#بيوتات_اهلنة بقلم قمر الزمان 💋💋
( البيت السابع عشر )
ممكن الاحلام تتحقق
يمكن نادرة هذي الحاله اني عن نفسي ما صايرة ويايه ابداً
بس حلم يتحقق بحذافيرة وتفاصيله هذي نادرة
وصارت
اكولج امينه البارحة حلمت حلم والله العظيم كعدت تعبانه كلش انتي تعرفين بالاحلام
اكذب عليج ماهالكد بس مرات اعرف شنو حلمتي
بالحلم شفت نفسي مخطوبه وكاعدة بالحفلة مال خطوبتي وخطيبي كاعد يمي
فأباوع علي واكول هذا مو عبدالله اني خطيبي عبدالله
جان فجأه تنفتح الباب مال الخطار كولهة الطلاكتين ودخل عبدالله شايل بيدة صينيه مال العشة للمعازيم واباوع علي ولا باوع بوجهي
شنو معناه شو گلبي نقبض
اكولج اشو اني مرات من احلم واسولف الامي الحلم تكولي حلمج يصير بالعكس
فأنتي يجوز حلمج بالعكس وعبدالله نصيبج وتنخطبين الة
الله يسمع منج هوة شوكت ينزل مجاز
ما ادري اني ما احسب اله بس امي تحسبله تردين اسألهة
لا وعليش اهو هوة اول ما ينزل يجي علينه مباشر
هذي بنت عمي تحب اخوية واخوية يحبهة وناوي يخطبهة هوة عسكري طبعاً شي اكيد عسكري ليش هوة اكو شاب بالعراق مو عسكري
المهم فهية مرة من المرات صارحتني بعلاقتهم ولوما هية تحجيلي فلا ادري لان اخوية ولا مبين علي عاد منتضرين اني وياها شوكت يحجي ويخطبهة
بيت عمي دوم عدنه واحنه دوم عدهم ابويه ميفارگهم فمن يجونه ينفردون اخويه وبنت عمي ويسولفون بس محد يدري بيهم وكانت عدهم احلام
ههههههههه خل احجيلكم دگة مرة سواها اخوية ولا انساها ودوم ادعيله الله يغفرله على عملته ههههههه
فد مرة اني واكفه بالمطبخ اشوف عبدالله نزل يركض من السطح ودخل بغرفة ابويه وامي وحاط جوة قميصه فد شي يتحرك
اني بعد وفضوليه دخلت ورا للغرفه شفته حط فد شي بالكومدي الزغير مال الجربايه اجيت علي كتله
شضميت
كلي معليج امشي روحي
كتله اذا متكول هسة احجي وكلهة الامي مدري شمسوي عمله
هههههه گلي امشي ولي اذا حجيتي اطيح حظج
هذا اخوية شويه من نوع مشاغب ومتعب وافكارة شقلوبيه مو مثل اخوتي الكبار المهم كتله لعد كولي شضميت
دجاجة
شنو
دجاجة
هاااا
وعلا وطاك الحاااه دجاجة متعرفين للدجاجة
دجاجة وظامهة بالكومدي منين جبتهة وليش ظامهة
أنت تقرأ
بيوتات اهلنة
Romanceمابين الماضي والحاضر هناك قصص مختلفة لها ابواب مغلقه نفتح هذه الابواب لنجد ما بداخلهة حكايات وحكايات تقصها لكم قمر الزمان في بيوتات اهلنة
