روايه عشقت_منتقبه
الحلقه السادسة
بعد ماهيثم راح عندها وشاف حالتها دي وقف عاجز يكلمها ول لا خصوصاً انه لو كلمها ممكن ماتسمعوش طاب يعمل ايه وقف يبصلها وهي ولااااااا هي هنا تايهه ف عالم تاني بتعيط ونفسها مكسورة هو اتمني ف اللحظه دي ياخدها ف حضنو ويمسح دموعها بايده ويقولها انا اسف حقك عليا انا من كل حاجه جرحتك من كل انسان ظلمك انا بتأسفلك ويهديهاا بس ماينفعش هو حتي كلام معاها مش قادر يتكلم وقف وحالته صعبه لا عارف يقرب ولا عارف يبعد رجع خطوات لورا وحط ايده ع شعره من ورا فوق راسه وبعدها ايده ع وشه وعنيه ورجع تاني للعربيه فضل فيها يراقبها من بعيد وهو عاجز مش عارف يعمل ايه ليها ويفكر ف دماغه ميه سؤال وسؤال علامات استفهام كتير عنده محتاجه اجابه........ شوية وشافها بتتحرك من مكانها هتقوم ساق عربيته ومشي راح عند عم محمد يشوف جت واخدت العنوان ول ايه
$$$$$$$$$$$$
عند عم محمد
هيثم:- السلام عليكم ازيك ياعم محمد
عم محمد:- وعليكم السلام الحمدلله يابني
هيثم:- ايه مافيش اخبار عن رحمه
عم محمد:- لا والله يابني ماجتش انا كدا قلقت عليها وممكن اسئل
هيثم مارديش يقول لعم محمد انه شافها عشان مايقولوش انت شفتها وجاي تسئل
هيثم:- اصبر وربنا يسترها
.............
شويه ودخلت رحمه
رحمه:- السلام عليكم ورحمه الله تعاااالي وبركاته
الاتنين من صوت واحد وعليكم السلام
عم محمد:- رحمه فينك يابنتي كل دا قلقتيني عليكي
رحمه:- انا اسفه والله ياعم محمد بس كانت عندي ظروفي اضطرتي ان اسافر البلد مستعجله ومارجعتش غير الصبح
عم محمد:- خير يابنتي ربنا يجعله خير مالك
رحمه:- مافيش اختي تعبانه شويه وهي حامل فخفنا عليها انا وامي سافرنا شفناها وجبناها معانا تولد وبعدين ترجع لزوجها
عم محمد:- الف سلامه عليها ربنا يشفيها ويقومها بالسلامه
رحمه:- الله يسلمك تسلم
هيثم:- الف سلامه
التفتت رحمه لهيثم ولاول مرة اتقابلت العيون عيون رحمه البني فاتح وهيثم الخضرا ال لسه ماستوتش
رحمه:- الله يسلمك
ورجعت وشها تاني بعيد عنه
هيثم بيكلم نفسه عيونها جميله جداً بالرغم من جمالها ال انها حزينه والحزن باين فيها وتاه هيثم ف دنيا تانيه قاعد قدام رحمه بس رحمه ولا التفتت تاني له بتكلم ف عم محمد
رحمه:- عملت ايه ف ال قولتلك عليه ياعم محمد
عم محمد:- بيبص ع هيثم جبتلك عنوان شركه هي الوحيده ال جبته هنا ف مصر شركه كذا........
رحمه:- بجد الف شكر ليك والله مش عارفه اقولك ايه
عم محمد:- ف ايه يابنتي انا عملت حاجه دي حاجه بسيطه بس هتعرفي تروحي وحدك
رحمه:- ليه يعني ياعم محمد اعرف باذن الله
عم محمد:- ماقصدش حاجه يابنتي انتي بردو لسه جديده هنا وماتعرفيش مصر كلها ادي ال اقصده
هيثم:- انا رايح الشركة دي دلوقت ممكن اوصل حضرتك لو هتروحي
التفتت رحمه لهيثم وبصلته من فوق لتحت ودا ال خلاه يقول لنفسه مالها انا عملت ايه 😨
رحمه:- شكراً لحضرتك
هيثم:- انا مش بقولك عشان تشكوريني انا بتكلم جد
رحمه:- وانا حضرتك بتكلم بجد وبقولك شكراً
هيثم:- عم محمد لسه بيقول انك لسه. جديده هنا وماتعرفيش مصر كلها ومافيهاش حاجه لما اساعدك واعرفك مكانها
رحمه:- بصت بصه لهيثم عايزه تحرقه فيها وبتقول ف، نفسها ايه المتطفل الرخم دا 😡
رحمه:- هو انا عشان جديده. ف مصر يبقي مش هعرف اروح اي مكان انا عايزاه وبعدين التاكس مش هيودي ال انا هقوله عليه واي مكان انت عايزه!!!!؟؟؟؟؟
هيثم:- بنظرة اعجاب... اه هيودي فعلاً
رحمه:- يبقي شكراً لحضرتك وانا هاخد تاكسي يوديني
....................
