#روايه
#عشقت_منتقبه
الحلقه #الثالثة_عشر
باتت هند مع رحمه ف اوضتها وشافت أن رحمه مانمتش الليل كله وهي بتصلي وبتدعي ربنا يقوم هيثم بالسلامه أنها مش مستحمله تتوجع تاني قلبها وجعها ع هيثم وع حالته وشكله ف اوضته العنايه كان نفسها تشوف ابتسامته تلمح عنيه زي كل مره مابتعمل
..... اتسحبت هند من جنب رحمه عشان عارفه أن رحمه نايمه بعد الفجر ونزلت
لقيت الحجه عليه
هند :-صباح الخير
الحجه عليه:-صباح النور عليكي صاحيه ليه بدري كدا
هند:-هو ف حد هيجيلو نوم ف الليله دي
الحجه عليه:-انتي هتقولي والله مانمت وانا قلقانه ع هيثم
هند-ولا انا ولا حتي رحمه لسه نايمه من شويه سبتها ونزلت عشان كريم مايعملش دوشه
الحجه عليه:-وانتي راحه ع فين كدا
هند:-هشوف البيت
الحجه عليه:-افطري وابقي روحي
هند:-والله ماليا نفس لما اطمن ع هيثم الأول
$$$$$$$$$$$
هناك ف المستشفي بدأ يفوق هيثم ع الساعه 5 الفجر جنب منه وائل ماسبوش لحظه بدأ يفوق من البنج
وائل :-سمعه جه جنب منه وقعد ايوة يا صاحبي فوق كدا خضتني عليك انا مقدرش أعيش من غيرك انت مش صاحبي بس انت اكتر من أخ
$$$ وائل سمع هيثم هو ف البنج
وائل :-بتقول ايه
هيثم :-بصوت واطي ومتقطع ر............ه. ......ممممممم
وائل :-عايز ايه انا معاك اهو
حط ودنه يسمع فسر صوته برحمه
هيثم:-انا معجب. .......يقول كلمه وصوته يروح
فهم وائل
وائل:-ههههههههههههه هو انت وقعت يا صاحبي بس رحمه تستاهل بس ياتري لو عرفت أنها ارمله هتعمل ايه .... يلا مانسبقش الأحداث المهم سلامتك دلوقت فوووووق يابطل اصحي
هيثم :-مغيب خالص
ندا وائل ع الممرضة والممرضه ندهت للدكتور ال هو متابع حاله هيثم وبالفعل الدكتور فوقه وفتح عنيه واستوعب مين ال جنبه لقي وائل حضنه وائل حضن جامد
وائل:-حمدالله ع سلامتك ياغالي
هيثم:-بصوت تعبان الله يسلمك
وائل:-فوق بقي وشد حيلك كدا تخضنا عليك
هيثم:-اخضكم ال هو انتو مين يعني مافيش حد غيرك هنا ااااااااه
وائل:-اهدي بس وبالراحه احنا 5 الصبح ياعم انت كلهم كانو موجودين بالليل ومشيو ع 12 وانت طبعا مش حاسس بحد
هيثم:-فعلا مش حاسس ولا فاكر كل ال فاكره اني كنت بسوق وطلعتلي عربيه نقل ف عكس الاتجاه حاولت افديها بس كانت قلبتني خلاص
وائل:-الحمدلله أنها جت ع كدا
هيثم:-ايه ال حصلي بعدها
وائل:-ارتجاج ف المخ وكسر و والحمدلله انت فوقت اهو
هيثم:-الحمدلله
أمره الدكتور بأكل بس مقدرش يأكل حاول وائل معاه بس مقدرش
$$$$$$$$$
نرجع لهند راحت ع البيت عندها غيرت لكريم ورجعت تاني اتفاجات برحمه
هند:-انتي صحيتي
رحمه:-انا مانمتش عشان اصحي
هند:-ولا انا .. انا قلقانه ع هيثم
رحمه:-خير بإذن الله
هند:-انا بجد فرحانة بيكي الليل كله وانتي بتدعي ربنا انا عمري ماشفت زيك كدا
رحمه:-ف كتير زيي انت بس مش واخده بالك منهم وكمان عشان موجودة هنا ومش بتخرج بعدين نتكلم ف الموضوع دا هتروحي المستشفى
هند:-باستغراب اه هروح
