#روايه
#عشقت_منتقبه
الحلقه #الحادية_عشر
بعد ما رحمه عرفت ان هيثم هو ال ساكن قصاد منها وكمان ف نفس الاوضه والبلكونه قصاد البلكونه الموضوع صعب اكتر عليها وهيثم هناك فرحان بيفكر ازاي يقرب منها هند ف بيتها احساسها ملغبط زعلانه ع رحمه وال حصل معاها وان ف ناس بالفعل كدا هند اكتفت بالصمت ماقالتش لحد حاجه عن رحمه ولا حتي وائل جوزها فضلت انهم يعرفو بعيد عنها أو من رحمه نفسها لما شافت نظرة اللوم والعتاب ال ف عيون رحمه بس نامت هند وهي فعلا بتفكر ازاي تخرج رحمه من الحزن دا وتحاول تعوضها لو بجزء بسيط مع أن الضنا مافيش أي شئ ف الدنيا بيعوضه عدت الليله ع الكل وجه تاني الصبح تحديدا ع 11 الصبح رن جرس الفيلا اتوقعت الحجه عليه وندا تكون هند فتحوا الباب بالفعل بس ماكنتش هند دا هيثم
هيثم:-صباح الخير انا أسفه أن جيت من غير معاد
ندا:-اهلا بيك صباح النور ماتقولش كدا البيت بيتك تشرف ف أي وقت
هيثم؛-ميرسي جدا ربنا يخليكي
ندا :-اتفضل
دخل هيثم وسلم ع الحجه عليه وعنيه بتدور ع رحمه رحمه ف اوضتها لسه مانزلتش لانها نامت بعد الفجر
هيثم:-اناقولت اعدي عليكم قبل ماروح الشغل
الحجه عليه:-البيت بيتك افطر معانا
هيثم:-لا لا شكرا ليكي يا أمي انا جيت اطمن عليكم وعرفت أخبار عن عادل وجاي اتأكد منكم
الحجه عليه وندا بفرحه ايه بجد
ندا:-استني انده ع رحمه دي هتفرح اوووي
ركبت ندا تصحي رحمه لقيت رحمه صاحيه ولسه هتنزل قابلتها عند الباب قالتلها أن هيثم تحت وعنده أخبار عن عادل ف ثانيه رحمه لبست النقاب كانت نازله من غيرو ونزلت ورا ندا أخيرا هيثم عيونه هديت الملكه بتاعته نازله من ع السلم برنسس وهي بالفعل برنسس عارف هيثم أنها خجوله جدا خصوصا من ناحيه العيون
رحمه :-صباح الخير
هيثم:-بصوت كله حب وعيون بتلمع ولاحظت كدا رحمه صباح الورد
رحمه:-بلهفه أخبار ايه ال عرفتها
هيثم:-بصي ياستي مصادرنا اشتبهت ف واحد شبه ف سجن هناك وبعتت صورته وانا جاي اشوف هو ول ايه
الحجه عليه:-وريني يابني
خرج هيثم الفون وجاب صورته
واحد ضعيف جدا وبدقن كبيره وشعر كبير الحجه عليه ست كبيره مش عارفه تميز أخدت ندا الفون بردو التانيه مش قادرة تحدد وأخيرا فون هيثم مسكته رحمه وكالعادة ريحه برفيوم بتاعته كانت ملت ايدها
رحمه:-هو ايوة هو
هيثم:-متأكده
رحمه:-ايوة متأكده وعندي الدليل
كلهم بصو لرحمه
هيثم:-دليل ايه خرجت رحمه الفون بتاعها وورته صورة لعادل من قبل مايسافر كان زي كدا
هيثم:-فعلا تشبهلها
قالتلو وعندي كمان برنامج ع الفون ممكن اشيلك الدقن بيه وهتعرفو بالفعل عملت الصورة من غير دقن
الحجه عليه:-هو ايوة هو الحمدلله يارب ابني لسه عايش
سعادة هيثم كانت لا توصف انه أخيرا فرح رحمه بس افتكر قال ممكن لو جه عادل انا مقدرش اجي هنا ول اشوفها
رحمه:-استأذا هيثم
هيثم:-مين الأستاذ لا لا هيثم كدا مش بحب الكلمه دي
رحمه:-معلش الاحترام واجب
هيثم:-معلش انتي انا صغير والله ف سن 32 سنه بس هتكبريني ول ايه
