#روايه
#عشقت_منتقبه
الحلقة #التاسعة
بعد ماعرفت هند سبب حزن رحمه ايه أن أولادها وزوجها ماتو واتأثرت بكدا
هند:-ايه ال حصل يا أمي ماتو ازاي
الحجه عليه:- يووووووه يابنتي موضوع طول وحكاية شبه الافلام بس دي واقع وف ف الواقع اكتر من كدا
هند:- ياقلبي يا أمي كل دا
الحجه عليه :- رحمه بنتي اتجوزت صغيره كان عندها 16 سنه وكانت لسه في الثانوي وزي منتي شفتي حلوة والف واحد يتمناها كل يوم عرسان مختلفه تيجي وابوها الله يرحمو اتوفي بدري وانا كملت المسيره وراه وكانوا صغيرين معايا اعمامها رفضوا كدا قالو حلوة والعرسان راحه جايه وغير المعاكسات ماينفعش لازم تتجوز انا حرام عليكم البت لسه صغيرة سيبوها تخلص حتي ثانوي مافيش ماقدرتش ع اعمامها واحنا ف الصعيد وخصوصا القري الست ال بيتوفي زوجها وعيالها صغير مالهاش كلام ول رأي ومعرفتش اعمل ايه .... اتقدملها علي الله يرحمو ويسامحه ع ال عمله كان لسه راجع من سفره كان عنده 35 سنه شوفي فرق السن هي 16 وهو 35 فوق 20 سنه شاب كويس ماديا وف بيت عيله وبنتي لسه عيله صغيره ماتعرفش حاجه وافقوا اعمامها عليه وتمت الخطوبه ورحمه زيها زي أي بنت بس من صغرها عقلها يوزن بلد وتعرف تسياس أمورها شرطت أنها لازم تكمل تعلمها ومع اصراراها وافق علي ع كدا كان فاكر أنها لما تدخل بيتهم وتخلف عيال هتبطل من نفسها كان فاكر كدا مايعرفش أن رحمه روحها ف التعليم وعندها عزيمه وإصرار مش ف حد وبتحط هدف ف دماغها ولازم تعمله اتجوزت رحمه كانت زي الملكه بالفستان الأبيض يوم فرحها حصلت مشكله اخو زوجها جمال كان متيم برحمه وبيحبها ومحدش كان يعرف دا ول رحمه حتي زعل واتخانق مع طوب الأرض دا بعدين خالص عرفنا بعد رحمه ما تعبت لما كتر المشاكل ف البيت بسبب الموضوع دا كان مستنينها تخلص ثانوي ويتقدم لها بس أخوه سبقه وعلي كان عارف بحبه ليها ومع ذلك كسر قلب أخوه لما سألوه جمال انت عملت كدا ليه قالو انا أحق منك بيها انت لسه عيل وجمال أكبر من رحمه ب 4 سنين بس وجدع جدا احسن من أخوه ب 100 مره
من أول ما تجوزت رحمه ودخلت البيت مشاكل ف مشاكل وماكنوش عايزنها تكمل تعليم كانت بتروح الامتحانات بس بالرغم من أنها تخدم ف البيت زيها زي غيرها حبو يخففو من المشاكل دي جوزو جمال وجمال حتي يوم فرحه اتخانق وماكنش زي العرسان ومراته ال جوزها مش كويس وحشه ومن اول ما دخلت البيت وأولاد الحلال قالولها أن جمال كان بيحب رحمه بدأت تاخد بالها من جمال معاملته مع رحمه ايه وتتخانق مع أن والله بنتي ماكانت تعرف وانا أشهد ع كدا بنتي انا مربياها تربيه صح عمرها ماتعمل حاجه حرام أو غلط تمشي ف الشارع ماتبصش ع حد ول كانت تاخد بالها من جمال انه بيراقبها كانت بتتجنب بنتي المشاكل وتيجي عندي تمتحن تقعد يومين وتمشي ربنا كرمها بأول فرحتها كريم
$$$$$$
هند:- استوعبت هنا عيون رحمه ال اتملت دموع ولما أخدت منها كريم وفضلت تبوس فيه واتعلقت بيه
هند:- كريم ابنها الكبير اسمه كريم
