سالوفات إيلاف..♥

للذكرى..♥

هلا والله ومليون هلا..

جثير جثير مشتاگة الكم..🌚❤
كولولي شونكم يابه شخباركم..؟!
المهم هذا البارت راح اخلي الي للذكرى يجوز انتو ما يفيدكم بشي بس بعدين بالمستقبل حتى إذا ضاعوا هاي الرسائل اكدر ابحث على كتابي هذا والكاهم..
هذا البارت راح اكتب بي رسائل وصلتني من عالم احبهم چثير..❤🌚
اكيد همه حيقرون هذا البارت احب اكول الكم اموت عليكم..❤😭
يله نبدي بأول رسالة طبعا حتكب الرسائل مثل ما وصلتني ما راح اغير حرف..
***********************
أول رسالة:
اسمها إيلاف عمرها ١٥ سنه معلومات خطيرة ههه حلوة ونازكة ونعومه بيضة بس مو حيل حلو بياضها؛ شعرها تمري على جوزي يعني وسط.
عيونها تگتل گتل بوية ههه.
عود مو صدگين نفسج.. يله نكمل..
لو عيونها نرجس ناعسات رموشها اكثاف بس مو كلش خشمها الصراحه ما اعرف شلون تتنفس من عنده من گد ما صغير ههه حلو بس الثولة معاجبها تريده مرفوع.
حلگها من تسولف عادي بس من تسكت موضوع اخر الارنبه ناطه فوك زايدتها جمال.
هذا شكلها بس شنسوي نقتنع بيها😂.
هسه نجي للاطباع الصراحه ما اعرف كلشي عنج بس الي اعرفه راح اكتبه (راح تخلبني سنين تعرفني وتكول كل يوم اكتشف شي جديد بيج🌚💔)
اكثر شي احبه بيها ردة فعلها اذا فد شي يضحك تميل راسها وتضغر عيونها وتبتسم.
قوية وجريئه فكاهيه اربعه وعشرين ساعه مگشرة.
عدها نضرة للواحد يعني من تشوف أحد ترتاحله تندمج وياه ويا واذا ما ترتاحله تگنش وتگعد على صفحه.
ما اعرف شتصير بالمستقبل لان يوميه برأي بس على الأغلب قانون(تغير من زمان حلمي 🌚💔)
تحب تسافر بس للاسف ما عدها جواز ههه
تحب تقره هواي حنينه وتحب خالاتها بس الاكثر يقين واسيل..
صديقاتها كوثر رؤى تبارك..
متدخل بشي ميخصها ابدا وهذا الشي كلش عاجبني بيها..
تره كافي استماره واترسها شسالفه!!