رحمه:-ابتسمت وعيونها ديقت من تحت النقاب عرف هيثم أنها ضحكت راح ضحك وكلهم ضحكو
الحجه عليه:-هتفطر معانا
هيثم:-لا يا أمي معلش الحق الشغل
رحمه:-الحجه عليه أمرت يبقي خلاص
هيثم:-وانا مقدرش ارفض لها طلب
بالفعل فطر هيثم معاهم بس مع الحجه عليه وندا رحمه قعدت الصفرا اه بس ماأكلتش وعرف هيثم أنها ماتنفعش تأكل عشان النقاب
بس عيون هيثم احتارت فيها رحمه كل ماتيجى ف عيونها تلمع والقفل بدأ يتحرك وبتكدب قلبها بس مافيش مش مبطله تفكير خصوصا بعد ال عمله دا وال لسه هيعملو
رحمه:-انت عرفت ازاي انه مسجون
هيثم:-دي مصاري الخاصه انا ليا ف كل بلد ناس تبعي وموضوع عادل موضوع كان سهل عليهم وربنا يسهل ونجيبه بالسلامه من هناك
رحمه:-ازاي يعني هو ف خطورة عليه
هيثم:-هنعرف كل حاجه وماتشليش هم بس قولي يارب
كلهم مع بعض ياااارب
خلص هيثم معاهم الفطار ومشي هو وخارج خرجت معاه رحمه توصله
رحمه:-بصراحه انا مش عارفه اشكرك ازاي
وقف هيثم ف جنينه رحمه وبص ل عيونها بحب
هيثم:-انا ماعملتش حاجه لسه عشان تشكريني عليها ولأول مرة رحمه وهيثم من يوم ماتقابلو يطولو النظر لبعض هو مش قادر يبعد عنيه عن عيونها وهي كمان كلام العيون كتييييييير #واذا تلاقت العيون سكت العالم عن الكلام ...
واخيرا رحمه بعدت عيونها عنه ول نفسها ايه ال انتي بتعمليه دا فوقي فوقي عيب وقبل مايكون عيب حرام دا غريب عنك
هيثم:-انا لمحت حوض ورد هنا عجبني جدا
رحمه:-بجد الحوض دا وشاورت ع واحد
هيثم:-ايووووة هو دا راح ناحيته من قريب جميل جدا
هيثم:-سبحان الله مين ال زراعه
رحمه:-بابتسامة مخفيه انا
هيثم:-رفع حاجب واحد بجد لا انتي بتهزري
رحمه:-والله ابدأ انا ال زرعته ماتنساش أننا صعايده
هيثم:-منا صعيدي كمان بس مازرعتش
رحمه:- باستغراب انت صعيدي
هيثم:-اه والله أصلي من أسيوط بس مولود وعايش هنا ف مصر
رحمه:-يعني انت ابن عمي احنا من المنيا
هيثم:-احسن ناس طبعاً بس مش غريبه شويه دي
رحمه:-وايه الغريب ال فيها
هيثم:-أن ورده تزرع ورد
رحمه:-بخجل واضح عليها جدا بصت للأرض بكسوف ومانطقتش بولا كلمه
هيثم:-بس بصراحه تسلم ايديكي انا ممكن أستعين بيكي ع كدا نفسي ازرع زي كدا ف الجنينه عندي واقعد وسطهم اشم هوا بدل منا يا ف الشركه يانايم يا ف حفله والله زهقت
رحمه:-انا تحت امرك طبعا الوقت ال تختاره انا معاكي فيه
هيثم:-يارب ديما معايا وع طوول
رحمه:-مانطقتش تاني بس هو عايز ايه وبيلمح لايه
رحمه:-ارجوك لو عرفت أخبار جديده تقولنا عليها
هيثم:-من غير ارجوك هو دا ال هيحصل انتو بقيتو عندي زي وائل وهند يعني أهلي ربنا واحده يعلم
ومشي هيثم ع شركته وقابلة وائل واتكلمو ع عادل وكالعادة محاولات طلقيته رانيا بتبعتلو ورد وهو منفض خالص
$$$$$$$$$
عند رحمة ف البيت فرحانين أن ف أخبار عن عادل وبيدعو ربنا انه يجمعهم تاني باخوهم
#فلااااااااااااااااش_بااااااااااااااااك
