طفلتي ل فاطمه إبراهيم

"طفلتي"
الحلقه التالته

(تدخل مامت حازم علشان تصحيه)
والدة حازم: حازم حازم
حازم: نعم يا ماما
والدة حازم: قوم يلا يا حبيبي علشان تاكل
حازم: حاضر يا ماما
والدة حازم: ومتنساش تكلم ندي علشان اتصلت عليك كتير وانت نايم
حازم: رديتي عليها يا ماما؟!
والدة حازم:ايوه وقولتلها انك بايت طول الليل بره البيت  في الشغل وانك نايم شويه وهخليك لما تصحي تكلمها
حازم:تمام يا ماما هكلمها دلوقتي
(بتخرج مامت حازم من الأوضه ويكلم حازم ندي)
حازم: الوو
ندي: انت لسه فاكرني!
حازم: وأنا أقدر انساكي يعني
ندي: متقوليش كدا انت من امبارح مكلمتنيش وقلقتني عليك ينفع كدا؟!
حازم: لا مينفعش بس برضو والله مش بإيدي عندي مشاكل كتير في الشغل
ندي: خلاص هعذرك المره دي وربنا يعينك يارب
حازم: يارب يا قلبي
ندي: هشوفك امتي بقي
حازم: عازمك بليل علي العشا علشان في حاجات كتير عايزين نتكلم فيها
ندي: حاضر
حازم: طب يلا هقفل انا بقي علشان ماما بتنادي عليا
ندي: خلاص ماشي مع السلامه
حازم: سلام
********************************************************************
(بتدخل سوسن الأوضه علي فريده إلي نايمه جنب تاليا وتصحيها)
سوسن: فريده فريده
فريده: نعم
سوسن: نعم الله عليكي يا حبيبتي قومي يلا
فريده: هي الساعه كام؟!
سوسن: الساعه داخله علي 10 بليل اهي
فريده: يااه انا نمت كل دا ؟!
سوسن: ايوه شوفتي، قومي بقي وجهزي نفسك علشان ننزل الشغل
فريده: طب وهسيب تاليا مع مين؟!
سوسن: معرفش وكل الي اعرفه انك تلبسي وتنزلي معايا دلوقتي عشان نروح الشغل
فريده: طب اطلعلي واقفلي الباب
سوسن: طيب بس جهزي نفسك وبسرعه
(بتخرج سوسن من الأوضه وتسيب فريده مش عارفه هتعمل اي وتكلم فريده نفسها وتقول: هعمل اي دلوقتي وهودي تاليا فين انا مينفعش اخودها معايا المطعم مين هيهتم بيها هناك واصلا صاحب المطعم مش هيرضي يدخلني بيها وانا مينفعش اخسر الشغل دا هو الحاجه الوحيده الي بصرف عليا منها وعلي... نفسي ابطل نفسي زهقت من نفسي وقرفت انا لازم اتغير وابقي حد تاني علي الأقل علشان خاطر تاليا بس انا دلوقتي هعمل اي وهوديها فين!
ايوه انا عرفت انا هوديها فين خلاص.
(تقوم فريده تلبس هدومها وتخرج من باب الأوضه وتروح تفتح باب الشقه)
سوسن: ايدا يا فريده انتي رايحه فين!
فريده: رايحه هودي تاليا عند واحده صحبتي وهروح علي الشغل علي طول ابقي انزلي انتي لوحدك
سوسن:تمام
(بتنزل فريده من شقة سوسن صحبتها الشقه الي جايبنها شركه سوي لأنهم شغالين في نفس المطعم وبيدفعوا ايجارها سوي وتركب تاكسي وتروح علي بيت الهام صاحبة نورا ام تاليا اخت فريده)
_بتخبط فريده علي الباب
الهام: مين؟!
فريده:انا فريده أخت نورا يا الهام
(بتفتح الهام وتستقبل فريده وتاخد تاليا وتدلعها وبعدين تسأل فريده عن نورا)
الهام: هي نورا فين!!
هي سافرت من غير تاليا ازاي؟!
فريده نورا اتوفت يا الهام عملت حادثه علي الطريق وماتت هي وأشرف
(بتتصدم الهام من الخبر وتعيط جامد وتاخد تاليا في حضنها)
فريده: انا بس كل الي عايزاه منك انك تخليها عندك لحد ما اخلص شغل واجي اخدها منك
الهام: حاضر يا حبيبتي في عنيا متقلقيش
فريده:تسلميلي
(وتقوم فريده وتنزل علشان تروح علي المطعم الي هي شغاله فيه ومتتأخرش)
********************************************************************
(حازم في أوضته بيجهز وبيستعد لميعاده مع ندي)
والدة حازم انت خارج يا حبيبي
حازم ايوه يا ماما عازم ندي علي العشا
والدة حازم ايوه ايوه يا عم
حازم انا من زمان مشوفتهاش وهي زعلانه مني جداً فقولت فرصه اننا نتقابل
والدة حازم عندك حق يا حبيبي ربنا يهديكوا لبعض ويسعدكوا اللهم امين
حازم يارب ياماما مش عايزه اي حاجه مني
والدة حازم لا يا حبيبي عايزه سلامتك مع الف سلامه
(بينزل حازم من البيت ويركب عربيته علشان يروح يجيب ندي من البيت ويروحوا للمطعم الي هيتعشوا فيه)
********************************************************************
(قاعد شاب في مكتبه اسمر اللون بملامح جامده كلها شر وبيتكلم في التليفون)
وائل: انا عايزك تعرفلي البت دي ساكنه فين ضروري
سيد: عيب عليك يا وائل بيه بكره كل حاجه عنها تكون عندك بالتفاصيل
وائل: تمام كدا سلام
سيد: سلام يا بيه
(بيقفل وائل التليفون وبيتوعد لفريده وانه لازم ياخد منها البنت يعني لازم ياخدها)

