن!؟

فارس : هااا ارغي!؟

حياه بابتسامه صفراء : اتنفس ٠٠٠ ولا النفس كمان باذن

اقترب منها وهو ينوي ان يخبرها ان حتي انفاسها ملكه ليأخذ شفتيها بين خاصتيه بقبله اودع فيها سنوات عشق الطفوله وسنين عذاب الفراق ولهفه قلب تغلفته الأشواق لتندمج انفاسهما معا ليصبح سارق قبلتها الاؤلي هو معشوق الفؤاد ولتنول هي شرف انها الفتاه الاؤلي التي يقبلها ♡♡ اعتدل وهو يلعن نفسه علي تسرعه وغبائه واشتياقه الذي فضحه امام من كانت يريد أن يذيقها العذاب الوانا

فارس بسخرية: شوفتي بقي اني اقدر اخليكي بتاعتي في ثانيه واحده وكمان من غير اي مجهود

حياه بتلعثم: ها قصدك ايه يعني من غير اي مجهود

فارس بغرور: يعني مش هتاخدي فايدي غلوه ماهو اصل الرخيص بيفضل رخيص

قطعت كلامه بصفعه من صميم قلب تحطم ليصدع صوته في ثنايا روحها وهي تقول بغل" اخرس انا أشرف منك ومن مليون واحده تعرفها يا حقير