أشواك الحب)
الحلقه الثالثه
نرمين:انتو تعرفوا بعض؟!
فاطيما:دا الي كنت بحكيلك عنو،دا الي خبطني بالعصير
نرمين:مراد انت عملت كدا؟!
مراد:مكنش قصدي ي أمي،وهي الي كانت مستعجله وبتجري وخبط فيها بدون قصد
فاطيما:هااا،بدون قصد
مراد:أيوه بدون قصد،و....
نرمين:خلاص انتو الإتنين،ادخل ي مراد هتفضل علي الباب كدا
مراد:حاضر ي أمي
(ببدخل مراد البيت تحت نظرات فاطيما الغاضبه)
نرمين:اتفضل ي مراد اقعد ي حبيبي،اقعدي ي فاطيما
مراد وفاطيما(في نفس اللحظه): حااضر
(مراد وفاطيما بيبصوا لبعض بغضب وبيقعدوا)
نرمين:تشرب إيه ي حبيبي؟!
مراد:اي حاجه ي أمي
نرمين:هجبلك عصير المانجا الي بتحبه،وهجبلك ي فاطيما كمان علشان عارفه انك بتحبيه
فاطيما:شكرا
نرمين:العفو ي حبيبتي،عن اذنكوا
(بتمشي نرمين وبتسيب فاطيما ومراد قاين مع بعض)
فاطيما(بغضب):ممكن أسألك سؤال؟!
مراد:اتفضلي
فاطيما:لما حضرتك صاحب النادي،ليه كنت بتقدم الطلبات في النادي زي الجرسون
مراد:انا كنت بعمل كده في لندن،عندي مطعم هناك كنت بنزل اقدم الاكل واتعامل عادي مع الناس،بس اكتشفت ان دا مينفعش هنا
فاطيما:هو فعلاً مينفعش هنا
نرمين قالتلي عنك كتير
مراد:نرمين!!!
فاطيما:أيوه،مستغرب ليه؟!
مراد:اسمها أمي
فاطيما:بس انا اتعودت اقولها ي نرمين
مراد:لما تكون هي الي مربياكي من عمر خمس سنين يبقي لازم تقوليلها ي أمي
فاطيما:تمام
مراد:مش عايز أكون زعلتك،بس انا بحبها لدرجة اني معرفش اشوفها مضايقه،أكيد هي مش مبسوطه انك بتقوليلها نرمين ونفسها تسمع منك ماما
فاطيما:صدقني مش قادره،بعد أمي الله يرحمها مش عارفه اطلع الكلمه دي ولا أقولها و.....
(بتدخل نرمين بالعصير)
نرمين:اتفضلوا العصير
فاطيما:شكرا
مراد:تسلم إيدك
(بتدخل الخادمه وبتقول ل فاطيما)
الخادمه:آنسه عليا عايزاكي علي التليفون ي آنسه فاطيما
فاطيما:تمام روحي وانا جايه وراكي
فاطيما:عن اذنكم هشوف عليا
نرمين:والعصير؟!
فاطيما:هخده معايا
(بتسيب فاطيما مراد ونرمين وبتروح تكلم عليا)
فاطيما:ألو ازيك ي علياا
عليا:تمام الحمدلله،اخبارك؟!
فاطيما:مش كويسه،شوفتي إلي أخوكي عمله فيا
عليا:انا بعتذرلك بالنيابه عنه ي فاطيما متزعليش
فاطيما:متعوده اصلا علي هزاره البايخ
عليا:فاطيما عايزه اقولك حاجه
فاطيما:قولي ي عليا في ايه؟!
عليا:انا مش عارفه أقولك ايه ي فاطيما
فاطيما:في ايه ي عليا ماتتكلمي
عليا:علاء هيخطب ي فاطيما،هيخطب واحده زميلته اسمها ليلي
(بتتصدم فاطيما وبتقع كوباية العصير من إيديها)
عليا:فاطيما انتي كويسه؟!
فاطيما(بصدمه):أيوه ي عليا انا كويسه
عليا:طب ايه الصوت دا
فاطيما:كوبايه واتكسرت،هكلمك بعدين ي عليا،سلام
(بتقفل فاطيما التليفون وهي مصدومه،بيسمع نرمين ومراد صوت الكوبايه فبيجروا علي فاطيما يشوفوا في ايه؟!)
نرمين:فاطيما،في ايه؟! ايه الصوت دا؟!
فاطيما:دي الكوبايه وقعت من إيدي واتكسرت
نرمين:طب انتي كويسه؟!