خرج دكتور يوسف من عند رحمه بعد ماطمن عليها خرجت وراه الحجه عليه
الحجه عليه :-دكتور دكتوريوسف
دكتوريوسف :-ايوه يا أمي
الحجه عليه :-ف موضوع عايزة اتكلم معاك فيه
دكتوريوسف :-اتفضلي يا أمي خير
الحجه عليه :-علي جوز رحمه من يوم مامشي يوم العمليه وهو مارجعش تاني طفش
دكتوريوسف :-ف حاله ذهوووووول ايه ازاي دا ف حاجه غلط ف علاقتهم
الحجه عليه :- الجوازة كلها غلط من الاول مشاكل مابنهم كتير وبنتي صابره ومستحمله عشان ولادها انا خايفه لو عرفت تحصلها حاجه وهي لسه
دكتوريوسف :-تمام سيبي الموضوع دا عليا هو راجل خساره فيه حد يبقي متجوز واحده زي رحمه ويعاملها كدا ال زيها المفروض يتعمله تمثال بنت زي دي ما كملتش 23 سنه متجوزة من واحد فوق 40 ليه دا حتي ماكلفش نفسه يشوفها تخرج من العمليات خساره خساره والف خساره
مشيت الحجه عليه دخلت لرحمه ورحمه كل شويه تسأل عن الأولاد وعلي
الحجه عليه :-بكره هجبلك الأولاد بإذن الله
$$$$
خلص شغله دكتوريوسف وراح يطمن ع رحمه جاب أكل معاه ودخل لرحمه
دكتوريوسف :-أخبار الجميل بتاعنا ايه
رحمه:-الحمدلله يا دكتور هو انا ماقربتش أخرج من هنا زهقت من عايزة ارجع بيتي وشغلي
دكتوريوسف :- هانت يا جميل كنت عايز اقولك ع حاجه
رحمه:-خير يا دك
دكتوريوسف :-علي جوزك🙈🙈
رحمه:-ايه طفش ههههههههههه
دكتوريوسف :-ف حاله استغراب بتضحكي اه طفش فعلا عرفتي ازاي
رحمه:-معروفه يا دكتور وحاجة متوقعها واستنتجت كدا لما كل مسأل عليه خرج مشوار هو المشوار ال خرجه دا مارجعش منه عادي يادكتور ربنا يستر طريقه
دكتوريوسف :-ف حاله ذهوووووول إعجاب استغراب ايه دا كل دا وكمان بتدعيله
رحمه:-اه بدعيلو مش أبو اولادي
دكتوريوسف :-ربنا يباركلك ويديكي ع اد نيتك البيضه دي مافيش حد ف الزمن دا زيك
رحمه:-ولك المثل
دكتوريوسف :-انا جايب أكل أكل انا وانتي
رحمه:-لا يا دكتور شكرا ليك
دكتوريوسف :-لا لازم عشان يبقي عيش وملح رفضت رحمه وهو احترم رغبتها
$$$$$$$
اتحسنت حاله رحمه وخرجت من المستشفي ورجعت لبيتها فضلت فيه تحت حمي عم مختار ورجعت شغلها وكانت بتابع مع دكتوريوسف حالتها لحد ماجه ف يوم دكتوريوسف طلبها للجواز رفضت وبشده قالها المفروض تطلقي منه سابك ومش ومتعرفيش عنه حاجه المحكمه هتحكملك بكدا رفضت كلامه قالت انا عايشه عشان اولادي وبس وحالتها اتحسنت وبطلت تتابع عند دكتوريوسف
#عدت سنه ع الموضوع دا رجع جمال من سفره فرح أن رحمه بخير وزعل من ال عمله أخوه بس جمال ماحاولش يقرب من رحمه ف الفترة دي رحمه لبست نقاب وادارت عن عيون الكل غير المعاكسات ال كانت بتتعرض لها وكانت محترمة جدا ف كلامها ومشيتها وأسلوبها وبدأت الحياه تستقر مع رحمه
وجه يوم رجعت من الشغل عدت ع والدتها الحجه عليه أخدت أولادها اتفأجات بمين ف البيت #علي
رحمه ف حاله صدمة انه رجع شكله متغير الشكل واللبس وظاهر عليه أنه ثري اول ماشافها علي حضنها هي بعدت عنه
