البعيد القريب ♥️

البارت11

البارت 11~

‏"أَتعلمينَ يا ليزا، أَنّ الأنسانَ قدّ يعذبُ الأنسان لمُجرد أنه يحبه.."💔

‏- دوستويفسكي

•••••••••••••••••••••••••••••••••••••••••••••••

وصلنا للبيت وجانو البنات وزين بايتين بيت جدهم اهل ابوهم وصرت انا و وداد بحدنا صحتلها وجان تجي

وداد : نعم ماما

كوثر : شعدج ويه علي

وداد : ها شنو ياعلي يمه

كوثر : لاتسوين روحج غبيه كم علي عدنا هوه بسـہ ابن خالتي اكرر السؤال شعدج ويه علي ابن خالتي وليش جنتي وياه بالمطبخ

وداد : كلشي ماعندي لاتسويلي قصه

كوثر : عدلي حجيج وياي لا اكص لسانج قسماً بالله فاهمه لو لا اخر مره اسألج شعندج ويه علي لان سمعتكم مـن البدايه فهميني شصاير شكووووو

وداد : ايي يمه احبه ويحبني ومالكم حق تتدخلون ؏ـمري صار ٢٦ مو كافي شكبرني وشكدني وتحاسبوني

كوثر : كمت على وداد كفختها كفخه معدله وكتلها
اياني واياج تحجين ويه علي او حته تفكرين توصلين لذاك البيت فاااهمه

وداد : حرام عليج هوه كال السنه الجايه يخطبني ليش تسوين هجي

كوثر : اسكتيييي لو اخر واحد بالكون يبقى ما ازوجج الج فاهمه ولج هذول مو ثوبنه اذا تزوجتو تتأذون ثنينكم تتأذون

وداد : شلون نتأذه واحنه واحد يحب الثاني يمه الله يوفقج عوفينا اتركينا لاتوكفين بوجه حبنا

كوثر : يالمدمغه خالتي اربعه وعشرين ساعه تبسمر بيه عبالها ازوج وحده مـن بناتي لولدها ذول وتكول انا اريد جنتي شكره والعيون خضر عود ماتريد بناتي لان حنطيات والشعر اسود والعيون سود بناتي الجمال كله كلها تحجي بجمالكم وادبكم واخلاقكم بس هيه تريد عود شكره والعيون خضر بلكي تعدل نسلهم الخايس

وداد : ماكو هيج حجي يا انا اصير لعلي ياتحلمون اصير لاحد

كوثر : كمت كطعتها بالكتل وحبستها مـن غير شي ابن خالتي احمد يريد مي
صدك ماكتلكم غير اختي الصغيره الي جابتها امي نوب توفت اسمها مي كبرت وصارت بنيه تخبل مـن الجمال الخصر صغير والجسم ليكول لعابه والشعر بني طويل للرجلين والعيون واسعه عسلي والبشره بيضه والشفايف كبار وحلوات يعني طلعت احلانا مو بنيه تمشي بالارض ليكول لعابه
شافها هذاك الشفيه احمد لو تخبل عليها وهوه ليكول شفاطه مال حمام😂😂استغفرلله ماعلينه منه انه اكرها لان مثل امه شايل طبعها بكلشي حقود وغيور وشايف روحه ع الناس
مـن شافها احمد كال هاي لو الي لو للكبر مـن نهجم بيته الحرام انشالله ؏ـلى راسه ونفتك منه
وطبعاً خالتي ماراح تمانع لان شفايتلها تحصللها جنه ليكول عسل بس رفضت لان مـن عدنا ماتريد جنه من عدنا بس يبووووو على احمد لزك بيها