بسم الله..
شلون نكون متصالحين ويه نفسنه نضيفين ونقيين من الداخل؟!
اولا علمود نحس بالنقاء الداخلي لازم نقترب من الله سبحانه وتعالى..
{تره جاي اسمع كلمة اهوووو🌚}..
اعرف اكو هواي منكم ما ملتزم بالصلاة والعبادة وبعيد كل البعد عن الله تعالى..
شوفوا اذا انتو ما ملتزمين بالصلاة ابدو خطوة خطوة..
لان حتى الله سبحانه وتعالى اول ما أنزل الوحي على النبي (صلى الله عليه وسلم)ما فرض الصلاة راسا..
لا فرفضها بليلة الإسراء والمعراج قبل الهجرة بسنه ونص..
لذلك انتو هم اول شي عودوا السانكم على الاستغفار والدعاء والصلاه على الرسول..
بعدين وره فترة حاولوا تسمعون قران وانتو تشتغلون ولو مره باليوم..
بعدين وره فترة أبدوا حطوا منبهه لمواعيد الصلاة أو نزلوا برنامج هو يذكركم بالصلاة وسوا الكم ركن بالبيت حطوا بي السجادة والقران والسبحة واذا تصلون على تربة هم حطوها..
وخلوا بس للصلاة، واول ما يدك المنبهه كوموا توضوا وصلوا راسا لان اذا تاخرتوا شوية راح تلتهون ويضيع عليكم الوقت ويروح وقت الصلاة..
لازم اذا نريد نكون نقيين من الداخل لازم نتقرب من الله..
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
خلصتوا أول خطوة نجي للي وراها..
اتخلص من كل الكره والحقد والغل الي بداخلي..
شوفوا الي نكرهه ليش نخلي كره بگلبنه؟!
اشو احسن شي نطلعه من گلبنه لا نحبنه ولا نكره ولا كأنو موجود..
مثلا اذا عندج صديقة تكريها لا تفكرين انتي شكد تكريها ولا تضلين تحجين عليها وتشلين غيبتها وتأخذ من حسناتج لا عوفيها بحالها وخليج بحالج..
ونفس الحالة اذا عندج بنت عم أو خال ما تحبيها..
{مع العلم اني ضد كره الأهل مهما وصلت بينكم المشاكل تضلون من نفس الدم والشحم واللحم وعمره الظفر ما يطلع من اللحم}
فثاني خطوة علمود انضف نفسنه من الداخل هي نتخلص من كل الكره لان هذا الشي راح يعكس على وجهج صدكيني اذا جنتي انسانه ما شايله كره على أحد كل العالم حتكول حبابه ومحبوبه،والعكس اذا جنتي شايله حقد صدكيني يبين♥
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
هسه الي بعدوا..
وهي فكرتي بيوم من تباوعين على روحج بالمراية شنو اول كلمة تكوليها لنفسج؟!
إن كانت إيجابية أو سلبية؟!
اذا كانت إيجابية فهذا شي چثيرر حلو بس اذا كانت سلبية يا ترى شلون نحل المشكلة؟!
تعالوا اكول الكم..
عيونج تشوفين بيها مو؟!
:اي..
لعد الحمدلله♥.
حلگج تحجين بي طبيعي وما بي اي مشكلة ولا اعوچ؟!
:اي ما بي شي..
لعد ليش زعلانة كولي الحمدلله ♥.
خشمج طبيعي وتتنفسين منه؟!
:اي شبيج لعد شلون عايشة!
لعد يمعودة گولي الحمدلله..
ماكو شي اسمه مثالية..
اريدكم اسئلكم بالله عليكم منو الي حط مواصفات الجمال؟!
ما تعرفوا مو ادري لان هو اصلا ماكو شخص حط مواصفات الجمال..
الي هي:خشم صغير،عيون كبار،حلك كبير،بشرة بيضاء،شعر ناعم وطويل،طول ١٦٥، والوزن ٥٥ والبطن لازكه بالظهر!!!
منو كال الكم هو هذا الجمال؟!
لا تسمحون لاي شخص مهما كان انو يقيم شكلكم والله لو خشمج ضغير جان طلعتي احلى..
لو شوية بيضة جان صرتي تخبلين..
لو اطول ب ٥سم متر جان خوش..
لا اني وانتي حلوين بكل عيوبنه ومحاسنه الي يحبني خل يحبني كلي بحسانتي ومساوئي..
ما اريده يحبني وكت الجمال ومن يروح يتلاشى الحب..
لااا!!
الدائم متكون من الزائل.
ماكو شي دايم وماكو شي كامل..
بس الكامل هو الله لان الكمال لله♥.
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
بالنهاية اريد اكول الكم تصالحوا ويه نفسكم وحبوها لان كل البشر حلوة صدكوني ماكو انسان احلى من انسان كل شخص عنده جماله الخاص وشي يميزة مثلا خشمج متحبي بس عيونج وحلگج حلوات..
او عيونج ما تحبيها بس بشره صافية وجسمج حلو والعكس صحيح..
لا تخلون الوادم تأثر عليكم والي فايت وطاب يتنمر لا خلوا عدكم ثقة بحالكم وتصالحوا وياها♥
وطبعا الثقة بالنفس راح اسوي الها بارت وحدها مفصل😃
ولهنا نكون خلصنه اول فقرة انتظروني بأذن الله عگب باجر بالفقرة الي بعدها🌚♥
كتبولي هنا حبيتوا طريقة السرد👈
اكمل لو اوقف👈
احبكم چثيرررر والتقيكم بخير وسلامه يارب ♥
#الكاتبة: إيلاف إبراهيم
أنت تقرأ
سالوفات إيلاف..♥
Randomاي حاجة تخطر على بالكم حتكون موجودة بكتاب{سالوفات إيلاف} عناية،نصائح،سوالف ما تخلص،حل مشاكل،مواقفي اليوميه،موعد التنزيل للبارتات،تصميم،تنسيقات،لعب،فرفشة،وناسة،تنمية ذاتية،تجاربي،... الخ
