حب بالغصب

البارت الحادي عشر والاخيير

شمس........
احبة ماكدر بدونة اشلون اشلون اعوفة واني اتعلمت علية اشلون انام اذا مانام بحضنة ظليت ابجي واكول بس هو خاني خاني نزل حتى يثبتلي فتح الباب بكل قوة يمكن انكسر الباب وساحل حنان سحل وامهة تركض ورة وتكلة عوفهة وليدي متعرف والله متعرف عمتي كالت ولج يمة حيخلص ع بنية ظليت واكفة وابجي شنرها يم رجلي وخرت اني كام يعيط ويكول والله لي يدخل اخلص عليهة احجي ولج احجي يا يايا ظل يحجي ويسبها احجيلها كولشي لا اليوم ادفنج انتي وعايشة امهة تبجي وتكلي بنيتي والله هي غلطت ومتتكرر بعد فدوة فدوة كليلة خلي يعوفهة داحجي واسمع عيطة كمزتني كاال معللليهة هي عمة كووولي لبنتج تحجي لمرتي كوولشي لاواللة اموتهة هسة حنان بس تبجي كالت جذب اني جذبت عليج والله هو لايحبني ولا يريدني والاطفال هذولة اطفالي اني مزوجة ورجلي عايش برة واجيت لاهلي علمود ازورهم بس اني احب مصطفى ظلت دتحجي جرها وكللهة شوفي شوفي طلع تليفونة وخابر ع رجلهة وهي وامهة يتوسلون بية ميخابرة شالة كلة مرتك دتسوي مشكال بيني وبين مرتي واليوم وصلت لطلاق اذا متجي تاخذهة اخلص عليهة وسدة ونزلهة سحل والكل طلع وراة ظليت صافنة شسوي ياللة اني اسويت بس تستاهل حتى توب رجع عصبي نار اتقربت منة كتلة اسفة اسفة والله عافتي ودخل لحمام حضرتلة ملابسة واني هم جهزتلة نفسي حتى ارضي شسوي ماتحمل زعلة اعشقة لهل مخلوق اعشقة طلع ختلت ورة الكنتور عبالة نزلت باوع يمنا يسرة وبدل من خلص طلعت من ورة الكنتور هو فز كال انتي هنا كتلة اي اسفة كال تصبحين على خير وعافني وراح نام فرش باكاع ونام ظليت كاعدة صحت علية ماحجة كلت نام جبت فراشي ونمت يمة بحضنة الدافي كعدتع واحد يلعب بشعري عرفتة هو لا اعرفة من ريحتة وايدة فتحت عيني سوة روحة نام كلت معقولة دتخيل ظليت العب بخدودة وبلحيتة دابوسة من خدودة اشو هاذا طلع كاعد رسن افترسني كتلة اشكد محتال ومسوي روحك نايم كال اي حتى اوكعج بالفخ كتلة اسفة ع بارحة كال عادي مصار شي بس مرة ثانية تخليني افهمج واشرحلج هزيت براسي بمعنى اي كمت كعدت كالعادة سبحت هو راح لدوامة واني التهيت تنظيف وشغل وبامناسبة مروة ازوجت وبقت بس فطومة خطية مرات تساعدني بشغل البيت كملت شغل وصعدت نمت لان تكسرت دانام واسمع دكت باب فتحتة لكيت عمتي كالت يعمري نايمة كتلهة لاعمة اتفضلي كعدت يمي كالت اريد اطلب منج طلب كتلة امري مو تطلبين انتي كال انتي تعرفي مصطفى كلبي هو الوحيد النا وماعندي ولد غيرة كتلها اي كالت اريد تجبيلن مصطفى ثاني لعائلة كتلهة اشلون مفهمت ضربتني ع راسي وجع وثول شكم دوب تضلين فاهيية ولج يايمة اريد حفيد ظليت ساكتة محجيت شي كالت ها حتجبيلي مو كتلها انشاء الله كالتي يمة فدوة اللة بنت الاصيل طلعت مجاني نوم بعد انتظرت مصطفى اجة من الدوام سويتلة غدة وخطية نام لان يتعب كعد اني جنت دسوي عشة اسمع عمتي تهللهل كلت خير شكو رحت اشوف اتلكتني فاطمه فرخانة وتكلي ولج نجحتي ومعدلج اثمانية وتسعين فرحت كولش كمت ابجي من كثر مافرحت طرت من الفرحة اجتي عمتي طشت علية جكليت باروكولي عمي انطاني فلوس عود مال هدية وحبيبي كلبي جابلي سيارة ووعلمني سواقة ظلت حياتي حللوة وتخبل مرت فترة كمت احس باعراض غريبة عجيبة لعبان نفس مو طبيعي وعمتي كل يوم جاية ها وين حفيدي اشوكت يجي لدنيا حموت وما اشوفة واني اكللهة عمة عمرج طويل حبيبتي رحت كلت الاعراض لعمتي وياريت ماكتلهة كامت تركص وتغني حيجيني حفيد عمة يجوز موهيج اتكلي اسكتتتي تعلميني كالت خلي يجي مصطفى واخذج لدكتورة شاطر اعرفهة اجة مصطفى وعمتي حجتللللة كولشي اول ما اجة من الدوام فرح مصطفى كولش والبيت كلة فررح بس اني خايفة ماريد احمل لان اخاف من الولادة وهل سوالف صارت دنيا عصر رحنا لدكتورة كالت سولي تحاليل حمل سوينة واني ادعي ما اطلع حامل وهم يدعون مصطفى وانة اطلع حامل ظلينة ننتظر لحد ماصاحو با اسمي مكدرت اكو احس نفسي ثكيلة جابهن مصطفى ودخلنة لدكتورة اني وعمتي شافت التحاليل الدكتورة كالت الف مبروك حامل وبشهر الثالث انتي هسة بس ديربالج ع صحتج اكثر عمتي طارت الفرحة مو واسعتها طلعت تصفك وتهللهل كدام العالم وتكلة ولك يمة حتصير اب اجة علية ديشيلتي بس مكدر يكلي صايرة تاكلين هواي مكدرت اشيلج كولش جت العالم تضحك علينة رجعنا لبيت وعمتي متخليني اشير الخاشوكة وكولهم مهتمين بية صدوك حسسوني اهلي وعائلتي الثانيا ومصطفى شريد يجيبلي خلصن الخمس تشهر وطبيت بشهر التاسع لي هو الضيم والكارثة وانوب ع فكرة توم بنات جنت دسوي العشة بليل الكل موجود كمت احس بالم مو طبيعية كمت اصيح ع عمتي وع عمي ومصطفى اجة مصطفى وعمتي كالت بس لا راح تجيبين كمت ابجي واصيح ماعرف مداتحمللل كالت عمتي لمصطفى منلحك نوديها لمستشفى اكو قابلة قريبا علينا كوم كوم ودينة ودوني علية وجبت بنات اثنين ايخبللن الكل يكول يشبهنج وفعلن لون العيون والبياض كلة اني وعيالي فرحانين كولش بيهن سميتهن وليان وليان
البيت تعبة فرح ومروة هم ازوجة وجابت ولد سمتة محمد وكامت متكرهني وهديل الروح باروح الضلعة مالتي هم زوجة ابن عمة لي تحبة وظليت اني وياهة نسوي زيارات وحدة ع ثانية

ولهنا تنتهي قصتي

بقلم..
اية عبدالرحمن