Who Are You...? Complete

Chapter 23

"A nihchuan tah hian kan sawi mai a nge" a hnar thum deuh dat pah a ti tu chu ka la melh ngar "ka in ah rawn insuan lut ang che vawiin tlai atang" jungkook chuan a rawn ti a nihchu ,enge hepa hian a sawi tak mai a a mawl deuh mawn le "what the hell!!! eng a!!! Eng vangin a teuh lo nasa lutuk!!" Ka ti deuh vak ,lungawi lo fe in jungkook chu ka en a a ni erawh in ngawi ngul in min en run thung eng chiah nge hepa hian a tum ni a in a chen ve maw a teuh lo nasa lutuk bak ah ka chhungten an phal dawn lo hrim hrim bawk

"En teh jungkook ,nilo professor i in a lo insuan luh chhan tur ka nei lo" ka ti  fak a jungkook mitmeng chu a rum an viau in ka hria mahse hlau ang in ka lang duh lo,hlau ang a ka lan chuan min zuam mai mai dawn ,chutah jungkook chuan min rawn hnaih hret a kei ka lo tawlhhnung ve hret thung " tun a kan dinhmun ah hian in hlat thei kan nilo tih i hrethiam lo em ni,kan chung a thil thleng hi " a tih lai mek chuan lo tawng khalh in " enge kan chung a thil thleng chu,hemi avang ngawt hian i in a ka lo in suanluh chu ring duh suh ka lo cheng ve dawn reng reng lo ,i sawi zawh chuan ka kal a nge professor" ti ngat in ka kalsan nghal daih ,ka rilru chuan 'Taehyung ngaidam tawh mai rawh,chan i hlau a ni lawm ni' a ti lawm lawm a, mahse ka thinlung a hliam a hnutchhiah khan bu a khuar nghet tawh lutuk a ka rilru hi ka thinlung in pawm har a ti niber in ka hria

Ka pen lai chu chawl det in jungkook awmna lam chu ka va hawiphei a ,min lo en reng a nihchu rang lutuk in ka hawilet leh nghal vat ka zak lutuk,mahse a nui suk lai kha ka hmu hman tho,eng vang a nui nge a nih,kei apawh eng vang a hawi let kher kher nge maw ka nih hrep ni  reilote hnu ah message ka dawng a ka open chuan  *i duh emaw duh lo emaw ka in ah i rawn in suanlut dawn tho tho* tih tr mai hi jungkook hnen atang ka dawng a nihchu ner sawk in phone chu ka aktha nghal hmak

Class ban chuan jungkook hmuh hlau lutuk in inlam ka pan nghal nal nal,in ka thlen chuan ka thaw hawk thei ka bag sofa a thlehthlak thak phah in "nu milkshake min lo pe" ka ti nghal lang lang bawk ka nu chu choka lam atang rawn chhuak in ka milkshake tur glass no ah hian a rawn chawi bawk "kha in zo la i room ah chho vat rawh" min tih chuan ka no chu ka tlak pawp a ka bag la in inchung lam ah ka tlanchho nghal zawt zawt thawveng zet a room ka luh chuan ka thil hmuh avangin ka ding chawt , "u,engthil nge i tih kha,tinge ka thawmhnaw te kha luggage ah i khung a" hrilhhai tak chuan ka ti a,ka u chuan min rawn melh zawk in a thil tihlai chu a tawp a  khum ah thukai in "hetah hian lo thu teh" tiin a bul chiah chu a beng thuk a mahse ka dinna ngai ah ka la ding reng tho ka ngaihtuah ang hi nilul suh se "ka zawhna min chhang rawh u,tinge ka thawmhnaw hi luggage ah i khung a" ka ti nawn leh ngat ka u chu a thaw hak a " a chhan chu vawiin tlai atang jungkook bul ah i cheng ve tawh dawn " a rawn ti ta mai ,ka  u thusawi zawh chiah chu awihlo lutuk in ka melh tlawk tlawk,engtin nge a nau hi tina em em tu hnen ah khan awmtir a tum theih zawk,ka u hian jungkook a hua emaw ka tia ,sawi tur ber pawh ka hrelo ka na a ni tawp mai  ka awm zawn hi a tawt nghal up up "eng vangin" ka ti zawi sap ka mittui a rawn hnai tan tih pawh ka hria ,hyung chu a thutna atang tho in min rawn pan a ka bul a lo thlen dawn chuan ka lo tawlhhnung hret ,a ding chawt a min en in thawk a la hawk "lo insiam zawm ang che,car ka zuk tinung a nga i lo in peih vat dawn nia" a tih tak hmuk ah chuan engtiang pawn hnial ila min tirh luih a tum dawn tho tho tih ka hria,ka u hian eng  vangin nge hetiang hian a tih ka hrethiam theilo,thlauhthlak ang hial ah min in ngaihtir "ka duh lo"kawngka a pelh hma chuan ka ti that a ka u lam hawi in ka inher vat,hyung pawh chu ding in ka lam hawi chuan a rawn inher a
"ka,ka duhlo u,ka duhlo a bul ah ka awm duh lo tinge min tirh tlat i tum i hriat vek kha u tinge tichung pawh chuan min tirh luih phet i tum " tap pur chung chuan ka ti vak a , "tae baby,i tan vek a nih hi" ka u chuan a ri zawi ruih a,ka tan vek maw,mahse chu chu ka pawm velo " aih ,engtin nge ka tan vek a nih theih ang ka awm duh loh na in a min awmtir chu ka tan vek  a ti i ni ang maw,nilo ka tan a nilo i lak atang min dah hlat i duh a min thlauhthlak i duh vang a nihkha i nau  hi nau atan i duh tawh loh vang a nihkha!!" Ka ti tuarh rual chuan ka biang sa nghal hat hat mai,tun ah khan ka u in kut min thlak  ,ka u min ben na lai chu dawm in ka mittui a dir zung zung jeon jungkook vangin ka u vawikhat pawh kut min la thlak lo tu engtik lai pawh a ka lam tang reng thin khan min beng a nih chu,awihlo lutuk in ka u chu ka en ngawih ngawih a ni pawn a thil tih a hrechhuak a ni chrk ang chu inthiamlo hmel tak hian min lo en a "tae,baby ka tum a nilo ka tihpalh lutuk ben che kha ka tum a nilo a nia" a rawn ti bah nghal nawk min rawn ban a tum chu ka lo tawlhhnung hrut a  "tae" ka u chuan a ti zawi ruih ,,' a tha ka kal a nge ,jungkook in ah chuan ka awm ang " ka tichhuak sep a,hyung kut minthlak na vang chuan ka na ngawih ngawih