رحمه:-هروح معاكي
هند:-بجد انا فكرت قولت يمكن ماتجيش
رحمه:-لا لازم اطمن عليه
الحجه عليه :-وانا يابنتي عايزة اطمن عليه واشوفه
رحمه:-حاضر يا أمي هطمنك عليك وهاخدك تشوفيه
الحجه عليه :-ياريت يابنتي
$$$$$$$
خرجت رحمه وهند متوجهين ع المستشفي رحمه بتدعي ربنا انه يكون كويس نفسها تشوفه زي الاول حالته ماكنتش تطمن
هند :-ربنا يستر
رحمه:-بإذن الله ثقي ف ربنا كل خير
هند:-كلامك بيهديني ويريحني انتي متعرفش هيثم بالنسبالي انا ووائل ايه احنا بنعتبره أخونا مش صديق لينا وهو زي منتي شفتي طيب جدا وبيضحك ويهرز لكن ساعه الجد مايعرفش حد واديكي شفتي ال عمله ف وليد عز
رحمه:-ربنا يقومه بالسلامه
هند:-يارب
أسئلة كتير بتدور ف رأس رحمه ابوه وأمه فين متجوز كان فعلا ولا ايه علامات استفهام ومجتاحه اجابه بس ياتري مين ال يجاوب عليها
وصلو المستشفى وع اوضته هيثم الصبح ماكنش لسه حد جه عند هيثم ول حتي رانيا ال فاكره نفسها بتحبه ولو فعلا بتحبه ماكنتش سابته كانت فضلت معاه عشان حتي لو فاق يلاقيكي قدامه ؟؟؟؟
وائل:-اتفضل
دخلت هند وبعد منها رحمه هيثم كان نايم ومش نايم بس مغمض عيونه
هند:-صباح الخير اخباره ايه
وائل :-صباح النور كويس اهو فاق ع 5 الصبح وقعد اتكلمنا شويه بس مارديش يأكل
هيثم سامع الحوار
رحمه:-الدكتور قالك حالته ايه مستقرة ول ف حاجه فى المخ
هيثم:-فتح العيون رحمه ايوة هي رحمه
هند:-حمدالله ع السلامه يابطل كدا تخضنا عليك
هيثم :-مركز مع رحمه وبصوت كله وجع والم وحست رحمه دا ال بيحب بجد بيحس بحبيبه ف أي شئ
هيثم:-الله يسلمك
رحمه :-بصت ف عيونه ال كلها تعب وقربت منه بعيون كلها دموع وبتهدد تنزل على حالته وشكله والوجع ال هو فيه
رحمه:-الحمدلله انك بخير شويه كدمات ودلوقت ترجع احسن من الاول
هيثم؛-الحمدلله انا بشكرك انك جيتي تطمني عليا
ابتسم وائل
وائل:-تطمن ايه دانا خلعتهم من هنا من المستشفي بصعوبة بالليل ومش عايزين يمشو
هيثم:-ايه انت بتقول ايه ااااااااه
رحمه:-الف سلامه ارتاح انت وماتتكلمش كتير لسه تأثير العمليه عليك
وائل :- والله زي مابقولك رحمه هي وهند من امبارح الصبح بدري وهم هنا ومش مشيو غير بعد 12 بالليل
هيثم:-بفرح حقيقي
هند:-حقيقي وكمان مافيش حد فينا نام رحمه الليل كله بتصلي وبتدعي ربنا انك تقوم بالسلامه
رحمه:-خلاص بقي يا جماعه هو تعبان خليه يرتاح
هيثم:-انا ارتحت لما شفتك أقصد شفتكم
بص عليه وائل وغمزلو😉
وائل قصد يقول كدا لهيثم عشان هيثم بيحب رحمه ويعرف انه غالي عندها وساعدته ف كدا هند لأن التانيه حاسه
فضلوا كلهم مع بعض رحمه أخيرا شافته شافت عنيه بس كلها الم ربنا يقومه بالسلامه
هند:-ماعرفتوش مين ال عملها إذ كان حد متأجر ول حادثة
وائل:-انا بتابع التحقيقات بس السواق كان شارب ولسه ماخلصتش
رحمه:-ربنا يهديهم ال بيشربو دول بيضيعو نفسهم وغيرهم
وائل:-ايوة فعلا وكمان لو حد فيهم اتمسك بكدا بيتسجن
