أشواك الحب
الحلقة التاسعة (الاخيرة )
نرمين : فاطيما ، فاطيما قومي بقي يا كسولة .
فاطيما : في اي ؟!
نرمين : في حد يوم عيد ميلاده ينام النوم دا كله ، قومي يا بنتي .
فاطيما : عيد ميلادي !! ، تصدقي انا ناسية
نرمين : بس انا فاكرة علشان دا اليوم اللي اتولدت فيه بنتي حبيبتي ، اللي بحبها من وهي في اللفة ، اللي ربيتها طول عمري وبحلم اشوفها عروسة .
فاطيما : بجد مش عارفة اقولك اي
نرمين : قوليلي يا ماما من زمان وانا نفسي اسمعها منك يا فاطيما .
فاطيما : حاضر يا ماما
نرمين : انتي قولتي اييي !! بجد اللي انا سمعته دا !!
فاطيما : بجد يا ماما
(بتضحك نرمين وعيونها بتدمع وبتحضن فاطيما)
نرمين : خلاص كفاية كدا عياط لحد كده قومي بقي اجهزي ، وانا هنزل اظبط الحفلة
فاطيما : حاضر
( بتقوم نرمين تجهز للحفلة وبتجهز فاطيما وتنزل علي تحت واول ماتنزل سمعت جرس الباب وراحت تفتح)
مراد : كل سنة وانتي طيبة
فاطيما : مراد وانت طيب
مراد : اي القمر دا !
فاطيما(بكسوف):اي اللي انت بتقوله دا عيب كدا احترم نفسك
(بتلف فاطيما علشان تمشي ولكن مراد بيمسك ايديها )
مراد : استني بس رايحة فين ! ، مكنش قصدي حاجه قصدي انك حلوة يعني وكدا
فاطيما : شكراً
مراد : عفواً ، قوليلي نرمين فين ؟!
فاطيما : قصدك ماما
مراد : ماما ! ودا من امتي ؟!
فاطيما : من النهاردة الصبح
مراد : فاطيما متعرفيش انتي فرحتيني قد اي بالكلام دا !
فاطيما : انا اللي فرحانه وفرحانه جداً كمان
مراد : دايماً يارب ، بس لسه هتفرحي اكتر لما تشوفي هديتي ليكي .
فاطيما : هدية اي ؟!
مراد : بس كمان شوية وهتعرفي
فاطيما : تمام ، انا مستنية .
مراد : ماشي
**************
علاء : ليلي انا فكرت زي ما قولتي لكن مش هينفع
ليلي : خلاص ياعلاء كدا كل واحد فينا يروح لحالوا ونسيب بعض .
علاء : بس انا بحبك يا ليلي .
ليلي : هههههه ، بتحبني يبقي تعمل اللي انا عايزاااه ، مش تفضل أهلك عليا ، سلام يا علاء
****************
( الليل جه وعيد ميلاد فاطيما ابتدي ، كلهم في العيد ميلاد فاطيما ومراد وعليا وعلاء كمان )
علاء : كل سنة وانتي طيبة يا فاطيما
فاطيما : وانت طيب
علاء : فاطيما كنت عايز اتكلم معاكي شوية
فاطيما : اتفضل !
علاء : انا اسف يا فاطيما
فاطيما : علي اي !؟
علاء : انا عارف انك بتحبيني بس انا حبي لليلي عماني عن كل حاجه ، انا سبتها اكتشفت انها انسانه مش كويسة و.........
فاطيما : طيب وانا مالي بكل دا يا علاء دي حياتك الخاصة وانا ماليش دخل بيها وانا كنت معجبة بيك مش بحبك لاني لو كنت بجد بحبك مكنتش هقدر انساك ، ولكني نسيتك يا علاء ، انت قولت اننا اخوات وانا اكتشفت دا وعرفته ولكن متأخر شوية ، ربنا يرزقك بواحدة تحبك ومتكنش طماعة زي ليلي ، انت أخويا وانا أتمنالك كل الخير
علاء ( في صدمة ) : عندك حق يا فاطيما وشكراً علي تفهمك .
فاطيما : دا واجب عليا ، عن اذنك
علاء : اتفضلي .
****************
مراد : فاطيما انتي فين بدور عليكي
فاطيما : خير يا مراد في اي ؟!
مراد : تعالي معايا
فاطيما : منين ؟!
( مراد خد فاطيما من ايديها وبيروحوا علي الجذنبية )
فاطيما : في اي يا مراد فهمني بس ؟!
مراد : جبتلك الهدية بتاعتك
فاطيما : بجد هي فين؟؟
مراد : اللي تحت الشال ، روحي شيلي الشال وشوفيها
( بتروح فاطيما وبتشيل الشال وبتتفاجئ بصورة مرسومة ليها هي ومراد بيلبسها الخاتم )
بتبص فاطيما في الصورة شوية كتير وبعدين بتبص جنبها بتلاقي مراد راكع جنبها وبيقول
مراد : فاطيما تتجوزيني ؟!
فاطيما : (في ذهول) مراد انت......
مراد : انا بحبك ومن اول يوم شفتك فيه
( بتبص فاطيما حواليها وبتتفاجئ بكل الناس حواليها فرحانه باللي بيحصل ماعدا صاحبتها عليا واقفة وعنيها مدمعة )
فاطيما : مراد انا ......
مراد : علشان خاطري مترفضنيش
فاطيما : انا موافقة
(مراد بيقوم ويلبسها الخاتم وبيكون فرحان وكله فرحان باللي بيحصل )
فاطيما : مراد عن اذنك
مراد : رايحة فين ؟!
فاطيما : دقيقة وجاية
مراد : تمام ، متتآخريش عليا
فاطيما : حاضر
( بتروح فاطيما لصاحبتها عليا الي طلعت تجري من وسط الناس وقت ما كان مراد بيلبس فاطيما الخاتم )
فاطيما : عليا عليا
عليا (وهي بتمسح دموعها) : نعم يا فاطيما
فاطيما : انا اسفة يا عليا انتي عارفة انا مريت بإية في حياتي لحد ما لاقيت الحب الحقيقي و.....
عليا : بس يا فاطيما متتأسفيش ، مراد عمره ما حبني حتي لو كنتي رفضتي مكنش هيغير حاجه ومكنش هيجي بردو ، ربنا يوفقكوا ويباركلكوا ، مع السلامة يا فاطيما
فاطيما : عليا انتي رايحة فين ؟!
عليا : انا لازم ابعد يا فاطيما لازم
( بتسيب عليا صديقتها فاطيما وبتبعد للابد )
****************
(الخاتمة)
فاطيما كسبت مراد وكسبت حب حقيقي ، حب عوضها عن حب علاء اللي جرحها وعن كل حاجه واحشة شافتها في حياتها ، ولكنها خسرت صاحبة عمرها ، خسرت عليا
فعلاً الحب أشواك ، الحب أشواك وبتأذينا وعشان نوصل للورد لازم نتأذي من شوكه ولازم نضحي كتير .
النهاية
أشواك الحب
بقلـم / فاطمة إبراهيـم
(مستنيه رائيكم♥️)
