روايه عنيده ملكت قلبي حلقات خاصه
تأليف وكتابه اسماء صلاح عبد الرؤوف وممنوع نقل أو نشر الروايه دون أذني منعا للمسائله القانونيه رأيكم ^
*******************************
في صباح يوم جديد في حياه الابطال ٠٠٠٠
مهاب بنوم : صباح الخير يا وردتي متصله بدري يعني
ورده بضيق : حضرتك قولتلي صحيني بدري علشان عندك حاجه ضروريه
مهاب بمشاكسه: اه بصراحه انا كنت برخم عليكي علشان اسمع صوتك لاني كل ما بتصل بيكي بتتكلمي كلمتين وتقفلي
ورده : يعني انت معندكش حاجه مهمه !؟
مهاب بحب : معنديش حد مهم غيرك انتي
ورده بخجل: احم طيب انا هقفل علشان انام
مهاب : طيب بصي انا بعت الفستان بتاعك مع سهام صحبتك شوفي رايك فيه ولو مش عجبك قوليلي نروح نغيره سوا
ورده بغيره : اه وحضرتك شوفت سهام فين !؟
مهاب بابتسامه لانه استشعر غيرتها : مشوفتهاش انا بعته مع أمين يوصلهولها
ورده برضا: تمام سلام
مهاب بضحك : شكلك هتتعبيني يا وردتي ٠٠٠٠٠ يادي القرف هو ده وقتك تتصل "
فارس بغضب: وحياه امك رايح تتجوز يوم فرحي يا حيوان
مهاب : واضح انه امين ممسكش لسانه بس بعمل زيك يا سياده الرائد حضرتك مقضيها ولولا عمو ابراهيم مكنتش هعرف انه فرحك النهارده
فارس : طب اياك متجيش ٠٠٠
مهاب : علي قلبك متقلقش الشبكه العصر في الكافيه بتاعي وهجيبها واجيلك
فارس بابتسامه: ومتنساش تحكيلي مين اللي وقعت سياده الرائد من اؤل نظره دي
مهاب باستغراب : مين اللي قالك الكلام ده !؟
فارس : آمين يعم في ايه ده عرفني كل حاجه
مهاب لنفسه: هو عرف منين تفاصيل زي دي ٠٠٠ طيب يا فارس ثواني وهكلمك تاني
فارس : ماشي يا عريس سلام
مهاب بغضب: الووو ابعتلي يابني تسجيلات الكاميرا لمكتبي من كل الجهات يوم الاربع اللي فات بسرعه
**********************************
في فيلا اسر ٠٠٠٠٠٠٠٠٠٠
اسماء بضحك : ما خلاص بقي ميبقاش قلبك اسود زي ابوكي كده
اسر برفعه حاجب: بقي ابوها قلبه اسود ماشي كله هيطلع عليكي النهارده يا اسماء
حياه بحنق مصطنع: شوفتو بقي هتتخانقو في يوم زي ده وانا اصلا زعلانه انكم معرفتونيش كل ده
اسماء بهمس : كله من ابوكي ما قولتلك تسيبني اتجوز الواد القشطه اللي في روسيا
حياه بضحك : هههههه يابابا الحق
أنت تقرأ
عنيده ملكت قلبي
Roman d'amourهل تنتصر العنيده علي هذا المغرور وهل يمكن للحب أن يتخطي جميع الحواجز وهل القسوه بداية الحب ،روايه باللهجه العاميه المصريه 😍😍 اسماء صلاح عبد الرؤوف 🥰
