أشواك الحب
الحلقه الاولي
(في عام ١٨٨٠كانت تعيش فتاه مع والدها وزوجته تسمي فاطيما في قصراً في وسط القاهره،توفيت والدتها وهي لم تتجاوز الخمس سنوات من عمرها،تربيت علي الدادا صالحه،ولكنها اليوم فتاه جميله في العشرين من عمرها تحب المغامره ولا تعرف الخوف)
فاطيما:صباح الخير بَابَا
والدها:صباح الخير ي قلبي،تعالي افطري معايا
فاطميا:شكرا بَابَا بس لازم اروح النادي وهفطر هناك،سلام بَابَا
والدها:سلام ي حبيبتي
(بتمشي فاطيما وبتنزل زوجة والدها من فوق)
نرمين(زوجة والدها):صباح الخير ي معتز
معتز:صباح النور ي قلبي،يلا علشان تفطري
نرمين:حاضر،بس هنادي علي فاطيما الأول
معتز:لا فاطيما مشيت
نرمين:مشيت!!!مشيت راحت فين؟!
معتز:راحت النادي
نرمين:من غير ماتفطر؟!
معتز:قالت هتفطر هناك
نرمين:ما أنت عارف بنتك،مش هتفطر وكل مره بتقول كدا وخلاص
معتز:كفايه بقي ي نرمين،بقالك١٥سنه بتحاولي تبينلها حبك وتاخدي مكان مامتها ومش عارفه،ولا فاطيما متقبله دا
نرمين:انا فعلا بحبها ي معتز ونفسي تفهم انها بنتي،انت عارف ي معتز اني مش بخلف وفاطيما دي هي بنتي وانا بحبها أوي بس هي مش مقدره دا
معتز:حقك عليا أنا هي أكيد هتعرف وهتفهم وهتحبك يمكن أكتر ما أنتي بتحبيها كمان
نرمين:يارب ي معتز،يارب
************************
(فاطيما قاعده في النادي بتستني صاحبتها عليا)
فاطيما:عليا دي دايماً متأخره هبدلها لما تيجي
عليا:عارفه اني اتأخرت بس أسفه
فاطيما:عارفه انا مستنياكي هنا من امتي؟!
عليا:اسفه والله بس انا ايه ذنبي انك كل يوم تيجي بدري علشان مش عايزه تقعدي ولا تفطري مع مرات أبوكي
فاطيما:تمام ي عليا
عليا:فاطيما اسفه لو زعلتك،بس..
فاطيما:الحقيقه مش بتزعل ي عليا هي بس بتوجع
عليا:معلش ي قلبي،بس هو انتي ليه مش بتحبيها مع انها طيبه جدا وباين عليها إنها بتحبك؟!
فاطيما:مش موضوع اني مش بحبها،الموضوع اني مش متقبله واحده تانيه غير مَامَا في حياتي،أي نعم كنت صغيره وكان عندي خمس سنين بس لسه فاكراها وفكره كل حاجه كانت بتعملهالي
(بتبتدي فاطيما تتذكر والدتها وتكاد دموعها ان تنزل ولكن)
عليا:لا وحياتي ي فاطيما مش تعيطي خلاص انا جعانه وعايزه أكل
(بتضحك فاطيما):تمام،عايزه تاكلي ايه؟!
عليا:هشوف المنيو
(عليا وفاطيما بيشوفوا المنيو وبيطلبوا الفطار)
عليا:فاطيما عندي ليكي خبر جميل جدا ي فاطيما
فاطيما:قولي اي حاجه تفرحني
عليا:علاء جااي
فاطيما(بكل دهشه):علاء!!!!انتي بتتكلمي بجد؟!
عليا:طبعاً،جاااي دلوقتي هيفطر معانا قالي مش أقولك بس مقدرتش
فاطيما:انا لازم اظبط نفسي مش لازم يشوفني كدا
عليا:مالك ما أنتي قمر اهو؟!
فاطيما:لا لا تعالي لازم اروح اظبط نفسي
(بتقوم فاطيما من علي التربيزه وهي مستعجله جدا،فبيجي الجرسون وهي واقفه وبيخبطوا في بعض وبيقع كل العصير علي هدوم فاطيما)
فاطيما(بكل غضب):ايه الي انت عملته دا،انت اعمي؟!
الجرسون(مراد):آسف حضرتك بس انتي....
فاطيما:آسف،اعمل ايه بآسف بتاعتك
مراد:انا اتأسفت من حضرتك،وبعدين حضرتك الي ماشيه ومستعجله وانتي الي خبطي فيا
فاطيما:انت كمان بترد،انت قليل الأدب
مراد:احترمي نفسك ي آنسه و....
محمود:في ايه ي مراد بيه؟!
فاطيما وعليا:مراد بيه!!!
محمود:ايوه مراد بيه صاحب النادي،لسه جاي من لندن
مراد:امسك ي محمود الحاجات دي،ايه القرف دا
محمود:اسف ي مراد بيه معلش
(بيمشي مراد وهو مضايق وبيسيب عليا وفاطيما مصدومين)
عليا:مش صاحب النادي،مصطفي بيه اللبان؟!
محمود:ايوه ودا ابنه لسه راجع من لندن وهو الي هيمسكه مكانه،بس هو مش بيحب قاعدة المكتب وكده وبينزل يشتغل زينا
عليا:تمام،روح انت
محمود:حاضر ي فندم
فاطيما:انا هعمل ايه دلوقتي،علاء هيجي دلوقتي مينفعش يشوفني كدا
عليا:تعالي هنركب الأوتونبيل بتاعك ونروح علي البيت بسرعه
فاطيما:تمام،يلا
عليا:يلا،.....فاطيما الحقي علاء جه
فاطيما:علاء!!!!!!
ل/فاطمه ابراهيم
