بيوتات اهلنة

البيت الخامس عشر

#بيوتات_اهلنة  بقلم قمر الزمان 💋💋

( البيت الخامس عشر ) بقلم قمر الزمان

كثر الدك يفك الحيم

وكثر ما ودو وجابو حجي كمت بس اريد اخلص من هاي الخطوبه الي متوقفه مع وقف التنفيذ وغياب خالد  زاد الوضع سوء
وبعض المواقف الي كانت عامل مساعد على خراب هذا الزواج

بيومه ابويه وامي اخذو النيشان وراحو  الاهلة حته يفسخون واني بقيت كاعدة بالانتظار ورا ساعات  رجعو والنيشان وياهم واني تخبلت ليش رجعو ليش ما فسختو ابويه وضحلي الي صار

بابا اطي مجال نفهمج احنه رحنه على بيت اخو
واخو من سمع الولد ما قبل وكال شنو فسخ شنو نيشان يرجع ماكو هيج  شي احنه مدا نلعب وحنه ترة شاريكم عمي وذا عالاشكال الصار فاني من باجر اجيبه واجي ونحل المساله شنو هية كوترة  احنه خطبنه منكم ونتو نطيتونه وتناسبنه ومال نعوفكم متصير ولا تصير

هوة ابنك بعتبار واريدك انته تلتزم بي وترة اكو من يريد يخرب  وهذا الحجي اني ما ارضه بي

وذا ابنكم ميريد بتنه وهلي طافر صارله شهور

شنو ميريدهة هوة غير كتل روحه عليهة عمي كول يا الله  البنيه ما طلعت منه العيبه وهذا الطراطيش الحجي اني اعرف شلون اوكفه بس الي اريدة منك من اشوفه اعتبرة ابنك وغلطان وجر اذنه وفهمة غلطه يعني اذا ما اجة معناه ميريدهة  لا عمي ترة متوهمين انتو تردون ادز علي هسة وكدامك العب بي جوله

لا يابه الزواج مو اكراه يجوز بتنه متناسبه
لان الفقير بهذا وكتنه  ينوكل وبتنه ذابته عليك يا الله ترة مو بس هوة واصله حجي حته احنه يوصلنه اشكال بس نكول ما نشيل خطيته الولد وحنه عاشرنا وعرفنا اني خالد احترمه وقدرة بس مو معناه شامر البنيه هاي صار شهور غير معناه ميريد يتمم الزواج

لا عمي لا غلطان لا شامرهة ولا شي سوء تفاهم وهوة  ابتعد  السبب لتحكمون علي صح غلط بس اني انطي الحق ومع ذلك ميكون خاطرك غير طيب عمي رجع حلقه البنيه وخالد جايكم ونصافي النفوس ان شاء الله

هاا بابا شكلتي هذا حجي اخو وهم مرت اخو  شون بنيه حبابه والله ما طلعت منهم كلمه باطله وعلى كولتهم عدة سبب  خل يجي ونشوف

وذا ما اجة وظليت معلكة

لا بابا ماكو شي يبقه على حاله لا بد ما تنتهي هاي المهزله بس الي اريدة منج لتنطين اذنج الهاي وذيج ترة يردون يخربون بابا حته اختج لتسمعين منهة

بابا هية غير تسمع حجي منهم وتجي تحجيلي

باباتي صيري حكيمه اختج منين تسمع غير من عيالهة وعيالهة يجوز يردون يخربون يا بنتي صبري وربج ميعوفج

وبيومة حتة امي سكتت وكالت نصبر

ومرة فترة لاخ وصادف عيال اختي عزمونه على العشة واهلي كولهم راد يرحون زين اني خوما ابقه وحدي رحت وياهم ومن تعيس حظي احنه من طلعنه خالد واهلة جايين  🤦‍♀️  يعني ماعرف ليش الظروف كلة ضدي صار شكد انتضر وبيوم الي اطلع هوة يجي استغفر الله ربي