كل دا وعم محمد ساكت ماتكلمش عرف من كلام رحمه انها فعلاً ممكن ماتقبلش كلام من هيثم بعد ماهيثم مجرد انه بيعرض عليها انه يوديها الشركه واحده من غيرها لمركز هيثم ووسامته كانت وافقت بس دي ولا حتي حرك شعره منها وبتكلمه وهي واثقه من نفسها فعلاً شخصيتها قويه!!!!!!
رحمه:- ماشي ياعم محمد الف شكر ليك
عم محمد:- لا شكر ع واجب يابنتي دا واجبي من ناحيتك
رحمه :- يلا سلام عليكم
هم الاتنين وعليكم السلام
خرجت رحمه ومشيت من عند عم محمد وهيثم ف حاله ذهول اعجاب فرح احساس ملغبط عنده معجب ان ف واحده زي كدا مش مصدق نفسه
عم محمد:- هيثم باشا
هيثم :- نعم ياعم محمد معاك
عم محمد:- هو انت ماقولتش ليه لرحمه ال انت عايز تسئل عليه
هيثم:- اديك شفت قدامك بدايه الكلام ايه تفتكر كانت هتتقبل عادي ماظنش الايام جايه واكيد هسئالها
عم محمد:- عندك حق يابني بس والله هي طيبه وشخصيه حلوة
هيثم:- اكيد شخصيه حرة وقويه هي كدا الصعيديه
عم محمد:- ربنا يحفظها ويحفظك
هيثم :- تسلم ياراجل ياطيب استأذنك انا همشي سلام عليكم
عم محمد :- وعليكم السلام
$$$$$$$$$$$$$
خرج هيثم وشاف رحمه بعيد عنه قرر انه يمشي لحد مايوصل الڤيلا وساب عربيته عند مكتب الامن قال اجرب المشي شويه لقي ف المشيه راحه وطاقه حلوة جدا بيخرج كل الكبت ال فيك وبيديك طاقه حيويه قال فعلاً عشان كدا هي بتمشي انا ماسبش ليه العربيه عند الامن ف اول الكومباوند وامشي ف الكومباوند اتمشي زي رحمه اشوف الامكان شاف جمال الامكان قال كل دا عندي وكان مداريها منه العربيه حاول يلحق رحمه بس ماعرفش لان. كل ال بيقابله بيسلم وهي ماشيه خط مستقيم مابصتش ابداً ورا ع طوووول لحد ماوصلت فيلاتها ودخلتها مشي هيثم لحد ماوصل عند الفيلا بتاعتها ووقف شويه قدام الباب وبعدها ع فيلاته وصل هناك
هيثم :- السلام عليكم
عم عبده:- وعليكم السلام اخبارك يابني مبسوط النهارد ربنا يفرح قلبك اكيد ف اخبار عن رحمه!!!؟؟
هيثم:- هههههههههه اه ف جت كانت مسافره البلد اختها تعبانه جابتها هنا وجت
عم عبده:- مش قولتلك يابني دي مايمنعهاش غير الشديد القوي الحمدلله انك اطمنت عليها ايه كلمتها
هيثم:- ههههههههههههههه اه طبعاً وحكي لعم عبده ال حصل
عم عبده:- جدعه والله جدعه وبت حرة ودمها حر ماوفقتش ان حد غريب يوصلها لو واحده من. مكانها وشافتك بحلاوتك وعيونك الملونة دي كانت وافقت انما هي لااااا دا دليل ع الربايه الصح والاصل الطيب، هيثم:- تصدق فعلاً
عم. عبده:- وهتعمل ايه ع كدا انت بردو لسه ماعرفتش منها موضوع الفيلا دا
هيثم :- ربنا يسهل وهعرف
عم عبده:- يارب يابني احضرلك تاكل
هيثم :- لا هنام وبعدها عندي حفله هحضرها
عم عبده:- طيب عايز حاجه
هيثم:- سلامتك
وخرج عم عبده من عند هيثم وسابه واقف ف البلكونه
$$$$$$$$$$$$
عند رحمه ف البيت
ندا:- وحشني محمد 😢
الحجه عليه:- انتي لحقتي ماكملناش يوم
رحمه:- الحب نار الله يسهلووو 😉
ندا:- بتتريقوا عليا
رحمه:- ابداً والله احنا قولناله تعالي وهو ال موفقش عشان الشغل
ندا:- اه الشغل وسنينه 😢
رحمه:- معلش احنا خايفين عليكي تولدي وتقومي بالسلامه وهنرحلك ع بيتك
ندا:- يارب يارب
$$$$$$$$$$
عدت الليله ع رحمه ف بيتها مع والدتها واختها وهيثم راح ع حفلته وجه تاني يوم وتحديداً ع الساعه 12 الضهر
رحمه:- ماما انا هخرج هروح اجيب الفون ال قولتلك عليه عم محمد جابلي العنوان
الحجه عليه:- وهتعرفي تروحي واحدك !؟
رحمه:- اكيد يا امي هاخد تاكس يوديني عند باب الشركة
الحجه عليه :- ماشي يابنتي خلي بالك من نفسك كويس
رحمه:- ع الله
الحجه عليه :- ونعمه بالله
$$$$$$$$$$$$
وصلت رحمه عند الشركة بالفعل استقبلها الامن ايوة حضرتك أآمري رحمه:- الامر لله وحده كنت بسئل ع ماركة فون كذا عرفت انه هنا ف الشركة دي
الامن:- اسم حضرتك
رحمه:- رحمه سيد محمود
الامن :- اهلاً بيكي يافندم اتفضلي معايا ع مكتب المدير
..........