هند:-وانت ياهيثم لو طلع كان تحت تأثير المخدر هتتنازل عن القضيه
هيثم:-انتو شايفين ايه
وائل:-دا حقك انت انت ال تقرر
هيثم:-رأيتك ايه يارحمه
بصتله رحمه ف بالها أشمعنا انا ال بتسألني
رحمه:-نعم أنا
هيثم:-اه انتي
رحمه:-يمكن رأي يزعلك
هيثم:-انا عمري مزعل منك ابدأ ف حياتي
رحمه:-بخجل وعنيها ف الأرض لو انا مكانك وكان السواق فعلا تحت تأثير المخدر يعني مش مقصود هتنازل عن القضيه بس بشرط انه يبطل يشرب ال عرفته أن ف سواقين النقل كتير ال بيشربو بس دا تحت ضغط الشغل بيكون الواحد مطبق كذا يوم من غير نوم أو عايز يوصل الحمولة ال معاه أو خايف ينام ف الطريق تحصل حاجه والدنيا دلوقت مش مضمونه ربنا يهدي عبادة لكن لو كان عن قصد يبقي له حساب
وائل:-انا مش بقول دماغ
هيثم:-تمام ورأيك هو ال هيمشي تمام يا وائل
وائل:-بابتسامة تمام
وائل :-فرحان أن هيثم اختار صح رحمه بنت يتمناها أي شخص بس قلقان من صاحبه لو عرف قصتها هيكون موقفه ايه
$$$$$$$$$$$
شويه ودخل وليد عز
وليد :-اهااااا الحمدلله فوقت كدا يا أخي تخضنا عليك حمدالله ع سلامتك
هيثم:-الله يسلمك تعبت نفسك وجيت يعني
وليد:-عيب عليك الكلام دا احنا مهما نختلف في الشغل إنما احنا صحاب
وائل :-فيك الخير والله يا وليد عز باشا
التفتت رحمه ع الاسم هو دا وليد عز عيون هيثم كانت ع رحمه الله كانت موجهاها ع وليد وبعد كدا ع هيثم ال لقيته باصص عليها وعايز يقولها أياكي تبصي ع حد غيري ابعدي عيونك عنه
وليد:-ماعرفتوش مين ال عملها
هند:-كنا لسه بنتكلم حالا قبل ماتدخل
وليد:-أستاذه هند اخبارك وأخبار الواد الصغير ابنكم
هند:-بخير يا استاذ وليد
وليد لمح رحمه بصلها مين دي وجايه هنا ليه وتقرب ايه لهيثم
هيثم:-وليد باشا
وليد :-رجع عيونه ع هيثم نعم
هيثم:-عرفت مين ضحك عليك ف فلوس الفيلا واخد منك
وليد:-باستنكار ع هيثم يعني دا كلام تقوله وتفضحني قدامهم لا ماعرفتش المحامي مسافر ولسه مارجعش
وائل :-طاب مبدئيا كدا المحامي بتاعك ضحك عليك
وليد:-نعم
هيثم:-ماتستغربش كل ال هنا يعرفو
وليد:-بتعجب ازاي يعرفو
وائل:-أستاذه رحمه هي ال أشترت منك الفيلا
وليد:-رجع تاني ع رحمه ودقق فيها مافيش حاجه ظاهره لا ف العيون ايه دا هو ف حد كدا
هيثم:-خليك معانا هنا يا وليد سيبك من رحمه
رحمه مابصتش خالص ع وليد لانها عرفت ان هيثم زعل لما بصتله وهيثم فرح بكدا أنها مابصتلوش
وليد:-وعرفتو ازاي
وائل:-حكي لوليد ال حصل مابين رحمه والمحامي فؤاد بس ماجبش سيره المستشفي
هيثم:-والله 3 مليون بتاعوك عندي كنت ناوي ارجعهملكم تاني يوم الحفله بس زي منتا شايف
وليد:-مش مستوعب ال اتقال مبهور قرب لرحمه وقالها انتي تعملي كل دا عشاني عشان حد انتي متعرفهوش
رحمه:-انا ماعملتش غير الصح ودا حقك كان لازم يرجع ومحدش كان هيرجعو غيري كل دا وهي باصه ف الأرض
هيثم:- بالرغم من تعبه عايز يمسك وليد عز وبالبوكس ف وشه
هيثم:-تعالي هنا احنا ال بنكلمك
