كلبتهن وشتهيت اقرالها
والبالي ايدور احسه ابالها
شفت شنهو الظال م̷ـــِْن الذكريات هنه
صورتها
وعطرها
وشالها
وكمت احاجي الصوره وسمع يمي صوت
مدري ياهو ايصيحلي ادنالها وركض امفرفح ولاخر صاح وين
هيه تعبانه دخلها بحالها
كتله لا بس ارد احاجيها وروح اردشوف اغيابي يمكن سالها
ارد اكلها وداعت امي وروح ابوي روحي عكبج كلشي ماتسوالها
وخاف حسبالج نمت ليل بكفاج لا وحق المانشاف اخيالها
وكمت اكلها شلونه ليلج م̷ـــِْن وراي
اتكلي مثل الماحظت بطفالها
لا اتغمض عينها ولا تستراح
شماتريد اتنام تتراوالها
اي وداعت هاي البحظني بجفاك
احسد المرتاحه عند اعيالها
وانت تدري الماحظت بول حبيب
دوم يبقه اول عشك كتالها
حته هايه المكبره ام خلك الجبير
لَيــِْ♡̷̴̬̩̃̊ـِْش ماتاخذني مدري شمالها
ودنكت كدامها وكالتلي كوم
المهره هيبتها بعزم خيالها
شيل راسك يمن رفعه راسي بيك
النجمه ماتنشاف لوله اهلالها
اعلمودك جنت اهدن حك وتلحك
بعيني وناطرت تكبر وتلحك
عساها حوبتك تسحك وتلحك
وره كلمن رفض يطيك اليه.
والله تكتل يشيب صباي
