الضابط الغيور والعنيدة

البارت العاشر

متابعة ممتعة ❤

**
آلـنآس بـس تٍـحًـجُيِ بـحًـلّاَْتٍگٍ ❣️
واَْنَـيِ گٍــاَْتٍــلّنَيِ اَْاَْلّــسـگٍـوتٍ ✨💔
لّـو ردتٍ اَْحًــجُـيِ بـحًلّاَْتٍــگٍ 🌚🤞
يِـصِـعــد اَْلّــسـگٍر واَْمٌـــوتٍ 😳🙈

*
*
*

زاهر : ياسر شنوو ؟!...وين هو هسة ؟!

المتصل : البقية بحياتكم الضابط ياسر استشهد و حتوصل جثته الكم اليوم بموكب يليق بي

فتح عيونه مصدوم وممصدك وضل يكول : لا لتكولها فدوة ..كلي هو متصوب بس ...كلي مجروح ...مفقود اي شيء ...بس ميت لا ..
مجاوبة وكع المبايل من ايده وخله ايده على عيونه وصاح : لا...اخويه ...
واحنه كمنا كلنا رأسآ خايفات ونريد نتأكد

ام ياسر : زاهر ..ياسر شبيه ..زاهر كلي مبيه شيء ..كلي هو راجع ..كلييي ..
ضل يبجي ومجاوبها بشيء ..نزلت دموعها وصرخت : لا ..ياسرر ..ابني ..
حضنها زاهر بسرعة وضل يبجي ويحاول يهديها وهي تصرخ وادك على صدرها ..وغيداء ونبأ يبجن ويصيحن واني ضليت مصدومة
يعني هو صدك مات ..وبعد ميرجع ..هو مات هيج بهالسرعة هاي ..وبعد مشوفه
معرفت اذا بهالوقت لازم افرح لو ابجي ..جان كلبي مقسوم نصين ..دموعي تنزل بدون ما احس واكو حسرة بكلبي ما عرفت شنو سببها

كلشي صار بسرعة ..ووصلت جثته وغسلوا لفوه التابوت بالعلم العراقي وجابوه النا نودعه ..كعدوا يمه وضلوا يودعونه ويبجوون
اني ضليت اباوع عليه وحسيت بحزن مو طبيعي ليش اني كارهته واريد اخلص منه بأسرع وقت
هسة اني حرة وحترجع حياتي مثل قبل بدونه هو وبدون آوامره وتحكمه بيه
لعد ليش ابجي ..وليش حاسة كلبي وجعني ليش اريد احضنه مثلهم واودعه واكله ياريت لو ضليت وياي اكثر
وبدون ما احس على نفسي تحركت بخطواتي لتابوته حتى اكعد وياهم واحجي وياه
فجئة أنلزمت ايدي حيل وانجريت ليورا
ألتفتت وشفته بابا ...
كال وهو مبتسم : وين عسولة ..انتهى كولشي هسة وانتي حترجعين وياي ..انتي ادللتي هواي وهسة لازم اربيج من جديد ..لأن جنتي ماشية وياه على حل شعرج ولهلشيء ممنوع عندي
سحبني وياه بالقوة واني عيني على تابوته واريد اصيح عليه ..اريد اصرخ بأسمه واكله يرجع ..بس صوتي مضل يطلع ..واختنكت ..حاولت اتنفس اختفى الهوا ومضليت اشوف او احس بأي شيء ثاني

فتحت عيوني مصدومة وخايفة وكوة اجر النفس هو شنو الي ديصير ؟!
تلفتت من كل الجهات لكيت نفسي بغرفتي وعلى جربايتي ..لعد والي صار قبل شوية شنو ؟!
يعني همة مخلوا بابا ياخذني ..لو اني جنت حلمانه
كمت بسرعة وجسمي كله يرجف ..تحركت بهدوء وصلت للباب..فتحته وتلفتت للصالة مشفت اي احد ولا حتى ريام وهمام
شنو معنى هالشيء ..يعني الي شفته حقيقة ومو حلم وهمة هسة بالدفن ؟!

نزلت بسرعة ورحت لغرفة خالة واني كلبي يرجف ودموعي تنزل وحدها ..دخلت ولكيتهم موجودين بالغرفة ..تفاجأت ..نفس الحلم بالضبط ..شديصير ؟!
كلت بسرعة وخوف واني اتمنى ما اسمع الي سمعته بالحلم : وينه ... ياسر ..