وائل:-وليد باشا حقك ورجع من ناحيه رحمه باقي حقك عند المحامي بتاعك ياتري هو ضحك عليك كام مرة تاني
وليد:-نهار ابوة اسود معايا بس يرجع انا وليد عز يتعمل فيا كدا من محامي لا راح ولا جه دانا ال عملتله اسم
هيثم:-انت فاكر دلوقت ااااااااه وضحكو مع بعض بس رحمه لا
$$$$$$$$$
شويه والباب فتح مين
رانيا:-هيثم حبيبي الف مليون بعد الشر عنك
هيثم:-اتفأجا وبص ع رحمه رحمه بالفعل كانت بصه عليه
رانيا:-قربت من هيثم تحضنه وتبوسه بس وقفها وائل
وائل:-رانيا هانم هو تعبان وايده ورجله مكسورين دا غير دماغه والعملية
رانيا:-لسانها طويل من يومها انت مالك انت دا جوزي عايزة اطمن عليه
سمعت رحمه كلمه جوزي اتنفض قلبها من جوة يبقي مراته وزعلانين مع بعض يمكن دا ال استنتجته
هيثم:-بص ع رحمه وائل ارجوك مش عايز كتر كلام انا تعبان
رانيا:-حمدالله ع سلامتك ياقلبي خضتني عليك
رحمه هنا مش قادرة تقعد تاني وقفت بصلها هيثم انا همشي حمدالله ع سلامتك أستاذ هيثم
هند:-استني انا همشي معاكي
وائل :-استنو اوصلكم وارجع تاني
هيثم:-بنظره زعل رحمه هتمشي
رحمه:-من غير ماتبص لهيثم- ايوة انا اطمنت عليك اهو واطمن الحجه لانها قلقانه من امبارح
رانيا:- ف بالها مين دي ال ملهوف عليها ايه شوال الفحم دا
وليد:-انا مروح اوصلكم ف سكتي
اتنفض هيثم:-لا لا هيوصلهم وائل وبعدين يرجع لي
رانيا:-ومالوو وانا هقعد معاه
هيثم:-لا مش عايز حد
.رحمه :-طاب انا هنزل استناكم تحت
هند:-خديني معاكي
خرجت هند ورحمه وهيثم بيلعن رانيا ف كل وقت
خرج ورا هم وائل
رانيا :-كدا ياحبيبي قلقتني عليك
هيثم:-انا تعبان انتي عايزة ايه جوز مين ال بتتكلمي عليه انتي ايه
وليد:-مالك بس اهدي انت تعبان وبعدين دي فرصه نرجع الميه
هيثم:-عمرها ماهترجع وبعد اذنك انا تعبان والدكتور قالي ارتاح
رانبا:-انت بتضردني
هيثم:-افهمي زي ماتفهمي
رانيا:-ماشي ياهيثم انا ال غلطانه جيت اطمن عليك
هيثم:-مع الف سلامه
رانيا بغيظ وتوتر مشيت ورزعت الباب وراها
وليد:-ليه كدا دي بتحبك
هيثم:-حب ايه احنا هنضحك ع بعض وبقولك ايه انت كمان انا تعبان
وليد:-بس ياعم لا تقولي ول اقولك انا همشي وابقي اجي اشوف تاني
$$$$$$$$$$
خرج وليد عز من عند هيثم عشان يلاقي رانيا ف انتظاره برا ف العربيه
وليد:-الجميل لسه مامشيش
رانيا:-لا مستنياك اركب
ركب وليد ف عربيه رانيا
رانيا:-ينفع ال حصل دا من صاحبك الحمدلله انهم ماكنوش موجودين كانو ماشيو
وليد:-صاحب مين هيثم مش مصاحب حد غير نفسه وبعدين كانت الفرجه عليكي ببلاش هههههههه
رانيا:-انت بتضحك
وليد:-لازم اضحك أصلي شكلك كان أوفر اوووي بس بصراحه كدا وسرك ف بير انتي ال واره الحادثه دي
رانيا:-ارتبكت مش عارفه تتكلم
وليد:-فهم بس انتي دشدشتي خالص
رانيا:-الغبي كان شارب انا كنت عايزة كسر ايد أو رجل مش عمليه وكل دا
وليد:-ادعي ربنا انهم يقيدوها انه كان تحت تأثير المخدر لأن لو اتعرف انتي ال هتروحي ف كلابووووش