الحجه عليه:- ايوة يابنتي عشان كدا علقت مع كريم ابنك كان طفل مش زي الأطفال كان سابق سنه واخد عقل أمه ودماغها وتفكيرها ال ديما صح .... علي ف الفتره دي بطل يسافر أو حتي يشتغل فضل ف البيت الحمل زاد والمسؤليه زادت والمشاكل زادت من يوم مرات جمال ما دخلت البيت خلصت رحمه الثانوي حبت تقدم ع كليه رفض علي قالها البيت والعيال كانت حامل ف اياد الابن التاني بعد كريم بدأت الحاله تسوء اكتر ومافيش فلوس رحمه لأول مرة تقف قدام علي واتخانقت معاه اياد تعب وعايز كشف ومافيش للكشف بتقوله قالها مافيش معايا ال يموت يموت وال يعيش يعيش سمعت رحمه الكلام دا واتجننت انت كنت بتتجوز ليه وتخلف عيال بتجبني ليه من بيت ابويا كنت سبتني هناك من اليوم دا انا مسؤله عن عيالي وإياك تكلمني رحمه لسانها الحلو كان ليها معارف كتير واحده صحبتها أكبر منها ف السن جمعت لها شغل قدمت ع كليه وهي بتشتغل ومحدش كان يعرف ول حتي علي كانت مع الاتنين وتشتغل وتصرف ع البيت والعيال وكمان هو والله بنتي كانت بتعمله معامله عمري ماشفت زوجه بتعاملها زوجها كدا كانت تقبض المرتب وتدهوله وتقول هو راجل البيت ويمسكه وهو يصرف علينا وكانت الدنيا مستورة معاها عارفه تدير بيتها بعد سنتين عرف علي انها بتدرس وف كليه منه لله اخوهم التالت محسن شافها خارجه من الكليه وروح البيت عمل مشاكل وقفت رحمه قدام الكل قالت انا مريت بظروف صعبه حد فكر فيكم انه يساعدنا انا بشتغل وبصرف ع نفسي ودراستي وبيتي ومحدش له عندي حاجه وال عايزين تعملوه اعملوا وسابتهم ومشيت دافع عنها جمال انتو مالكم كل واحد حر ف نفسه ردت مراته عليه من حقك تدافع مهي حبيبت القلب ضربها بالقلم وقالها اخرصي من طول ما مش فاهمه حاجه أياكي تتكلمي انتي بتسمعي وخلاص
ركب علي عند رحمه واتخانق معاها انفجرت فيه قولتو بدل ماتشكريني سخنوك عليا تحت وجاي تتكلم قالها انتي بتعيريني يومها بنتي جاتني لا حول لها ولا قوة وحصلها نزيف من كتر الضرب طلعت حامل ف مريم ف شهرين جابت بعد اياد مريم بنت عسل اه ياقلبي عليكي الدكتور لحق النزيف وحالتها اتحسنت ف الوقت دا كان سافر عادل اخوها مكنش موجود واعمامها ماعندناش بنات تزعل وتقعد عند بيت ابوها رحمه شافت كتير إذ كان من زوجها ول حتي اعمامها ماكنش ليها ضهر زوجها عمره ماقالها كلمه شكر بالرغم من كل ال بتعمله دا وكانت شيلاه وشايله بيته بالعكس كان ديما بيهنها وبيضربها كان فاكرها أنها عارفه بحب جمال طاب انت كنت شاكك ف كدا بتتجوزها ليها كان حاطط ف دماغه انه ماتفرقش معاه بس معامله جمال لرحمه ف البيت خصوصا لما كانت متجوزة جديد هي دي ال خلته يشك اكتر مع أن شهاده حق جمال بعد خالص قال أنا بتعذب لما بشوفها وكمان عشان ماتحصلش مشاكل ليها جمال عكس علي لو جمال هو ال اتجوز رحمه كان صانها بس للاسف جمال كتم حبه لرحمه وماقلهاش يمكن لو قالها كانت ف حاجات كتير اتغيرت بس هنقول ايه الحمدلله ..