شفتج تضحكين هاها
        
السبت/٢٠٢٠/٩/٥ الساعه ٣:٣٠ مساءاً
(هاي الرسالة وصلتني العام مثل ما موضح بالتاريخ چثير احبها وشكد ما اقراها ما امل منها وطبعاً چثير اشياء تغيرت بيه من العام للسنه وطبعا هي وصلتني بورقة لذلك احس الها طعم خاص ونقلتها مثل ما مكتوبة بالضبط طبعاً تعرف نفسها الي كتبتها احبچ چثيررر ❤🌚).
**************************
الرسالة الثانية:
هي بنت جريئة،وكحه،صريحه لكن بأدب،عنودية،ادب سزز،ما عدها احترام(تره تتشاقة لا تصدكوها الله يسامحج بس💔🌚)عدها اخوات اصغر منها تحس بالمسؤولية تجاهن بس خطية عدها اظافر وواكعة بيها اختها الأصغر منها،شايفة نفسها،اممم شخصيتها قويه،تبچي بسرعه،هاي الاطباع هسه نجي للشكل:اكثر شي احبه هي غمازتها الي صايرة بخد واحد منتطيها جاذبية،شعرها ناعم لنهاية ظهرها يصل قزومة،بيضة طرگ أأأ بشرتها بيضة سلك ههه لا لا والله بيضة،عيونها الناعسات زايداتها غرور،خشمها حلو يعني،من تنام تخلي اصبعها بحلگها السبب باسنانها شوية متقدمات ورافعات شفتها الفوگ بس حلوة يعني (بطلت هاي العادة لان حطيت تقويم🌚💔)
تحب قراءة الروايات،تحب الاتراك حيل يمكن اذا صارت الها فرصة سفر حتسافر لتركيا،من تضوج متنطي عذر هذا الموقف حددته من حتى تروحين ويانه للمدرسة وامج مقبلت منطيتي عذر فما اعرف هو طبعج أو ذاك اليوم صارت صدفة(لا خيتي طبعي بس غيرته🌚⁦💔)ههه اي وهاي هيه يمكن اذا عرفت انوب اشياء اكتبلج ههه بباي.
٢٠٢٠/٩/٤يوم الجمعة الساعة ٥:٥٧ مساءاً.
(طبعاً هواي اشياء جانت محلوة بيه وغيرتها وفخورة بنفسي++احبچ حبيبي الله لا يحرمني منج ❤😭)
***************************
الرسالة الثالثة:
إيلاف أو فلة مثل ما تحب هي..بنت ال١٥ سنه و٦ اشهر و٢٦ وعشرين يوم.
اليوم الي انولدت بي مميز ١٠/١٠ مثلها 😏 مو تصدكين😂.هي طموحه ،حنينه،مثقفة جدا، تطمح انو تكون امرأة مستقلة بالمستقبل.
إن شاء الله طبعا اشعجج؛هي صرافة كلش امزح 😂،تحافظ على اشيائها بحيث سوار صار الها سنتين لابسته(حافظي عليه لان احس صار شي منج)تحب خالاتها يقين وعسولة بس هي قريبه لقين جداً،متحب الفن أو الرسم وهل السوالف بس تدعم الاشخاص الي عدهم هاي الموهبة.
بسيطه جداً وتنجذب لهاي الاشياء البسيطه،تحب الروايات والكتب لكن تفضل الروايات على كتب التنمية،بشرتها صافية وعيونها ناعسه وخشمها گطمه،اكثر شي حلو بيها أو اني احبه شعرها يجنن ما شاء الله طبعاً،نظراتها باردة جداً،وتحب الكتابة وهي كاتبة اشعار و خواطر،السلبية الي بيها انو هي من تضوج تنعنفص على الكل اتس اوك انتي تعاركتي ويه سوسو(سوسو اختي الصغيره)علمود مدري شنو رنودة شعليها تعنفصين عليها 😒😂 (ريناد اختي اصغر من سوسو)طبعا هذا مثال.
طفوليه جداً بالواقع بس هي بالحقيقة عقلها چبير بوقت الجد جد وبوقت الخبال خبال😂
متخاف يعني متكول ل ما اسوي هل الشي خاف يفشل أو يخرب لا گبل تسوي
(ارفعلج القبعة على هالشي طبعا)حبيبي الوفة أو فلة(نعرف أن احب اكلج الوفة احس احلا)اتمنى اكون اعرف الاشياء المهمه اكيد اكو هواي شغلات اكتشفها بيج يوم بعد يوم واكيد انتي دا تكبرين ودتتغير شخصيتج كلما كبرتي،ارجعي اقري وشوفي تغيرت أو لا،وحققي كل اهدافج حتى من تقرين هاي الجريدة تفتخرين بنفسج،شنو اظل اعلم بيج چدري اي والله.
حبيت انو من تقرينها تحسين انتي جاي تقرين عن غير شخص بس هي انتي.
باي بصوت الفيلسوف):❤
٢٠٢١/٥/٥ يوم الاربعاء الساعه ٤:٥١ عصراً.
(طبعاً هاي اخر رسالة وصلتني كل الي بيها بعده موجود بيه ما تغيرت چثير لان هي السنه وصلتني طبعاً هي السمايلات راسمتهم بس اني حطيتهم😂لان هي رسامة كل الرسائل الي وصلتني محتفظة بيهم واحبهم چثير وكلهم قريبات لروحي وسبحان الله الهم طعم خاص لان مكتوبات بورق)
اتمنى ما ضجتوا من هل البارت وهل البارت خلاكم تعرفون اشياء عني اكثر..
احبكم چثيرررر والتقيكم بخير وسلامه حبايبي الغالين ❤