ل/فاطمه ابراهيم

"طفلتي"
الحلقه الرابعه

(حازم تحت بيت ندي بيستناها تنزل وتنزل ندي)
حازم: اي يا ست البنات كل دا؟!
ندي: ههههه انا اسفه والله كنت نازله بدري بس في حاجه عطلتني
حازم: وياتري اي هي الحاجه دي بقي؟!
ندي: ما انا لو قولتلك هتضحك عليا
حازم: لا قولي ومش هزعل
ندي: الأيلينر يا حازم كل ما ارسمه يبوظ مني مش عارفه ليه ما اني دايما برسمه حلو بس ا......
حازم: معلش يا ندي هو اي الأيلينر دا وبترسميه فين!
ندي': الأيلينر يا حازم دا الي فوق عيني الخط دا
حازم: وهو دا الي معطلك يا ندي!
ندي: ايوه طبعا انا خارجه مع حضرت الظابط حازم في موعد غرامي ولازم اكون زي القمر
حازم: انتي زي القمر من غير حاجه طبعاً اومال انا بحبك ليه
ندي: لا بقولك اي انا مش عايزه كلام من دا هتكسف ومش هعرف ارد اطلع بينا يلا
حازم: ههههه، حاضر.
(بيطلع حازم بالعربيه ومعاه ندي ورايحين علي المطعم الي هيتعشوا فيه)
********************************************************************
(فريده بتوصل للمطعم الي هي شغاله فيه وتقابل زميلتها لمياء)
لمياء: ازيك يافريده
فريده: انا كويسه الحمدلله وانتي؟!
لمياء: انا تمام، ادخلي يا فريده للمدير علشان سأل عليكي كذا مره
فريده: اكيد هيقولي علشان التأخير
لمياء: اكيد بس حاولي تراضيه بكلمتين وتسكتيه.
فريده: اراضيه! انا هدخل اشوف في اي؟!
لمياء: تمام
(بتوصل فريده عند باب مكتب المدير وتاخد نفس عميق وتخبط علي الباب)
المدير: ادخل
(تدخل فريده وتقف قدامه كان راجل شكله مريب ومش مظبوط بيبصلها نظرات مخيفه ومركز في عينيها جداً)
فريده: لمياء قالتلي ان حضرتك سألت عليا اكتر من مره
المدير: ايوه اتأخرتي ليه يا فريده
فريده: انا والله يا عادل بيه عندي حالة وفاه وجايه الشغل كمان
المدير: مين؟!
فريده: اختي وجوزها يا عادل بيه
المدير: الله يرحمهم، طب خلاص يا فريده انا هعذرك علشان الظرف الي عندك لكن بعد كدا مالكيش عندي حجج ولا اعذار
فريده: حاضر يا عادل بيه حاضر
(بتخرج فريده من عند المدير وتاخد نفس برضو انها وأخيراً طلعت من مكتبه، وتطلع بره تدخل علي صالة المطعم علشان تشوف طلبات الزباين اي)
********************************************************************
(وائل في مكتبه مع سيد)
وائل: ها عرفتيلي اي؟!
سيد: عرفتلك كل حاجه يا وائل بيه دا انا سيد
وائل: اخلص عرفت اي؟!
سيد: شغاله في مطعم جرسونه وعايشه مع واحده زميلتها في المطعم دا ولمؤخذه يعني ليها في المخدرات
وائل: مخدرات! وأنت عرفت منين؟!
سيد: اقولك
(بيتدي سيد يحكي لوائل علي كل حاجه من ساعة ما شاف سوسن وهي نازله من العماره)
سيد: يا آنسه يا آنسه
سوسن: نعم يا استاذ
سيد: هو انتي سوسن الي عايشه مع فريده
سوسن: ايوه انا بس انت تعرفني مين ولا تعرف فريده منين انت؟!
(يطلع سيد فلوس من جيبه ويديها لفريده ويقولها.....)
سيد: انا من طرف استاذ وائل عم البت بنت اخت فريده وانتي عارفه المشاكل الي كانت ما بينه وبين اخوه بسبب اخت فريده الله يرحمها وانه مكنش موافق علي جوازهم وعايز البت يربيها هو علشان هو عارف ان فريده اكيد مش هتقدر علي تربيتها ولا انتي رايك اي؟!
(بتاخد سوسن الفلوس من سيد وتقوله كل حاجه عن فريده وكمان بتقوله عن المخدرات الي عي بتاخدها والي مش قادره تبطلها)
وائل(بضحكه خبيثه): تمام اوي دا، انا كدا عرفت هعمل اي.

ل/فاطمه ابراهيم

" تفاعل يا جماعه "🌚❤