اخد الامن رحمة ع مكتب المدير الاستاذ طارق اول ما رحمة دخلت استقبلها المدير بحفاوة وترحيب ودا خلي رحمة تشك
طارق:- اهلاً يافندم اتفضلي
رحمه:- شكراً لحضرتك انا كنت بسئل ع ماركة فون كذا هي هنا،؟؟
طارق:- ايوه شويه اجبها لحضرتك
رحمه:- اتفضل
خرج طارق راح يجيب الفون
$$$$$$$$$$$$
هناك عند هيثم فون بيرن
هيثم:- الووو
طارق :- ايوه ياباشا البنت ال حضرتك قولت عليها هنا موجوده ف مكتب حضرتك
هيثم:- تمام نص ساعه واوصل عندك ماتخليهاش تمشي
طارق:- حاضر ياباشا
$$$$$$$$$$$
السكرتيرة دخلت. لرحمه المكتب ومعها حاجه ساقعه
السكرتيرة:- اتفضلي يافندم
رحمه:- لا شكراً مش هشرب حاجه
السكرتيرة :- لا يفندم المدير موصي عليكي ماينفعش كدا
رحمه:- هو فين المدير انا عايزه امشي زهقت
السكرتيرة :- جاي بسرعه
............،،،،،،،،،
رحمه زهقت وهي مستنيه المدير وقفت شويه ف المكتب وقفت عند الشباك وبصت منه خلاص جابت ع اخرها معاها هتمشي يعني هتمشي خصوصاً انها مش فاهمه حاجه المدير سابها وخرج ف ايه لسه هتاخد شنطتها وهتمشي دخل عليها استاذ طارق
طارق:- انا اسف جدا ع التاخير
رحمه:- هو ف ايه حضرتك لو مش موجود الفون انا ممكن امشي واجي ف يوم تاني انما التأخير دا ماينفعش
طارق :- اسف يافندم بس هو لسه ما كان وصل لما حضرتك جيتي
رحمه:- خلاص امشي واجي لما هو يكون وصل
طارق:- لا ماخلاص هو وصل وخفت اقولك. كدا ف الاول حضرتك تمشي او تقولي اننا كدابين عندنا ومش عندنا
$$$$$$$$$$
شويه وباب المكتب فتح دخل هيثم وماسك الفون ف ايده ف علبه اشبه بعلبه الهديه...... بصت رحمه بصت استنكار
رحمه:- هو ف ايه
طارق :- الفون وصل اهو
.............