سلم على الأولاد وفضل معاهم رحمه مانطقتش بكلمه اتكلم معاها انه ندمان ع كل ال فات وعايز يرجع وهي رافضة تماما بس مفاجأة عمرها قالها أن هو اتجوز
رحمه:-اتجوزت؟؟؟
من طول منتا ماتجوزت راجع ليه
علي:-راجع لبيتي وعيالك ومراتي
رحمه:-عندك !!!!!بيتك وعيالك اه إنما مراتك لا بح شطبنا كان ف زمان وخلص
علي:-ايه ال بتقوليه دا
رحمه:-ال سمعته انت فاكر نفسك لما تغيب تغيب وترجع هكون منتظراك تبقي غلطان الراجل اللي سيب مراته ف اوضته العمليات ويهرب حتي مايفكرش انه يطمن عليها يمكن ماتت تفتكر لو مت عيالك دول كان مين ال هيربيهم وانت طفشت
علي:-يووووه موضوع وراح لحاله انا من النهارد هفتح صفحه جديده
رحمه:-مش لما تقفل القديمه الأول عمرها ماتتقفل انت خلاص بالنسبالي مافيش عيالك أهم عندك إنما انا لا
علي:-انتي مراتي سامعه مراتي مهما تعملي بردو مراتي
رحمه:-كان زمان انا من النهارد لعيالي وشغلي وبس
انتهي الحوار بين رحمه وعلي بيقنع فيها وهي رافضة وسابها ومشي رجع مكان ماجه بس كان بيبعت لها فلوس كتير جدا وهي كانت مدايقه من كدا وحرمت فلوسه فتحت حساب ف البنك وحطه الفلوس دي لما يرجع تدهالو مش عايزة منه حاجه خصوصا انها مش عارفة مصدرها ايه
#مصدر ثروة علي
علي بعد ماساب رحمه ف العمليات ومشي اخد الدهب بتاعها وسافر ع البحرين اشتغل ف مزرعه عند ثري بحريني بعدها بفترة اتوفي الثري دي وماعندوش ولاد ولا أهل يسألو عليه زوجته ست كبير فضل ف خدمتها علي وبيراعيها لحد ماهي طلبت منه الجواز وبالفعل اتجوز ها كانت بتحب علي جدا حبته بجد ومن كتر حبها ليه كتبت كل حاجه باسمه بعد مارجع علي من مصر وقابل رحمه الست دي اتوفت فكر علي أنه خلاص يرجع بلده حول كل حسابه من هناك لمصر وأخيرا رجع ع مصر واستقر ف بيته ومحاولات كتير كل دا ورحمه ماتعرفش بثروة علي فاكره انه متجوز واحده بس ماتعرفش ايه وهو كمان ماقالش لحد
رحمه:-أبعد عني أبعد ايدك عني
علي:-أبعد ايه انتي مراتي انتي فاهمه
رحمه:-لا مش مراتك انا بندم ع كل لحظه كنت معاك فيها انا عمري مهرجع زي الاول أبعد ياعلي
علي:--قلبك قاسي عليا اوووي
رحمه:-انت قاسي قبلي انت نسيت ال كنت بتعمله فيا لو انت نسيت انا فاكره وعمري ماهنساه
علي:-خلاص فكك من ال فات وخلينا نعيش حياتنا ونربي أولادنا
رحمه:-انا عايشه بربي اولادي الحمدلله إنما رجوع لا لا لا لا لا لا لا
روح لمراتك ال انت اتحوزتها
علي:-اهي ماتت أقسم بالله ماتت
رحمه:-الله يرحمها والله انا معارفه اتجوزتك ع ايه
علي:-بتحبني
رحمه:-نعم بت ايه بتحبك
علي:-اه والله اتجوزتني عشان بتحبني
رحمه:-وانت
علي:-انا مش بحب حد
رحمه:-حرام عليك كنت بادلتها نفس الشعور جبرت بخاطرها انت ايه يا أخي حتي لو هتكدب
علي:-انا عمري ف حياتي ماحبيت ول هحب وف نظري ال بيحبو شوية عيال ايه الواحد يكون متعلق بواحدة دا عيب عشان كدا انا علمت درس لجمال اخويا واتجوزتك عشان كدا عشان الراجل مايتعلقش بحرمه
