البعيد القريب ♥️

البارت 12

البارت 12~

- مهما اخذتكِ أعاصيِرُ اليأس رُغماً عنك؛ لا بُد ان هُناك نافذة أمل تنتظر منكِ قُدومًا وتجاوزًا لهذِه الأعاصير...💪⚡️.

قراءه ممتعه ♥️

""""""""""""""""""""""""""""""""""""""""""""""

ام زين : ام احمد انه وياج بهل حجي انه راح اعوفهم براحتهم لان كبار بتي ٢٧ وابنج بعد اكبر اذا اكو نصيب ف مبروك بسـہ انه مو ويه هل قرار ولاتجون وتشكون احنه مامقتنعين وانتو بكيفكم بعد احنه ماعلينا وهسه كلحنا كاعدين وكولو شتردون وداد شتكولين وانته علي شتكول وره ماسمعتو رأينه

وداد : انه اريده

علي : حته انا اريد وداد

ام زين : سمعتي ام احمد بعد احنه ننسحب والف مبروك ( كمت بسـہ ضايجه وروحي بخشمي بدي اكطع وداد تكطع بسـہ اعرف ببتي اذا مانطيتها اخاف تسويلي سالفه بكد راسها )

~ تم الزواج بس الطرفين اطباعهم عكس بعض و اول اسبوع زواج حملت وداد فاطمه (نديم) وراها بسنه جابت بنين وبعدها حصه
رغم العلاقه ماجانت احسن شي والبنات تعرضن بصغرهن للهوسات والمشاكل بس ضل الزواج مستمر وضلت ام زين تكول لبتها كلتلج وماخذيتي حجيي و وداد تكلها صحيح يمه كله مني

ام علي تعبتهم بسحورتها تسوي سحر وره الثاني تريد تطلكهم كوه وباكت حضاين نديم خاطر تسويلها سحر وضلت مريضه بطفولتها كلش ومن حملت بـبنين طاحت مـن الدرج والي دفعها ابو علي
وبعدين وره سنين وسنين حملت بتوم بس بسبب السحر وكعو

نرجع للاحداث •••

نديم ~ انه و جورج ضلينه سوه نتعارك ونتصالح دائماً ومرت ٣ سنوات سوه احبه ويحبني و كلشي بحياتي هوه جورج كل ؏ـمري هوه جورج

نديم : جورج شبيك هجي وياي جاف ومدري شلوونڪ تره مايصير هجي وعصبي وفوكاها تخليني ازعل اسبوع وماتصالحني

جورج : تعبان والشغل لفوق راسي مو طايق حالي

نديم : اوي كلبي سوده عليه معليك بس نتزوج انه اعوضك عن كل هل تعب

جورج : ان شاء لله

نديم : اسمع صوت طكطكه شنو هاي شغلت الجكاره ؟؟

جورج : هـهـه لا..

نديم : جورج بداعتييييي احجي

جورج : اهووو تعرفين اذا حلفتيني بداعتك ماكدر اكذب

نديم : اييي فضني شنو

جورج : اي قاعد ادخن 😂😂😂

نديم : هسه تذب الجكاير كافي يمعود موزين عليك كافيييي شهل لعبان النفس قللها بداعتي ﭑذا تحبني

جورج : ان شاء لله اصلاً بس نصير سوه راح اترك الجكاير

~ بعد مرور ٣ سنوات بهاي العلاقه جورج ونديم صارو مثل الاهل واحد عايش بقلب الثاني رغم عركة مـن العركات ضلو شهر مايتحاجون بس واحد يتحرش بالثاني بالستوريات مال انستا

نديم صارت سادس اعدادي وجورج جان يحاول يخفف عنها الضغط وللاسف النتيجه الاجت ماعجبت نديم ابد نديم تريد مجموعه طبيه والمعدل الي طلعلها مايسمح نهايه الستين !

نديم : ماعرف ليش انه درجاتي بالشهريات تسعينات جورج راح اتخبل

جورج : عيدي السنه وانشالله بالاعاده افاده

نديم~ ماتدرون شكد واجهت صعوبات وعرقلات وتعب وضيم وحجي اهلي عليه بس جورج جان سندي وتحملني وكلي عيدي وانه بظهرج
عدت السنه وهل سنه افضل الحمد لله و وصلت لفترة المراجعه بالسادس و حجيت ويه جورج...

نديم : سمسمتي انتَ تدري بفترة المراجعه اريد ابلش و راح اغيب عنك يعني تقريباً باليوم نحجي ساعه او ساعه ونص بس

جورج : ولايهمك حبيبة روحي انتِ كملي ونجحي وانه بظهرج وسندج و انتِ تكدرين تكملين حبيبتي

نديم : عيوني انتَ روحي انتَ ما انسى وكفتك وياي

جورج : بس درسي وصيري قويه وانه وياج

...............................................................................

نديم ~ اجتهدت وحاولت و وصلت لنهايه المطاف اخر اسبوع قبل الامتحانات وفرحانه يس ماحسبت حساب...

نديم : خلي اخابر جورج صار يومين ماخابرته بس مراسله

📞...

نديم : الو جورج حياتي شلوونڪ

جورج : هلو نديم زين و انتِ

نديم : زينه الامتحانات بعد اسبوع ونخلص ومابقه شي على زواجنا تدري راح يصير النه ٤ سنوات سوه بعد شهرين 🙃✨

جورج : احمم نديم ركزي بدراستك

نديم : شبيك جورج شلقضيه هسه شحجيت

جورج : بس ركزي وبعدين كلشي سهل

نديم : اوكي المهم كلي انتَ شمسوي...

نديم ~ حجينا شوي واحس جورج مو على بعضه بس سكتت

جورج : نديم اريد احجي وياج بموضوع

نديم : اي احجي حبي شبيك احسك مو تــمـام

جورج : ضميري يأنبني ماكدر اضم اكتر مـن هيك

نديم : دخيلك ربي احجي شبيك تخوفني

جورج : نديم انه تدرين بيه شكد احبج واعزج ومابكلبي غيرج و انتِ كل سعادتي

نديم : وكعتتتت كلبي دحجي

جورج : تدري بامي صارت كبيره بالسن عمرها ٤٨ وتحتاج احد وياها يساعدها بالبيت

نديم : اي بعد زواجنا راح اساعدها

جورج : زواجنا يحتاجله مده طويله مين قال اهلك راح يقبلو بيه بعدين انه ماعندي شهاده ماكملت تعليمي و انتِ تعرفين السبب اكيد ماراح يقبلو

نديم : جورج هذا الحجي وكته ؟ انتَ المفروض تعرف هل حجي مـن زمان ورغم هجي ضليت وياي وين تريد توصل

جورج : شوفي نديم انه امي خطبتلي بنت و صارلي اسبوع احكي معها والبنيه حلوه وخلوقه..... يتبع

نديم : شنوووووووووووو....... يتبع