إذا المراجل لبست شماغ وعقال قل للعذاري يلبسن للعمايم ما عاد يفرق زول حرمة ورجال دام الفعايل تشبه البعض دايم المرجلة ما هيب كلمة وتنقال وتروح ما راحت هبوب النسايم ولا خشونة صوت أو رفع أثقال أو رزة دور وفعل الزلايم ولا هي بعد مفتاح موتر وجوال والا ردى لسانن حديثة شتايم المرجلة شيمة عن القيل والقال رفيع نفسن حر باجو حايم المرجلة عقل وزنه وزن جبال ودون العقل وش فرقنا والبهايم يا مسندي لومايل الوقت بي مال يا ولد أبويه يا عظيم العزايم يا معرب الجدين من العم والخال يا نخوة المفزوع وقت الهزايم المرجلة ياخوي هي طولة البال هي العزم هي الصبر في الظلايم فيها الكرم عزة دلة وفنجال فيها الكرامة عن ردى الطبع شايم