فاطيما:أيوه
نرمين:مالك ي فاطيما زعلانه ليه كدا،في حاجه؟!
فاطيما:لا لا ابدا مفيش حاجه تعبانه بس وعايزه اطلع أوضتي علشان ارتاح
نرمين:ماشي ي حبيبتي علي راحتك
فاطيما:عن اذنكم
(بتطلع فاطيما أوضتها وهي لازالت مصدومه من الخبر الي سمعتوه،وبترجع نرمين ومراد للمكان الي كانوا قاعدين فيه،بيتكلموا وبيجي والد فاطيما بيسلم علي مراد وبيتعشوا سوي،ثم يستأذن مراد ويمشي)
*********************
(عليا تجلس مع أخيها علاء)
عليا:انا عملت زي ماقولتلي،اتصلت بفاطيما وقولتلها
علاء:برافو عليكي ي عليا
عليا:حرام عليك ي علاء،كنت حاسه بيها من سماعة التليفون قد ايه اضيقت وحزينه
علاء:كان لازم تعرف ي عليا طول عمري بعاملها زيك وعمري ماقولتلها اني بحبها،ومش بستهين بحبها ي عليا والله انا بس عايزها تفوق من الوهم إلي هيا فيه
عليا:ياارب ي علاء،انا هرحلها بكره ان شاء الله اشوفها
علاء:تمام ي عليا،وانا خارج مع صديقي هجيب شوية حاجات نقصاني
عليا:صديقك مين؟!
علاء:مرااد
عليا(بصدمه وفرحه):هو مراد رجع
علاء:ايوه رجع قبلي بيومين،عارفه النادي الي اتقابلنا فيه أول ماجيت هو دا النادي بتاعه
عليا(بصدمه):لامتقولش،دا هو دا نفسه الي دلق العصير علي فاطيما
علاء:هههه،هو مراد كده حتي في المطعم بتاعه الي في لندن،بيحب ينزل ويتعامل مع الناس وكده
عليا(بفرحه ولمعه في عينيها):بس اتغير اوي،انا معرفتوش
علاء:عندك حق هو اتغير فعلاً
(تهمس عليا في نفسها:اتغير وبقت كل حاجه في حلوه،حتي شخصيته)
علاء:بتقولي حاجه ي عليا؟!
عليا:لا لا، انا هدخل انام دلوقتي علشان الحق اصحي بدري أروح لفاطيما
علاء:ماشي ي حبيبتي،تصبحي علي خير
عليا:وأنت من أهل الخير
********************
(بينما نرمين تشاهد التليفزيون وحدها،تأتي إليها الخادمه وتقول...)
الخادمه:ألحقيني ي مدام نرمين
نرمين(بكل خوف):في ايه؟!
الخادمه:أنسه فاطيما منهاره جدا وبتكسر في أوضتها
نرمين:فاطيما!!!!
(تذهب نرمين الي أوضة فاطيماا بكل خوف،وتشوف مالها)
نرمين:فاطيما،فاطيما افتحي
(لا يوجد رد من فاطيما،تفتح نرمين وتدخل وتلاقي فاطيما قاعده علي جنب في الأوضه الي كل حاجه فيها متكسره وفاطيما بتبكي)
نرمين(بكل خوف):فاطيما،مالك مالك؟!
(تنظر لها فاطيما بكل حزن،ثم ترتمي في أحضانها وتقول....)
فاطيما:علاء هيخطب ي نرمين
نرمين:علاء!!! هو جه امتي من السفر؟!
فاطيما:جه النهادره،وجاي من السفر علشان هيخطب،هيخطب زميلته،انا ممكن أموت فيها
نرمين:ايه الهبل الي انتي بتقوليه دا هو ميستهلش كل حبك دا،فاطيما فوقي بقي كل تصرفاته وكلامه كان بيدل انه بيعتبرك زي عليا وانا ياما قولتلك كدا
فاطيما:بس انا بحبه
(بتفضل فاطيما في حضن نرمين لحد ماتهدي خالص وتنام،بتساعدها نرمين انها تقوم من علي الأرض وتطلع للسرير،بتحطها نرمين علي السرير وتحتضنها وتقول....)
نرمين:يارتني اقدر اشيل حبه من قلبك،او احط حبك في قلبه،يارتني اقدر ومشوفش ابدا الدموع في عينيكي والحزن في قلبك ي بنتي.
ل/فاطمه ابراهيم
************************************************(أشواك الحب)