شاور هيثم لطارق انه يسكت ويخرج برا وبالفعل خرج طارق
رحمه:- ممكن اعرف حضرتك هو ف ايه
هيثم:- اهدي شويه مافيش حاجه انتي عايزه فون واهو
رحمه:- هي الشركة دي بتاعتك!!؟؟
هيثم :- بتاعتي وطلبت منك اني اجيبك هنا وانتي رفضتي
رحمه:- طبيعي ارفض لا الشرع بيحلل بكدا ولا ربايتي تسمح. بكدا فلازم ارفض
هيثم:- والله اانا مقصدت حاجه انا عارف انك غريبه مش من هنا حبيت اساعدك بس
رحمه:- الف شكر لحضرتك
هيثم:- اتفضلي الفون اهو
اخدت رحمه الفون من هيثم وبصت ف
رحمه:- الله هم بيبعوه بعلبه شبه الهديه كدا ول ايه
فتحته لقيت علبته الاساسيه
مسكت العلبتين وقالت
رحمه:- ايه دا
هيثم:- بصراحه وومن غير عصبيه انا ال عملت علبه الهديه
رحمه:- بتعجب ازاي دا وليه
هيثم:- استاذه رحمه انا داخل دلوقت ع الشهر وانا بشوفك لفتي نظري بنقابك حاجه جديده ف الكومباوند مش عارف جيتي ازاي فطبيعي ان لازم اعملك. حاجه زي الهديه
رحمه:- حطت علبه الهديه ع المكتب ومسكت الفون بعلبته الاساسيه
رحمه:- ممكن لو سمحت اعرف تمنه كام؟؟
هيثم:- من غير فلوس
رحمه:- يبقي مايلزمنيش وسابت الفون ووقفت
هيثم:- طيب اهدي خلاص بضحك معاكي تمنه كذا
رحمه:- بتقبل فلوس كاش ول ممكن فيزا كارت
هيثم:- لا ممكن فيزا لو معاكي
رحمه خرجت الفيزا وادتها لهيثم وهيثم كلم طارق وجه اداله الفيزا وقالو خد تمن الفون وهاتها تاني
رحمه ماسكت الفون وفتحته
هيثم:- هتعرفي تشغليه ولا اعلمك
رحمه:- رفعت حاجب واحد من تحت النقاب وبصت برووود بصتها لهيثم وبعدين معاك مرة متعرفيش تروحي واحدك ومرة مش هعرف اشغله مايغركش شكلي انا صعيديه اه. بس معايا اداب فرنساوي قسم ادارة اعمال
هيثم:- وشه كان كدا 😳 بجد
رحمه :- اه والله
هيثم:- بسم الله مشاء الله .
دخل طارق وجايب الفيزا كارت معاه اداها لرحمه رحمه وقفت هتمشي هيثم:- استني عايز اسئلك. ع حاجه هو وليد عز باع لكي الفيلا بكام
رحمه:- نعم 😒.وانت عايز تعرف ليه ايه دخلك ف الكومباوندا
هيثم:- الكومباوندا بتاعي
رحمه:- بتاعك؟؟؟؟
هيثم:- ايوة وكنت عايز اعرف هو باعهالك بكام لان موحد السعر النهارد زي بكره زي بعد سنه وهو اكيد سمسر عليكي ودا شئ مسمحش بيه
رحمه:- ودا شئ مايخصنيش حتي لو كان مسمر عليا فدي فلوس خرجت من ذمتي ومش هسأل عليها
هيثم:- تخرج من ذمتك لحد يستاهل انما وليد عز مايستاهلش
رحمه:- وانا مش هسئال عليها
هيثم:- معلش انا عايز اعرف هو اخد منك كام
رحمه:- انا مش فاكرة كام المحامي هو ال اتفق معاه
هيثم؛ - طاب معاكي العقد
رحمه:-هشوف
دورت رحمه ع العقد ف شنطتها وخرجته له
اخد هيثم العقد واتفاجأ بالمبلغ
هيثم:- كل دا واخده يابن اال..... ويجز ع سنانه ولو كان وليد عز قدامه كان حرقه بجاز وسخ
رحمه:- طاب انا اتاخرت عايزه امشي ممكن
هيثم:- اه اتفضلي وانا اسف لو كان ف حاجه دايقتك مني
رحمه:- لا. ابداً مافيش حاجه ومافيش اسف
هيثم:- تسلمي عايزه حاجه
رحمه:- سلامتك
وخرجت رحمه من الشركه وركبت تاكسي ومشيت بس فكرها مشغول
هو عايز ايه مني لفت نظره وبيراقبني ليه هو ال كان موجود اول مره رحت فيها لعم محمد ايوة انا اتخايلت بواخد زيوا وهو ال جه وقف جنب مني وانا كنت بعيط ووقف وبعدها مشي ايوه نفس الملامح يبقي هو ال ادي عنوان شركته لعم محمد وخلاه يقولي عليها عشان اجي واقابله هنا يووووووووووووووه بس يارحمه اسكتي انتي فيكي ال مكفيكي خرجيه من دماغك......
هيثم من االرغم. من فرحته انه اخييراً كلم رحمه بس مدايق من ال عمله وليد عز
نكمل بكره
توقعاتكم ايه ياتري رحمه هتبطل تفكير ف هيثم وفعلاً هتخرجه من عقلها ولا قلبها ليه كلام تاني هيتفتح القفل المصدي ال ليه سنين عليه ول ايه والاهم من دا
هيثم هيعمل ايه مع وليد عز
كل دا واكتر هنعرفو الحلقات ال جايه انتظروني
بقلمي Wafaa Roshdy
