بيوتات اهلنة

البيت الثامن عشر

#بيوتات_اهلنة بقلم قمر الزمان 💋💋

( البيت الثامن عشر )

لابسة ومبدله بس الصخونه فووووول بعمري بحياتي مصايرة بيه هيج فلاونزة بحيث رجليه ماكدر احركهن قبل يوم ابويه جابلي اوراق من شجرة قلم الطوز وسوالي حمام بخاري

فور جدر بي ماء وخلا يغلي وغطه راسي بالحاف وكلي استنشقي البخار هسة ترتاحين وجابلي علاج من الصيدليه نوعاً ما كدرت اكعد ولا اني صرت جنازة ماكدر احرك ايد ولا رجل

مبين العريس رجله خضرة عليه

كتلهم ماكدر اعفوني محد سمعلي خلصوهة عليه عيب وعيب وزحمة الى ان صار العصر ودخلو اهلة بس عبالك فرقه مو اهلة كوم ناس جايين ههههه

اني قبل ليوصلون بيه ما بيه صعدت للسطح كلت اشوفه اول وحدة من ينزل من السيارة حته اذا يعجبني اشد حيلي وصحصح لا والله ماعجبني اسحل روحي سحل ودخل عليهم سحلاً عسى من يمهم يبطلون

ههههههه خوش فكرة مووو

المهم والله واكفة وكل ظنهم اهلي اني بالغرفة الفوك نايمة عود من يجون يصيحولي

طبكت السيارات 3 كدام بابنه ونزلو مجموعه رياجيل ونسوان من بينهم ولد شاب والباقين كبار بالعمر عرفته هوة العريس كشت خلقتي شو جنه مو حلو لما ادقق بي

😱😱 اكرع ماعدة شعر من فوك راسة

ملابسه مرتبه 😊

جسمة 😉

شكلة ☹️☹️

ماقتنعت اسمعهم يصيحون وينهة شو مو بالغرفة نزلت من السطح تلكاني اخوية واختي ندى كالو تعالي فوتي سلمي

مافوت وما انزل ولحد يصيحني

هااااااا شبيج لعد الناس المن جايين غير يشوفوج وتشوفينه

شفته وماعجبني

منين شفتي توهم طبو

الله يخليك الله يخليك شفته وما عجبني الله يخليك لا تجبرني ادخل

لج بابا عييييب ترة اسحلج سحل والله بس سلمي وطلعي عيب
تعالي ندى شوفي حل وياها

ما ما ما ما ما ادخل ما ادخل اكرع اكرع ما ما

لج اميله اكرع وين شفتي

شفته شفته من فوك السطح شفته

يعني واذا اكرع اني مو اكرع مناا

لالا انته عندك شعر بس كصتك عريضه هوة اكرع ماعدة شعر

حبيبتي امينه كلشي منريد منج تعالي سلمي وهاي هية وراها طلعي ترفضين توافقين كيفج بس نزلي ترة عمتي وكرايبه كلهم كاعدين حبابه لتفشلينه يالله شو ايدج اني وياج ندخل يالله

😭😭 جرتني من ايدي ودخلت مدنكة ما رفعت راسي منا مريضه منا نصدمت العريس مو مثل ما توقعت زين حته ماكدر ارفع راسي وباوع علي هالكد ناس جايه بعدين عرفت الي جايين ابوه وعمامة واخوه وعمته وخالته وامه واخته