Who Are You...? Complete

chapter 10

Nidang zawng aiin tukchhuah a nuam Jungkook nen kan chanchin hi Jimin ka hrilh chak tawh lutuk tlat,phone ah pawh hrilh thei tho mah ila hmaichhan ngei a hrilh ka duh ,a ni pawh a thawng ve ngawt ang ..zingkar ah Jungkook hnen atang morning wish sweet lutuk tak mai ka dawng a 'tu siam sual nge' tih mai tur khawp a at hmel in ka nui vur vur reng bawk ,college kal kawng ah ka u in min dawp hrep phah  bawk mahse engmah ka hrilh chuanglo nakin deuh ah ka u chu ka la hrilh ang

Cillege ka thlen chuan ka ke pen te chu a zang vah mai,nidang zawng aiin chhum te khi ka hmu mawi fal nalh engkim mai hi nidang aiin an mawi faivek mai ka hria,boruak nuam ti helhhawlh tak a college campus ka luh chuan college bul a thingbuk hnuai a thutna an siam a Jimin a mah te a thu ka hmuh chuan thawveng helh hawlh in a lam chu ka pan nghal vat

"Hey Jiminie hrilh tur che ka nei a nia"nui sawng a ka va tih chuan Jimin chuan ka lam chu a rawn hawi a,ka nui hmel a ral nghal tial tial hlauthawng fe in Jimin bul ah chuan ka thu thla nghal vat a "Jimin i tha em i chung ah enge thleng" ka ti nghal thuai,mittui la tlingpam in Jimin chuan min en a,thil dang ka sawi belh leh hma chuan min kuah thlawp in a insut nghal hlap hlap,a awmdan in min tih hrilhhai tluk zet in tiang a Jimin awm chhan hi hriat ka chak Jimin leh kei hi kan mittui a tla mai mai ngailo ,kan mittui a tlak tawh chin ah chuan hliam na tak kan tuar a ni mai ,Jimin chu ka kuah let vat a a hnung ah ka beng thek thek bawk,a duh tawk in tap phawt teh se

A duhtawk a tap tawh a ni ngei ang la inhnit feih feih chung in Jimin chu a in lahrang a "engthil nge thleng min han hrilh teh ,ting i tah tu in nge i mittui hi ti tla" a kut pahnih a  vawnsak in a chhanna nghak in ka en a "ih..yo…yoongi a nia" in sut deuh feih feih in a ti ta a "yoongi maw ,tinge a ni chu" ka lo ti nghal vat,a mittui lo luang chu a kawrban a hru tawk in a tah na vanga aw phui tiap chu a thian kharh a chutah a hma aia pangai  zawk hian "englo a nia,zing ah khan Yoongi inbul ah ka kal a college kal tur a ka chhuah khan a nia,darkar chanve vel ka nghak mahse,balcony ah chuan hmeichhia a lo chhuak a mut kawr chauh a la ha zui chuan yoongi pawh a lo chhuak a,chuan a hmui ah a fawp a" a sawi lai te chuan a mittui a far fap fap a ,ka lainat takzet Jimin awmdan tur chu ka lo feel pui ngawih ngawih ,hetiang ang deuh hian Mingyu leh Jungkook ka hmuh khan ka nat zia kha,Jimin chu ka kuah leh nghal thlawp keimah tak zawk pawh hian ka tahpui lo chauh

"Pawi tisuh Jimin chance i la nei em em ang,beidawng lo la nangmah kha in ti chak sauh sauh zawk rawh " ka tih chuan lu a bu nghat nghat a ,ka kuah na atang tho thut in " park jimin ka nih hi ka beidawng dawn reng reng lo,Min yoongi hi ka bialpa a nih hma chu ta tibuai char char dawn,bialnu nei pawh nise enge nupui neilai em a ni hleinem " a ti pang pang a ,a mittui a hru zeuh zeuh bawk a rilru na in hnem na tih hre tho mah ila a awmdan chuan ka nuih a ti za deuh tlat,mahse ka nuichhuak ngamlo ka nuichhuak a nih chuan ka chak dawn lo tih ka chiang

"Chuan enge min hrilh tur chu" min rawn en vut in a ti a ,ka nuihza insum lutuk chu ka nuichhuak lo chauh ,ka hmui ka pen fan fan "hey kim taehyung!!" A rawn ti hlar a ka insum thei lo ka nuichhuak ta hawk hawk ,ka dar ah a lo nem sawk a "hmeli sual suh aw,enge min hrilh tur chu sawi vat mai teh chuti lo chu ka luh san ang che nga,vawiin nileng in ka be lo ang che" a tih leh pang pang chuan pum dawm meuh in ka nui tawh,a hnu deuh ah ka nuiza zualpui a reh hnu in thu tak deuh zawk in jimin nen chuan kan thudun a "eng lo a nia,Jungkook nen kan inngaizawng" ka tih chuan Jimin chuan min rawn en nghal pawk

"Tae dawt i sawi leh em ni" a rawn ti nghal chiah bawk,lu ka lo thing nak a hmuh chuan a thaw  huai thei,ka thian a nih na  ang in  dawt ka sawi reng kha a rem tilo a,tha min tihpui lo ka nat a hlauh vang a ni tih ka hria ka dem hek lo "a nih chuan  engtin "  a tih leh halh chuan ka nui vur vur a "nizan ah a lo kal a Taehyung ang in ka hmachhawn"  tiin thil thlendan chu ka hrilh a,jimin pawh chuan min lawmpui thu a sawi ve mawlh mawlh