رحمه:-لا لاااااا انت اكيد مجنون دماغك دي فيها حاجه
وسابته ومشيت
$$$$
محاولات كتير من علي بس رحمه رافضة تماما هي حاولت بس ماقدرتش ماقدرتش أنها ممكن ترجعله بعد ال عمله هتكون رخيصة عنده وأي شيء هيعملو بعد كدا مافيش لوم عليه لانها هي ال رجعت #وجه اليوم ال كله مأساة ع رحمه
رحمه :-يالا يا ولاد
علي:-هيروحو فين
رحمه:- عند جدتهم عندي. شغل كتير ويمكن اتأخر النهارد
علي:-لا سيبيهم انا معاهم
رحمه:-ع أساس ايه انت لو واحد فيهم بيعوز حاجه مش بتعملهالو ودول صغيرين
علي:- لا سيبيهم خليهم معايا وانا هشوف طلباتهم
مع أسرار علي انها تسيبهم سابتهم
هي وخارجه باستهم وحضنوها حضن كبير جدا كأن قلبها بيقولها مش هتشوفيهم تاني خرجت رحمه ع شغلها عد اليوم ورجعت رحمه البيت شافت أى قدامها ناس بتجري واسعاف مطافي وفرقه أنقاض ايه دا ف ايه كل دا ملموم عند 😱بيتي جريت زي ال مجنونه ف الشارع البيت ولع وبعد ماولع انفجر امبوبة غاز فيه
#استنتاج موتهم ازاي وال كله شهد ع كدا خرجوا جثه علي من اوضته النوم كام نايم بالفعل ع السرير والأطفال ال 3 من المطبخ استنتاج واضح انهم كانوا جعانين وهو كالعادة سيبهم حب يفتحو الغاز ماعرفوش ولع فيهم وعشان القري ف الصعيد ماوصلش ليها الغاز الطبيعي كانت بامبوبة غاز وكمان اتنين مش واحده )
دخلت رحمه ف غيبوبة قعدت شهر مافيش غير المهدأت معاه تفوق تصرخ يدوها مهدأت ترجع تنام تاني فضلت حوالي شهرين
#رحمه مؤمنه بربنا وواثقه أن ربنا هيعوضها خير بدأت تقرأ قران وتدعي ربنا يجمعها بيهم ف الاخره بس مش مسامحه علي ع ال عمله وهو كان السبب بس دا قدر ونصيب بدأت تتحسن بس شغل مافيش موجودة عند والدتها وتحاول تخرجها من ال هي فيه بس التانيه قلبها موجوع اوووي عايزة ال يواسيها
عدت أيام وشهور ع رحمه ب تحاول تنسي بس تنسي ايه دا عمر بالنسبالها دول عشر سنين من حياتها راحوا وياريت خرجت بحاجه ال احلي شئ وهم عيالها راحوا بدأت تيجي لرحمه جوابات من البنك وهي مش بتفتح واحد لحد ماندا فتحت واحد
ندا:-ايه دا رحمه انتي حسابك ف البنك كام
رحمه:-بصوت مبحوح من العياط تقريبا الف جنيه ليه بتسالي
ندا:-الف ايه بصي
اتفاجات رحمه بال شافته أصفار كتير وأرقام كتير ايه دا آخر حاجه رحت سحبتهم وادتهم لعلي لأن دي فلوسه وانا ماكنتش عايزة حاجه
ندا:-ايوة فاكره بس بصي
رحمه:- مش فاهمه
تاني يوم أخدت ندا الجوابات وبطاقة رحمه وراحت ابنك قابلها ف الاستعلامات محمد آل هو جوزها دلوقت
ندا:-السلام عليكم
محمد:-وعليكم السلام اتفضلي حضرتك أي خدمه
ندا:-طلعت الجوابات واستفسرت ومعاها بطاقه رحمه بس محمد قالها معلش يا فندم لازم أخت حضرتك هي ال تيجي بنفسها لأن دي أسرار عملاء ماينفعش تخرج برا حتي لو كنتي أختها
ندا:- تمام ماشي شكرا
وسابته ومشيت حكت ال حصل معاها
رحمه:- بس ياندا انا لاهروح ول هاجي ارجوكي
ندا:-بس خلاص اهدي اهدي
وقفلو ع الموضوع