رانيا:-ايه كلامك دا
وليد:-هو الكلام دا ال قالو وانا معاهم
رانيا:-قالوه تقصد مين وبعدين مين شوال الفحم ال كان قاعد دا تقرب لهم ايه
وليد:-مين تقصدي رحمه
رانيا:-هو شوال الفحم دا اسمه رحمه
وليد:-دي البنت ال صعيديه ال قولتلك عليها
رانيا:-اممممممم بقي هي دي ماشي ماشي ياهيثم
وليد:-دماغك فيها ايه
رانيا:-ولا حاجه دا هيثم دا حبيبي
$$$$$$$$$
وصلت رحمه البيت وطمنت والدتها الحجه عليه ع هيثم بس فضلت ف اوضتها تفكر أنها مراته وهو لازم يرجع لها مابقاش انا سبب بعده عنها رحمه مش عارفه أنها طليقته من كلامها ومنظرها معاه خمنت كدا رحمه قررت أنها هتحاول ع ادي ماتقدر ماتحتكش بهيثم
هيثم ف اوضته بيفكر لما خلاص بدأت أقرب منها تطلع الزفته دي ياتري بتفكر ف ايه ياربي ياربي
عد يوم واتنين و 3 و 4 و 5 و 6 أسبوع من غير رحمه ماتروح تزور هيثم كانت بتعرف اخباره من هند وهو زعلان جدا وشك أنها بعدت عشان رانيا
موجود هيثم ف اوضته عايز يخرج من المستشفى بس الدكتور مانع بيقوله لسه حالتك ماستقرتش
وائل:-مالك ياعم دلوقت تخرج اصبر يوم كمان
هيثم:-اتعبت من السرير انا كويس لا هخرج
وائل:-اصبر بس يجي الدكتور واشوفه انت مستعجل ع ايه الشركه وكله تمام فيها
هيثم:-وحشوني الناس جدا
وائل :-ناس مين😉
هيثم:-يا وائل ضحكتني وانا مالياش نفس اضحك
وائل :-لا اضحك والله بتسألني عليك ديما وكل شويه
هيثم:-مين دي
وائل:-مين دي ال كنت بتخترف باسمها ف البنج
هيثم:-هو انا كنت بخترف بالله عليك قولت ايه
وائل:-كنت بتنده ع رحمه
هيثم:-😯 ياخبر ملون انت بتقول ايه
وائل :-ماتخافش سرك ف بير انا اخوك يا حبيب اخوك
هيثم:-لا مش خايف انا عارفك المهم الباقي
وائل:-اطمن محدش سمعك غيري بس قولي من أمتي الحب دا ول إعجاب ولا ايه الحكايه
هيثم:-والله معارف هي جت كدا كنت بشوفها زي ماقولتلك بس مش عارف مين يوميا كنت لازم اشوفها وماكنتش عارف ان ممكن اتعلق بحد كدا من غير ماشوفه وهي بالنسبالي حد جديد مختلف مافيش زي كدا ولم قربت منها وعرفتها عن قرب اتشديت ليها ف كلامها أسلوبها احترامها ف كل حاجه اتعلقت بيها بس بحاول أقرب منها وهي بتصدني
وائل :-بص يا صاحبي هي فعلا محترمة ومحترمة جدا كمان فدا طبيعي أنها تصدك خصوصا انها منتقبه يعني عايزاها تعملك ايه
هيثم:-ياعم حتي تبص ف عنيه دي حتي عيوني يستحيل تقعد دقيقه ع بعضها
وائل :-ههههههههههه الحب نار أخيرا جربته
هيثم:-هو ال انا فيه دا حب❤
وائل :-اكيد يا صاحبي شد حيلك بس انت وكل يتصلح
هيثم:-بعد ايه دي من يوم الزفته ماجت وهي معبرتنيش تاني
وائل :-ياعم ماعبرتكش بس بتسال عليك
هيثم:-حتي فون ماكلمتنيش
وائل:-بس هي مش معاها الفون بتاعك رقمه
هيثم:-تصدق فعلا
وائل:-شفت بقي انت ظلمها ازاي
هيثم:-افتكر أن هو ال معاه الفون بتاعها
خرج وائل:-شويه يشوف الدكتور عشان هيثم يخرج
خرج هيثم الفون بيرن
..................