$$$$$$$$
#كل دا وهند بتعيط
الحجه عليه:- انتي بتعيطي انتي لسه شفتي حاجه دي بدايه من مأساة بنتي انا عمري منسي شكل بنتي ولا منظرها وهي جاي تجري زي الأطفال الصغيرة ف الشارع من اوله لحد ما وصلت البيت وشافت شكل البيت قدامها وهو كوم تراب قلب الام مش مصدقه ان دا البيت دخلت وسط الرجاله بتدور ع عيالها وجوزها اول جثه خرجوها جثه زوجها وقفت ف حالة ذهووول زي ال شايف حقيقه قدامه بس مش عايز يصدق مع انها حقيقه مافيش ثواني وخرجو جثث التلات اولاد ليها هنا رحمه وقعت من طولها كانت ف حضني بعد ماخرجها جمال من وسط الرجاله وهو بيبعد فيها وهي مش عايزه تمشي مسك ايديها وهداها وقالها كلهم كويسين مع انه عارف انه ماتو بس مايقدرش يقولها كدا اغمي عليها رحمه ودخلت ف غيبوبه لمدة شهر وبعد مافاقت جتها حاله هستيريا تقوم تصررخ وتعيط يديها الدكتور حقنه منوم ترجع تنام تاني شافت كتير
$$$$
فضلت تعيط الحجه عليه وهند ومعاهم ندا
ندا:- بتفكريني ليه يا امي بالفات دي ايام ربنا مايرجعها تاني ول يوريها لحد
هند:- انا اسفه والله ماقصدش ان افكركم وماكنتش اعرف بكل دا ياقلبي عليكي يا رحمه كل دا حصلك
ندا:- رحمه اختي والله لو واحده من غيرها كانت اتدمرت من زمان تعرفي كمان ان علي زوج رحمه اتجوز عليها وسابها وهي ف العمليات وطفش رجع بعدها بسنه وهو متجوز
هند:- ف حاله ذهوووول 😳 ايه دا كمان ليه يتجوز ليه عليها هو ال معاه واحده زيها يتجوز ازاي عليها وكمان سابها ف اكتر وقت الواحده بتحتاج زوجها فيه لاااااااااا كدا كتير
الحجه عليه:- والله يابنتي زي مابنقولك مريم كان عندها 3سنين ورحمه كانت خلصت كليتها بتقدير امتياز والمكان ال كانت بتشتغل فيها ثبتها ف الوظيفه وكان ليها مكانه تعبت تعب شديد، لما كشفت ولفت ع الدكاتره استقرت ع دكتور يوسف ال كان متابع معاها وهو عرف رحمه كان عندها كنسر ف المخ #سرطان المخ وفضلت فتره تعبانه وماتتحركش من ع السرير كل ماتقوم تدوخ وتقع تاني مش بقولك بنتي من الجبال فضلت بين الكشف والاشاعات والتحاليل والبيت والعيال والشغل وكل دا ياريت #علي كان راحمها والله بنتي كانت تروح وتيجي من عند الدكتور ما كان حتي يسئلها عملتي ايه كانت تقعد تعيط الكلمه الكويسه بترفع معنويات اي حد ودي كانت عايزه ال يدعمها وياخد بيدها وربنا اداها راجل قلبه قاسي حتي ع اهل بيته وعياله
هند:- عياط مستمر مش موقفه
ندا:- بس ياماما كفايه هند بتعيط كفايه
هند:- كفايه ايه لا طبعاً كملي دي قاست كتير لما واحده زيها يتعمل فيها كل دا وع مااعتقد ان سنها صغير
ندا:- رحمه دلوقت عندها 27 سنه ال زيها لسه ماتجوزش
هند:- ايه دي صغيرة خالص كل دا يحصلها ف ايام المفروض تكون اجمل ايام العمر
الحجه عليه :- هنعمل ايه يابنتي الحمدلله رحمه بنتي ماعندهاش حاجه تاني بتقولها غير الحمدلله وع طول تضحك وتهزر برغم من تعبها النفسي والجسدي ال انها بردو مش بتبين قدام حد انها تعبانة
$$$$$$$$$$$$$$$$$$$$
#فلاااااااااااااااااااااااااااااااش_بااااااااااااااااااااااااااااااااااااااااااك