بعد أسبوع واتنين وتلاته شافت رحمه موضوع الصدقه الجاريه ف التلفزيون قالت ياريت معايا كنت عملت لهم افتكرت البنك والإصفار الكتير
ندا:-ماتيجى نروح ونسأل
رحمه :- ماشي
بالفعل تاني يوم راحت رحمه وندا واستقبلهم محمد وعرف أنها منتقبه ونده ع واحده كشفت ع وش رحمه ف اوضه هي ال ف البطاقه ول لا
محمد:-لا تمام هي معلش احنا اسفين بس دي قوانين البنك
رحمه:-عادي ول يهمك
محمد:-بصي يا أستاذه رحمه أستاذ علي جانا ف يوم وحول كل رصيده ف حسابك كان جايب معاه بطاقتك دي ورقم حساب لكي ف البنك هنا هو فينه مش بشوفه
ندا:-الله يرحمو
محمد:-😯 مات ازاي دا
ندا:- من حوالي 6 شهور
محمد:-بعد ماحول بشهر واحد لا اله الا الله عظم الله أجركم
كل دا ورحمه ساكته مانطقتش كلمه
فهموا الموضوع ايه روحت ندا ورحمه البيت
ندا:- رحمه بقت مليونيره
رحمه:-بعياط ع حساب مين أنا ما كنتش عايزة حاجه غير ولادي بس بعياط حضنتها ندا
ندا:-اهدي اهدي مش كدا رحمه فرصه وجتلك اعملي صدقه جاريه لاولادك
رحمه:- مسحت دموعها قالت ايوه فعلا
رحمه قبل أي شئ راحت لشيخ تستفسر عن الثروة ال جتها دي موقفها منها ايه حكت للشيخ كل ال حصل معاها
الشيخ:- بصي يابنتي الثروة ال معاكي دي حلال وحقك شرعاً وقانوناً
وبالنسبة لاخواته مالهمش حق فيها لانها مش ورث هو كتبتلك كل حاجه باسمه ع حياه عينه اما حلال ولا حرام فهي ليكي حلال وإذ كان فيها شئ مصدره حرام ف هيروح للحصده سواء جوزك أو ال قبله حسابه ليهم مش ليكي وربنا يصبرك يابنتي
$$$$$$
بدأت رحمه تهدي وتفكر هتعمل ايه وأخيرا استقرت أنها تفتح مستشفي بجميع التخصصات تعالج الأطفال بس ال ف القريه وباقي القري لأنها كانت وسط الناس وشافت معاناتهم وحبت تخفف الم كل أم بتتالم عشان ابنها لانها جربت
مين ال هيساعد رحمه فكرت رحمه مافيش غير دكتور يوسف وبالفعل راحتله دكتوريوسف ماصدقش أن دي رحمه بالنقاب عرف منها ال حصل واتجدد طلبه للجواز تاني
رحمه:- دكتوريوسف ارجوك هتساعدني ول لا
دكتوريوسف :-اكيد طبعا بس
رحمه:-دكتوريوسف طلبك مرفوض انت الف واحده غيري وأحسن مني تتمناك ربنا يكرمك بالاحسن
دكتوريوسف :-بس انا مش عايز غيرك انتي
رحمه:-دكتوريوسف انا جربت حظي مره ومش هجربه تاني ويستحيل انسي اولادي
ونهت الحوار مع دكتوريوسف
$$$$$$$$
بني المستشفى وتجهيزها اخد من رحمه 6 شهور لأن السيولة كانت موجودة وكان دكتوريوسف هو المدير بتاعها وبيديرها وهو ال جايب الدكتاره فيها وكانت صدقه جاريه وال بيصرف عليها رحمه
أما المحامي فؤاد ف ال جابه لرحمه محمد جوز ندا حاليا فضلت رحمه كل ماتروح المستشفي تفتكر ال فات ونفسيتها ف الدمار ديما وسلفها مختار اخو علي مش سيبها ف حالها بيقولها أن دا بتاعنا احنا بالرغم من أن رحمه ادتهم من فلوس اخوهم بس ماملاش عينه جمال رفض ياخد إنما هو كان زي علي
رحمه:-استاذ فؤاد كنت عايزة حضرتك تشوف لي فيلا أو شقه ف مصر ف مكان كويس
أستاذ فؤاد :- ممكن فيلا ف مكان .....