عند رحمه ف اوضتها رقم غريب بيرن رن مره واتنين وأخيرا ف التالته ردت
رحمه:-الووو
هيثم:-الووو ازيك يا رحمه
رحمه:-الحمدلله مين
هيثم:-مش عرفاني مين
للحظة رحمه حست أن دا هيثم بس عرف رقمها ازي دا مش مشكله المشكله أن هو هو بيكلمه اهو كان واحشها صوته ونفسها تشوفه
رحمه:-اخبارك ايه
هيثم:-عر فتيني
رحمه:-اكيد خرجت من المستشفي ول لسه
هيثم:-الله دانتي بجد عرفتيني وعرفتي ازاي وبإمانه
رحمه:-اهو عرفتك وخلاص
هيثم:-بالله عليكي عرفتي ازاي هيثم كان نفسه تقوله حسيتك أن انت
رحمه:-مجرد احساس
هيثم :-هو دا ال عايز اسمعه
رحمه:-نعم
هيثم:-ولا حاجه مافيش انتي يعني سالتي عليا تاني
رحمه:-ازاي دا والله كنت بسال عليك هند ووائل ع طول
هيثم:-انا عارف انا أقصد انك تيجي تشوفيني لو انتي مش فارق معاكي انك تشوفيني فأنا فارق معايا أن اشوفك
رحمه:-ماعرفتش ترد معلش معايا ندا تعبانه شويه دخلت ف ال 9 وخايفين عليها المهم انت هتخرج امتي
هيثم:-اممممممم النهارد بإذن الله
رحمه:-حمدالله ع سلامتك
هيثم:-الله يسلمك هشوفك اول مخرج
رحمه:-ربنا يسهل بإذن الله
هيثم:-يارب
رحمه:-استاذنك انا
هيثم:-اتفضلي
قفل السكه معاها ورحمه فرحانة وزعلانه سمعت صوته دا معناه أنها لسه في دماغه بيفكر فيها يفكر ايه اصحي فوقي اديكي شفتي مراته ايه انتي ايه بالنسباله بس هو مهتم بيا كدا ليه الأهم من كل دا انه خارج النهارد أخيرا نور اوضته هيظهر وشباك بلكونته هيتفتح تاني وفضلت تفكر كتييييير
$$$$$$$$$$$
أخيرا هيثم خرج من المستشفي متوجه ع فيلته ال كانت هند وعم عبده ف استقباله روح بيته يرتاح فيه ينزل الجنينه ف أي حته والأهم من كل دا انه هيرجع يشوف رحمه
منتظر هيثم رحمه ف أي وقت زي ماوعدته أنها هتيجي تشوفه وبالفعل ع الليل كانت رحمه والحجه عليه عنده وأخيرا عيونه اتملت منها شافها بس ايه دا ليه الحزن دا ليه كل دا يارتني اعرف مالك فيكي ايه واخفف عنك رحمه اتعمدت أنها ماتبصش خالص لهيثم عايزة تبعد بس ازاي وهو اخترق كل شئ فيها عقلها كلها كدا والأهم قلبها القفل اه فعلا اتزاح من مكانه وبيستقبل حب هيثم بس ياتري العقل هيرجع يقول ايه
$$$$$$$$$$$
عدت الليله وجه تاني يوم رحمه ف صراع بين قلبها وعقلها عايزه تطمن عليه بياكل كويس بياخد ادويته حالته ايه
وليد عز راح لهيثم الفيلا واتفاجا هيثم بيه لما عرف انه جه سكن ف الفيلا التانيه بتاعته ال جمب رحمه واداله ال 3 مليون بتوعه
رحمه قاعده والدتها
الحجه عليه :-رحمه هو هيثم اخباره ايه
رحمه:-معرفش يا ماما
الحجه عليه:-طاب يابنتي انا عايزة اطمن عليه
رحمه:-روحي شوفيه
الحجه عليه:-هروح وحدي ينفع دا
رحمه:-ياماما انتي عايزة ايه دلوقت
الحجه عليه:-5 دقايق نطمن عليه ماتنسيش أن كمان رجله مكسورة يعني مش بيعرف يمشي
رحمه:-حاضر ياماما
