طفلتي ل فاطمه إبراهيم

"طفلتي"
الحلقه الخامسه

(بيوصل حازم وندي عند باب المطعم وينزل حازم من العربيه ويفتح لندي الباب)
حازم: اتفضلي يا ندي هانم
ندي: ندي هانم مره واحده انا كدا هتغر
حازم: طب وفيها اي يعني لما تتغري ما دا من حقك طبعاً
ندي: هههههه، طب يا سيدي شكرا ويلا بقي عشان ندخل المطعم علشان متحمسه اوي
حازم: يلا
(بياخد حازم خطيبته ندي في ايده ويدخلوا المطعم ويقعدوا في التربيزه الي بيكون حازم حاجزها ليهم)
حازم: اتفضلي
ندي: شكرا
حازم: اي رأيك في المطعم؟!
ندي: هي معقول هتكون حاجه انت مختارها وتبقي واحشه دا كفايه انت مختارني ياعم
حازم: ياعم!
طب أنا بقول نطلب الأكل بقي علشان انتي جعانه صح!
ندي: صح
(بينادي حازم علي بنت من الي شاغلين علشان يطلب منها المينيو وتيجي البنت ويتفاجأ حازم انها فريده)
حازم: فريده!!
فريده: ايدا حازم بيه!
حازم: انتي بتشتغلي هنا؟
فريده: ايوه
ندي: مين دي يا حازم؟!
حازم: هقولك بعدين يا ندي
فريده: اتفضل المينيو يا حازم بيه شويه وهاجي اشوف اختارتوا اي عن اذنكوا)
ندي: مين فريده دي يا حازم
حازم: انا هقولك
(يبتدي حازم يحكي لندي علي قصة فريده والي حصل معاها ومع اختها وجوزها ويخلصلها كل حكاية فريده)
ندى: ايوه ومعرفتش اذا كانت الحادثه دي بفعل فاعل ولا مدبره؟!
حازم: مش عارف يا فريده بس قلبي بيقولي ان فيه حاجه وان الحادثه دي مش قضاء وقدر وان الحادثه دي كان مترتبلها
ندي: ان شاءلله هتوصل للقاتل وفي أسرع وقت وتاخد الترقيه كمان
حازم: يارب يا حبيبتي يارب
(بتيجي فريده علشان تاخد المينيو وتشوف طلبوا اي)
فريده: ها يا حازم بيه قررتوا هتاخدوا اي!
حازم: ايوه يا فريده
(بيقول حازم لفريده علي طلبه هو وندي وبتروح فريده علشان تجيبه)
********************************************************************
(سيد مع وائل في مكتبه)
وائل: بقولك اي انا عايزك تكلم الي اسمها سوسن دي وتقولها اني عايز اقابلها
سيد: حاضر بس ليه؟
وائل: انت هترغي كلمها وخلاص ولا مخدتش رقمها يا فالح
سيد: لا عيب عليك يا وائل بيه اخدته طبعاً
وائل: طب يلا كلمها وقولها اني عايز اشوفها ضروري واديها العنوان
سيد: اعتبره حصل يا وائل بيه
(بيتصل سيد علي سوسن وبيقولها ان وائل عايز يشوفها وضروري وبيديها العنوان وتيجي سوسن)
وائل: اقعدي يا سوسن واقفه ليه
سوسن: قعدت اهو يا بيه خير!
سيد قالي انك عايز تشوفني
وائل: انا عايز تاليا
سوسن: ودي انا اجيبها ازاي؟!
وائل: يعني متعرفيش البت فين!
سوسن: اعرف بس.....
وائل: بس اي دا انتي ليكي 200000 جنيه علشان بس تقولي علي مكان البت
سوسن: 200000جنيه كل دا ليا لوحدي
وائل: طبعاً بس انتي قوليلنا فريده ودت البت فين؟
سوسن: فريده ودت البت عند الهام،الهام صاحبة نورا الله يرحمها علشان عارفه ان محدش هيهتم بيها ويرعاها غيرها بس دا مؤقت يعني في مواعيد شغل فريده بس وهتعدي عليها كل يوم بعد ما تخلص شغل تاخدها
وائل: حلو الكلام دا اوي، تعرفي بقي بيت الهام دا؟!
سوسن: ايوه اعرفه
وائل: حلو اوى الكلام دا حلو اوي
********************************************************************
(فريده بتكلم حد في التليفون)
فريده: علشان خاطري جبلي وانا اول ما اقبض هجبلك والله كل الفلوس الي تحتجها
الشخص: لا ياحبيبتي كان فيه وخلص تجيبي فلوس تاخدي حاجتك سلام يا قطه
********************************************************************
(بتروح سوسن لإلهام)
الهام: مين!
سوسن: انا سوسن
الهام: سوسن مين؟!
سوسن: انا شغاله مع فريده في في المطعم وجيت علشان اخد تاليا
الهام: وفريده ليه مجتش علشان تاخدها؟!
سوسن: فريده عندها شيفت زياده وخافت تتأخر عليكي فبعتتني انا اخد البنت واروح بيها
الهام: طب هكلم فريده اسألها
سوسن: لا لا متكلميهاش، اقصد يعني انها مش هتسمعك لأنها سايبه تليفونه في الشنطه
الهام: خلاص ماشي انا هحبلك تاليا
(تدخل فريده الأوضه وتجيب تاليا لسوسن)
الهام: خلي بالك عليها
سوسن: في عنيا طبعاً
(تاخد سوسن تاليا وتنزل من العمار ويكون سيد واقف تحت بالعربيه مستنيها وتركب ويروحوا لوائل)
وائل: الله عليكي يا سوسن الله
سوسن: اي خدمه يا وائل بيه، بس انا هعمل اي لما فريده تسألني انا وديت البت فين ما هي اكيد الهام هتقولها اني الي اخدتها
وائل: انتي مش هتروحي علي الشقه اصلا
سوسن: اومال هروح فين؟!
وائل: انا هقولك تروحي فين.
............
"طفلتي"
الحلقه السادسه