سالوفات إيلاف..♥

التنمر 💔

هلا والله..

بهذا البارت راح احجي الكم عن تجربتي الشخصيه ويه التنمر 🌚💔
اي انسان طبيعي يتعرض للتنمر إن كان بقصد او بدون قصد..
لكن اكو ناس ما تفرق بين التنمر والشقة(المزح)..
شوفوا هو التنمر اكثر جان يصير بين الأطفال بالمدرسة،بالشارع..الخ
وهو انو طفل او مجموعه اطفال يتنمرون على طفل آخر..
يكومون يزعجونه،او يضربوا،او مايخلوا يعلب وياهم..الخ
تعرفون ليش جان يصير عند الأطفال أكثر شي؟!
لان الاطفال متعرف تفكر ومتعرف اذا هل الشي راح يأذي المقابل لو لا لذلك جانوا هيج..
أما هسه ما شاء الله كلها صايرة تتنمر يمكن كلها ما ظال عدها عقل تفكر بي😃💔
والتمنر اله عده اشكال:
١-جاي تمشي بأمان الله واجه أحد چرك من ملابسك من دون سبب أو من شعرك وانته ما مسوي اله شي ومن يشوفك تتأذه يضحك عليك.
٢-الضرب هم من دون سبب هذا يعتبر تنمر.
٣-السخرية أو انو أطلق على الشخص مصطلحات تضحك واخلي العالم تضحك عليه.
٤-محاوله التحرش على من هم اضعف منك قوة مثلا رجل يتحرش ببنت لو رجل يتحرش بطفل.
٥-العنصرية بين المذاهب،او العنصرية بين الجنسية،او العنصرية بين الجنسين إن كان ذكر،او انثى،او العنصرية في اختلاف لون البشرة.
كل نوع من أنواع العنصرية يعتبر تنمر.
٦-تخريب حاجات الآخرين...مثلا اني اشوف عند اختي أو صديقتي موبايل جديد أخذه واكسره هذا يعتبر تنمر..
او طفل يشوف عد طفل ثاني لعبة جديدة أو لعبة هو ما عنده مثلها يأخذها منه ويخربها.
مختصر التنمر بين قوسين هو{إيذاء الآخرين من دون سبب}.
يعني اني اضربك واهينك واخرب اشيائك بس انته ما مسوي الي شي..
لكن اذا ضربتك كدافاع عن النفس لا هذا بحث آخر هذا مو تنمر..
او غلطت عليك يجوز انته غلطت عليه..
لو كسرت حاجه الك لأنك يجوز انته اذيتني..
لكن انو تجي وتسوي كل هل التصرفات من دون سبب انته هنا أطلق عليك اسم (المتنمر).
والمتنمرين غالباً ما يكونون ضعيفن شخصية مهزوة عدهم الثقة بالنفس..
يحاولون يغطون هل الضعف وعدم الثقة بالنفس انو يحجون على غيرهم علمود العالم تغض النظر عن ضعفهم لشخصيتهم وتوجهه الضوء على الانسان الي تنمر عليه هذا الشخص..
يعني كونوا على ثقة انو اي واحد يحجي عليكم ويتنمر معناها هو ضعيف شخصية يعني يا غوالي لا اديرون اله بال.
_____________________________
هسه راح احجي الكم قصتي ويه التنمر 🌚💔
اني إيلاف(اوووو معلومة خطيرة😂😂)المهم جيت للدنيا وإني چثير ضعيفة واصلا جان عندي بعضامي وركبتي رخاوة تتحرك منها ومن كيفها مثل اللعابة الي مفصوخ راسها😂💔
المهم اهلي كاموا يضربوني ابر چثير وعلمود اسمن شربوني مسمن ومشهي من اني طفلة (حسب وصفة دكتور طبعاً)المهم بدت إيلاف تسمن شوي شوي بس ما وصلت حد البدانه المفرطه لكن جنت اسمن من الي بعمري دائماً وهل الشي جان يخلون البنات الي وياي يضحكون عليه..
ما جنت اضوج أو اضايق لان جنت من اوكف كدام المراية اشوف جسمي حلو وما بي اي شي مقزز بس لان جنت اسمن منهم يحسوني سمينه حيل..
كبرت وصلت متوسطه وتعرفون مرحلة المراهقة تكومين تتحسسين من كلشي كمت اشوف البنات اضعف مني وقياس ملابسهم اصغر من قياس ملابسي قررت إيلاف تسوي رجيم وتضعف..
وصدگ سويت رجيم صحي ولعبت چثيرررر رياضية وضعفت عشرة كيلو غرام لكن مو بيوم ويومين لا ب اربعه اشهر..
عفت الرجيم لان وصلت للجسم الي اني أريده وعادي هسه اسمن اربع كيلوات هيج ارد اسوي رجيم واضعفهم مو لان ما عندي ثقة بنفسي لو يهمني كلامهم لا كام ما يهمني ابد بس حبيت شكل جسمي وهو ضعيف..
خلصنه من سالفه الوزن طلعت النه سالفة الطول🌚💔
اني نولدت بعائله وبيئه كلهم طوال من الطرفين من عائلة بابا ومو عائله ماما يعني اكصر شي عدهم ١٦٨سم..
لذلك كبرت وكف كولي يم ١٥٥سم..
اعرف انو اكو اگصر مني بچثير بس لان اني عايشة وي اوادم طوال يضلون يقلدون عليه..
اكو بيهم يتشاقون وهذا ابد ما اضوج منه واكو لا صدگ شايلين همي عساس گصيرة وبالهم اضرب ابر للتطويل(بابا انتو شكو طولي لو طولكم والله يا الله 😒)
المهم بس اني يا جبل ما يهزك ريح لان طولي احبه اريد البس كعب ما اريد البس هو بالحالتين حلو (اكو جماعه خطية ما يكدرون يلبسون كعب😂💔)
فه يا عيني يا غوالي همه انجلينا جولي ما خلصت منهم دا أحنه نخلص..
هي هاي العالم وهاي طيبعتهم ما يتغيرون ابد.
المهم انو انتو تكونون حابين نفسكم لان صدگوني كلامهم لا يأخر ولا يقدم انتو حلوين بكل حالتكم♥

اكتوبولي هم تعرضتوا للتنمر؟وشنو السبب؟
حبيتوا الموضوع؟
شنو تردون احجي الكم بالبارت الجاي؟
وبس والله احبكم چثيرررر والتقيكم بخير ♥🌼