راحت رحمه مع والدتها الحجه عليه عم عبده ماكنش موجود
وقف هيثم وبدأ يعرج برجله لحد مافتح الباب اتفأجا لا مش اتفأجا دا فرح
رحمه:-السلام عليكم
هيثم:-بصوت كله حب وعليكم السلام
الحجه عليه:-اخبارك يابني انا جيت اطمن عليك
هيثم:-انا بخير طول منتو بخير اتفضلوا
دخلوا الفيلا وهيثم عنيه ع رحمه
هيثم:-تشربو ايه
رحمه:-نشرب انت بتقول ايه وعم عبده فين
هيثم:-خرج مشوار
رحمه:-وبتقولنا نشرب ايه ع أساس انك انت ال هتعمل
هيثم:-ههههههههههه لا انتي ال هتعملي والمطبخ اهو
رحمه:-اه إذ كان كدا ماشي افتكر انت
هيثم:-لا عندك اهو وأي حاجه اعملي عشان الحجه
الحجه عليه:-قهوتك حلوة يا رحومه اعملي لي قهوة
رحمه:-ماما انتي بتقولي ايه
هيثم:-اممممممم قهوه يبقي فيها
رحمه:-ماينفعش ليك عشان الأدوية
هيثم:-يا ستي قولي يارب بس انتي هتعملي يبقي ادوووق زي امي ممكن
رحمه:-أمري لله ممكن
قامت رحمه ع المطبخ دخلت حلو جدا عجبها فضل شويه هيثم واستاذن الحجه عليه قالها أقولها مكان الحاجه فين ممكن تتوه
دخل هيثم لرحمه المطبخ اتفاجات بيه بس اتحرجت
هيثم:-انا جيت اساعدك
رحمه:-شكرا
هيثم:-شكرا ايه جيت اقولك ع أماكن الحاجه فين ممكن تتوهي
رحمه:-لا كنت هقلب ف كل حاجه لحد ماعرفهم فين
هيثم:-كل دا حرام عليكي قرب منها قالها بصي دي القهوه وشاور ع حاجه وراه منها التفتت تشوف رجعت عيونها تاني كان هو قصاد العيون بالظبط وبتلمع وياسلام ع نظره الحبيب لحبيبه بل العااااااااشق نظره طويله بس مش اووي بعدت رحمه عيونها عنه
هيثم:-ليييييييه
رحمه:-ليه ايه
هيثم:-انتي اي الا بتعمليه دا كل محاول أقرب منك بتبعدي ليه
رحمه:-انت بتقول ايه
هيثم:-ال سمعتيه انا بحاول أقرب منك وانتي بتصديني ليييه
رحمه:-ارجوك بلاش الكلام دا
هيثم:-ارجوكي انتي ..........
# نكمل بكره
تعبت وانا أقسم بالله تعبانه
#توقعاتكم هيثم هيعترف بحبه لرحمه هي هتقبل ول هترفض رد فعلها ايه
ندا رد فعلها اول ماتعرف الحقيقه ابنها هيتولد امتي
هيثم:-هيخف ويرجع شغله ايه الجديد ال مستنيه
والأهم من كل دا #رحمه هتعمل ايه لهيثم ودا ال هيخليهم يقربو من بعض اكتر وغصب عنها هتحبه لا لا هي بتحبه بس مع الوقت هيظهر دا
#وليد عز هيروح لرحمه البيت ورد فعل هيثم لما يعرف ايه
#ملحوووووووظه
انا مش بمدح ف رحمه رحمه شخصيه جميله وف منها كتير ف ال ظاهر وف ال مش ظاهر سواء ف الصعيد أو غيرو لكل إنسان شخصيته المستقله دي بطلت روايتي وف زيها ف الواقع كتير وأحسن كمان
#انا بجد مش عارفه اشكركم ازاي ع تفاعلكم دا هو دا ال مشجعني ع الاستمرار انا بيكم انتو ومن غيركم ولا حاجه وفاء رشدي انتو ال بتشجعوها كل كلام التقدير والشكر مايجيش حاجه انتو بجد جمهور رائع وإني احبكم ف الله
#انتظرووووووووووووووووني
بقلمي Wafaa Roshdy