رحمه:-لا حضرتك انا أفضل تكون ف كومباوندا لأن فيه ناس ع مستوي وكمان عليه أمن مش فيلا ف مكان متطرف وبعيد
أستاذ فؤاد :- ماشي حضرتك تمام
والمحامي فؤاد طلع يعرف محامي وليد عز المتر احمد واشتري الفيلا ال ف كومباوندا هيثم ل رحمه
وانتهت حكايه رحمه ومأساتها وبدأت من جديد دخلت الكومباوندا وماكنتش بتخرج منه بس قبل ماتسافر أتقدم محمد لندا وهو شاب كويس ووافقو عليه خصوصا أن ندا كانت بتميل له
عوده من #فلااااااااااااااااش_بااااااااااااااااك
رحمه وقفت عند حوض الورد ال هيثم معجب بيه وافتكرت كلامه وعيونه هو بيقول وردة تزرع ورد حساه إحساس غريب معاه ماحستوش قبل كدا هل ممكن يكون الحب ال بتسمع عنه وعمرها ماجربته لا لا حب ايه وكلام فاضي ايه انا ف ايه ول ايه بس هو بيتابعني ليه وعايز ايه كل ماتفكر فيه يقاطعها صوت عقلها لا
بس صوت جاي من بعييييييييد وصوت ضعيف جدا من ورا القفل ايوة إنا عايز دا صوت قلبها رحمه ف صراع بين العقل والقلب
أما #هيثم ف شركته جتله رانيا طليقته وحاولت تتكلم معاه بس هو رافض حتي يقابلها رحمه مسيطرة ع تفكيره كله جه معاد رحمه بتروح فيه للمكان ال بتقعد فيه هيثم عارف الميعاد اروح ماروحش بس هروح بحجه ايه خصوصا انها خجوله جدا ودا أجمل شئ فيها فضل هيثم يفكر
بس رحمه كانت متوقعه انه هيجي
ياتري فعلا هيجي
#نكمل بكره
بإذن الله
رأيكم في حلقه النهارد ايه دا مش خيال ولا افورة ف اكتر من كدا ف الواقع ياتري هيثم هيروح فعلا لرحمه ول لا
#مفاجاه وليد عز لهيثم ايه
وايه هي صدمه هيثم ال هيتعب منها وبسببها هيدخل المستشفي رد فعل رحمه اول ماتعرف ال حصل لهيثم ويأتري هتساعدو ول هتتخلو عنه لانها مش عايزة تقرب منه عشان ماتحبوش بس خلاص هي فعلا اتعلقت بيه
#عادل هو فعلا ول غيرو
#رانيا اول ماتشوف رحمه هيكون موقفها ايه
كل دا واكتر ف الحلقات ال جايه
#ملحوووووووظه
ال عملته كوثر لرحمه دا أقل شئ بيحصل بين السلايف ف اكتر من كدا بتوصل للسحر والله وبالنسبه لجمال هو بالفعل بعد خالص بس قلب العاشق
العاشق مستحيل ينسي معشوقته خصوصا لو كان حب صادق
الناس ال بتسأل ع المشاهد الرومانسيه انا روايتي مافيهاش مشاهد رومانسيه روايه حب حلال ودا ال هتعرفو وياريت أي حد داخل ع قصه حب يراعي الشرع فيها عشان ربنا يبارك في الحب دا
وال مش متخيل أن الواقع ف كدا أحب أقوله أن الواقع ف اكتر من كدا ودي جاحه بسيطه من ال بيحصل وروايتي التانيه بعد دي هيكون فيها واقع كتير
وانا بشكركم بجد ع التفاعل دا ويارب أكون عند حسن ظنكم فيا
#انتظرووووووووووووووني
بقلمي Wafaa Roshdy
