Who Are You...? Complete

chapter 9

Taehyung pov

Min fawhna atang a inlak hran hnu chuan a chal a ka chal ti si in a thaw chhuak ham ham a,tun ah hian a ngaihtuahna ah enge awm a ,engthil nge a tih hi ka hrethiam lo takzet

"Kookie" a vawihnih nan ka tichhuak leh sep a ,a lu kan in ka mit a chiang tak a rawn en pah chuan "ka lak atang hian kumkhua a i biruk theih i ring em ni Kim Taehyung" chiang fekfawk a a rawn tih chuan ka mengzau kawk,ka thin a phu nghal dup dup bawk "ka ih kookie englo"ka ti bah nghal nawk nawk tun ah hian a ni hian enge ka chung ah a thlentir dawn ka hre lo,mahse thil awmdan riruang chu a hria tih ka hria "thudik min hrilh rawh ,engkim" thaw ham ham pah a a tih leh chuan a mit ah pawh en tha ngam lo in lu ka bu nghat a,ka chhung te in ah tu mah an awm lo bawk a inchhung lam ah inzui lut in sitting room lam ah ka luhphei pui nghal bawk,in hmatawn a couch a kan thut chuan ka zam ngei mai ka kut pawh ka khal thlan dup thei,"ih coffee i duh em,ah… ka sawi awmzia chu alum sia tui vawt ka va lak zawk ang che" ti bah nawk in a chhanna pawh nghak lo chuan ka thut na atang tho in choka lam ah tui la tur in ka tlan nghal daih,keimah chauh min en ngur avang khan ka zam chhe lutuk tlat ,fridge a tui bottle chu lachhuak in  glass no lian vak lo ah ka thli chhuak a nichin mai a ka dahthar chauh a nih avang in a la vawt hman lo,ice cube la in pahnih glass ah chuan ka thlak a ,thawk la halh in Jungkook awmna lam sitting room lam pan in ka phei leh a tui ka pek lai te chuan keimah chauh min en ngur avang in  hun lo tak ah ka laichhe takzet ,a mah hmachhawn zawng a thut ka ngam tawh thlawt loh avang in a thutna couch nilo a bul chiah a sir lam deuh a couch zawk ah chuan ka thu a,a nui suk ka hmuh chuan ka awmdan atthlak zet chu a nuih ni in ka hretlat chu hlei hlei chuan min ti confi lo leh zual

"Chuan thudik chu i sawitan tawh dawn em niang,ngaithla tur in ka in peih reng a nia" a mah hmachhawn zawng a thu duh lo,in sawn na na ka lam hawi a rawn thutrem pah in a rawn ti thum bal a,min en chian leh tawh em a vang in a hma a ka zam na ai mah a let in ka zam zawk bawk,Mingyu ang a ka awm lai khan a lak ah lo ngampa hman viau mah ila Kim Taehyung ang a ka hmachhawn meuh chuan mawng chu za duh uaih uaih tak a ni,ka zam chhe takzet

"Sawi rawh le" a mitko san auh pah in a ti leh sup a,ka chil te lem hmasa leh te te phawt in  " ih diktak chuan ,a tir kha chuan mak ka ti ve tho a ,kha kawngpui cross a min lo kuah khan,kha kha a intan na a nia" ka tih chuan a bu nghut a "Mingyu emaw ka ti che a " a rawn ti sup,ka taksa chhung rawn na nghal zawk chu ka feel nghal thei ,ni e Kim mingyu min ti a nihkha,za lo lutuk a nui chhuak hak in "nia Kim Mingyu min ti bawk a,keipawh ka hrilhhai lutuk a,min hnaih i tum pawh a ka hlat hram hram na chhan che kha Kim Mingyu ka nih loh vang a nia,mahse nangkha chuan Mingyu ang in min hmu tlat sia ,ka lo duh ve sa che bawk nen tian thutluk na ka siam ta a,reilote chhung tal pawh Kim taehyung emaw Kim mingyu ang pawn hlimna ka lo pek che a ,reilote tal nangmah vang a lo hlim ve kha ka thlahlel ta em em a,chuvang a nia khatiang thutlukna liantham siam a Kim Mingyu ang a lem ka chan chhunzawm tak" a tawp lam ah chuan ka tawng zawi sawt hle,kha thutlukna atthlak tak kha amah Jungkook hma ah ngei ka sawi ang tih ka lo ngaihtuah thleng hauh lo,a zahthlak in a tlawm thlak takzet

Jungkook chu ka en a,uluk lutuk in ka thusawi chu a lo ngaithla ran a chhuatlam hawi in a bu deuh nghat nghat bawk,a kum a upa ve deuh tawh nen a awmdan kul muk zet chuan ka nuih a ti za lek lek ,a ruk in ka nui sap a

"Mingyu min ti a min koh chang khan hreawm ka ti in helai hi a na vawng vawng thin" ka awm zawn ka dawm vang vang a,ka mittui lo tla mai tur chu duhlo in ka khap let fak ,za lo te a nui chhuak hak in "ka mawl tiraw" ka tichhuak leh sep,Jungkook chuan hriatthiam har tak mitmeng in min en a,tun ah hian eng rilru nge a put tih hrelo mah ila tun hun bak thudik sawina hun ka nei dawn lo tih ka hria,chuvang chua avai in ka sawi vek law law ang

"Ka ti hreawm hle thin che a ni tiraw" a rawn tih sup chuan hnuailam ka hawi chu dakchhuak in Jungkook chu ka en a,ka thutna couch lam ah lo kalhnai in ka rinloh lutuk in min lo kuah a nih chu. "Ka tihpalh engmah ka hriat loh avang khan,ka tina hle che a ni  tiraw" ti leh sup in ka bek ah a hmui lum thar thar chuan a fawp vang vang a,chu chuan ka hnuk no ko chhuak in insum hman lo in ka tapchhuak hak ,in hniat hlawp hlawp chung chuan "M..Mingyu kha a lo let a ,a hma pawn airport ah ka hmu tawh ka u lo haw ni khan,mahse a mah a ni tih ka hrelo a,college ah ka hmu leh a ih..Sa..Samuel khan a ko a" ka ti chhuak tiak a,Ka awmdan hi zahpuiawm tak a ni tih hre tho mah ila tun ah tak hi  chuan a hun lai a ka nat ang chiah khan ka na nawn leh nimai in ka hria