الضابط الغيور والعنيدة

البارت 11

#الضابط_الغيور_والعنيدة

#الكاتبة_نسرين_الاسدي

يگول: -
ساعـتهآ سكـتت مــآ حـچت !
   گتـلها وينـچ دنگـت
ضحـكت وقصـتنآ أبتـدت
ثـاريني تـآرس بـالهآ 💜.

*
*
*

ياسر : بعدت عني على كيف ورجعت خطوتين ..كعدت على القنفة وكلت : أكدر اعرف شنو سبب خوفج من صوت الرعيد ؟!

كالت وهي تفرك بأديها : لا ..بس حادثة صارتلي واني صغيرة وخلتني اخاف منه ..ومن يوم المطر القوي

ياسر : انزين ولمن جنتي ابيتكم وتخافين تحضينين منو ؟!....ابوج ؟!

تمشت كعدت على طرف الجرباية وكالت : لا ..هو مجان يحضني لمن اخاف ..مرة صارت واني بعدني صغيرة بالعشر سنين ..ونزلت اركض دكيت عليه الباب واتوسلته يطلعلي لأن خايفة وكلبي جان يرجف مو بس جسمي
وهو جان مخمور ولا سمعني ولا رد عليه ..وبعد مدكيت هواي ..صاح بيه اروح لغرفتي قبل لا يضربني ويعاقبني لأن كعدته واضطريت ادخل جوة جربايتي وادعي يخلص المطر بسرعة وتروح الرعيدة

اتنفرزت كولش من ابوها ..كلت : ابوج ميستاهل حتى كلمة بابا ..مجرد عار

عسل : لا هو مجان هيج..ماما هي السبب لأن تركته وخلته يتغير ويصير أنسان ثاني ..مو بس بهاي مساعدني ..حتى بالمدرسة ولا يوم اجه بجتماع أولياء الأمور
دايمآ يتصلون بيه ويطلعلهم أعذار وآخر فترة ضل يكلي اطلعله عذر قبل ليتصلون بيه واذا يوم مسويتها جان يعاقبني ويضربني ..وحتى طلع كذبة اني ميته حتى ميسألون عنها

شفتها الدموع لمعت بعيونها ونبرته صارت حزينه كمت اتقربت عليها وكلت : عسل ..
رفعت عيونها ألي وسحرتني هالنضرة نستني حتى الي ردت احجيه
كالت : اني آسفة ..انته كلامك صحيح وأني مجان لازم اكول الي كلته الصبح
كعدت يمها وكلت : لا عسولة. .انتي الي كلامج صح ولهلسبب اني اليوم ردت اعوضج وجبتلج كل هاي الأغراض وانتي اختاري الي تحبين تلبسينه..خلينا ننسى الي صار قبل ..هممم..

كالت : مستحيل أنسى ..ياسر ..ليش انته ناسي اي شيء صاير وياك ومأثر بيك مخلي آثر جبير بكلبك ؟!

أبتسمت وكلت : عسولة ..انتي منتضرة يوم طلاقنه صح ؟!
بس بنفس الوقت احنه لازم انطول اكثر ونعيش مثل المزوجين كدام الكل ..لعد شرايج احنه نصير
اصدقاء..خلال هالفترة ؟!

عسل : ماشي ..نصير اصدقاء

ياسر : حلو ..مادام احنه اصدقاء هسة ..لعد اسمعي اني مقرر ازوج

فتحت عينها مصدومة وكالت : شنووو ؟!...تزوج ؟!

ياسر : اكيد ازوج..اني هسة عاقد صفقة وممزوج بس ضروري ازوج واشوف اطفالي ..لأن العمر يمشي هالمرة نجيت من الموت. .بس المرة الجاية احتمال لا ..
على الأقل ايصير عندي طفل يواسي امي بغيابي